اقوى من هالسالفة مافيش من شركة الـ RackShack

[kalifa]

السلام عليكم

الموضوع باختصار شديد .. في احد الزبائن عندنا مستأجر سيرفر وحبيت اني انقل سيرفره الى سيرفر ثاني انا شاريه له ورحت للشركه RackShack اخذت منهم سيرفر وقلت مؤقت احط فيه شغله على مايجهز سيرفره اللى انا شاريه له ... حلو الكلام

المهم اني نقلت المواقع اللى على السيرفر القديم وعددهم 66 موقع ومن بينهم 3 مواقع حكوميه كبيره المهم اشتغل السيرفر 10 ايام فقط وبعدها صارت مشاكل بالهارديسك وبدى السيرفر يصير بطئ جدا جدا ولما اكتشفت ان السيرفر قد اتلف نهائيا اتصلت فيهم وكان هذا ردهم علي

------
احنا نركب لك هارديسك جديد بس احفظ محتويات السيرفر عندك
------
لو ان موقع ولا موقعين مو مشكلة بس 66 موقع وين اوديهم ياشباب مايصير جذي ووو الخ ودخلت على الشات مالهم mIRC وكلمتهم وصارت سالفه جدام الكل اشوي واتفاجأ ان السيرفر تسكر اقولهم شغلوووه وشغلوه بس مافي اي موقع رجعت وسألتهم وين المواقع يقولون مو انت تبي هارديسك جديد هذا هارديسك جديد خلاص احنا شلنا القديم

طيب والمواقع اللى فيه .. يقولون احنا قلنالك قبلها بيوم انك لازم تنسخ المحتويات عاد ماضل فيها اتصلت تلفون وقعدوني علىاعصابي يوم كامل اذا مو اكثر بان راح يشوفون الهارديسك سوله فورمات ولا ليلحين

وانا انطر لما جاني الخبر بان رجع الهارديسك القديم والجديد وقعدت انقل وانا مستانس اشوي ولا السيرفر متسكر رحت ادخل عليهم وفي نفس الوقت وصلني ايميل يقول فيه احنا شلنا الهارديسك لان عطيناك 24 ساعه واذا تبي اكثر راح نحاسبك على الهارديسك .. طبعا ماصار هذا الكلام وماوصلني اي شي منه بخلال الـ 24 ساعه المهم اني كلمتهم باني مستعد اني ادفع مقابل الهارديسك الخربان واللى متروووووس اخطاء

الحمد الله على اي حال ..

اف لو ان الهارديسك راح جان راحت سمعتي وراه واطلقو الناس علي " ابن قبوس " الثاني هذا اللى اسمع فيه وما اشوفه

قبل كانت الراك شاك حلو الدعم الفني والمساعده بس الحين وبعد ماشفته منهم اعوذ بالله من المعامله

الدعم الفني على اعاده تشغيل سيرفر او تسليم سيرفر بدقيقه هذا كله شي بسيط تعال وخل تصير معاك مشكلة كبيره شوف اشلون يطلعون منك فلوس

تحياتي لكم

[مسالم2002]

السلام عليكم

الصراحه وبدون زعل انا ما اشوف في السالفه أي خطاء أو اهمال

يعني شو تريدهم يسو لك الجماعه زين ساعدوك بالي يقدرو عليه وفي حدود المسموح لهم .....

هذا وجهت نظري انت سويت المطلوب منك وهم سوو المطلوب منهم فلو انت تاخرة عليهم بالرد كان راحت عليك كل المواقع وهم يمكن من صلاحياتهم يعطوك 24 ساعه وبعدها بتم حسب فلوس عليك والاعذار كثيره في هذي هارديسك محتاجينه بصلحوه وبتركب في سيرفر ثاني فيه يعني رزق لهم ..........


وشكرا

[php4]

أخي مسالم شكلك ماجربتهم!
انا كنت معهم عند بدايتهم وكانوا يومها ماعندهم إلا سيرفرات الكوبالت بس وكنت ماخذ 3 سيرفرات ضرب هارد دسك واحد منهم فطلبت منهم يركبونه على السيرفر الثاني حتى أنسخ البيانات قل طيب،لكن اللي صار إنهم سو فورمات للهارد دسك ورجعوه للسيرفر وأرسلوا لي رسالة بأن عملية الريستوري(إعادة تهيئة) تمت وخذو 30 دولار عليها،مع إني ماطلبت منهم يهيئونه لأن المشكلة كانت في البارتيشن حق السواب بس.

وبعدين لاحظت شي غريب وهو إن السيرفرات كل فترة ضارب هارد دسك،ومرة ألقى ملف إعداد الأباشي ممسوح وأضطر إني اعيد كتابته لثلاثين موقع موجود بالسيرفر ، فإضطريت في النهاية إني انقل لشركة ثانية لأني بديت اشك فيهم.

[al-hores]

انا مع وجة نظر اخوي مسلم 2002يعني اهم ماقصرو غير الهاردسك بواحد جديد

[زعيم2000]

يقول المثل اسئل مجرب RackShack ولا تسأل طبيب ,,

ما ودي اكسب ذنوب وانا اسب فيهم ,,

..... ما يسووون ,,, اعزكم الله والملائكة والحاظرين ...

انا مؤيد وبشدة للاخوان khalifa و php4

وانا ما اقول كلامي إلا من باب التجربة الله لا يعيدها من تجربة ,,

تحياتي ,,

[Net Hunter]

والله احسن شي الواحد يدور له عرض ريسيلر عالي الترافيك
لا يهتم في الهاردوير ولا غيره كأنه مستضيف موقع
والله يا جماعه مره كتبت في webhostingtalk عن طلب ريسيلر بترافيك يفوق 100 جيجا ولقيت عروض حلوه وسعرها في ححدود 90-100 دولار بالشهر ! عيبهم ان غالبيتهم لوحة تحكم بليسك او انزم ..

[kalifa]

يا اخواني اهم لما عطوني فتره وهو 24 ساعه ماوصلني ايميل منهم الا باخر تقريبا ساعتين بس اشتغلت بالهارديسك الجديد وقعدت اركب السي بنل عليه وفجأه يعلق ويتسكر السيرفر ولا شايلين الهارديسك يعني المفروض يبلغوني قبل لايشيلون الهارديسك والرساله واضحة جدا اذا تبي مده اكثر ادفع

على العموم في مثل يقولك روح بعيد وتعال سالم طلع العكس صحيح روح قريب حق اي واحد يقدر ويكون من نفس الجنسة عربي افضل بالتعامل والتفاهم

تحياتي لكم