لوحة الممسوع

[عنفوان القلب]

[PHOTOGRAPHER]

عنفوان القلب..

الممسوع..؟؟
منو هذا...؟ وشو جنسيته..؟؟ ووين ساكن...؟؟

السيرة الذاتية..لوسمحتي اخت عنفوان..!!

خوفي لايطلع اسم اللوحة (الممسوع) وانا بالي راح على الرسام !! ياهي فشيله !!

[عنفوان القلب]

الممسوع.هو أحد الأخوة ..فى احد المنتديات...
صراحة عجبتنى الرسمة حطيتها هنيه.
قلت اشوف أراء السادة المخضرمين فى فن الأستاذ ممسوع..على فكرة..تعرف شو يعنى ممسوع...ما تعرف...!
مب مشكلة..وهو من المملكة العربية السعودية...نتمناله التوفيق والنجاح

[بويوسف]

ممسوع ..مممممم

اللوحة حلوة

عنفوان شسالفة الطلاب ؟ هذيلا عيالج ؟؟؟ والا انتي مدرسة ابتدائي ؟؟؟؟؟ ياربي اول مرة اشوف مدرسة مهتمة بطلابها والله زين

اتذكر ايام اول بالمدرسة كانوا يطقونا طق وماظن يدعولنا

[عنفوان القلب]

انزين انت قلت امين أول.....
هذى بنتى مقدمة على امتحاناتها يوم السبت الياي..وصراحة قلبى ينط ويوقف وخايفة خاصة انها أول سنة لها........... بس دعواتكم الله لا يهينكم....


اتذكر ايام اول بالمدرسة كانوا يطقونا طق وماظن يدعولنا..هههههههههههههههه تصدق..أنا صراحة اتمنى يرجعون أسلوب الضرب للمدارس.. لأنه بصراحة الطلاب صايرين ( زفتين وعيارهم فالت ) غير البلاوى الثانية من قلة أدب وعدم احترام وسلوكيات جمة تندرج فى القائمة السوداء..حتى المدرس ماعاد له هيبة..مب بس الاولاد...حتى البنات صايرين زى الزفت.....أنا أطالب بشدة عودة الضرب للمدارس..وان شاااااااااااء الله يعود هذا الاسلوب...لأن بعض الناس ما ينفع وياهم غير جذى..

استراحة
بنت أخوى ( أمانى ) روضة اولى وأمس كان لهم رحلة حديقة الحيوان سألتها أمها..حبيبتى أمونة...مثل شو الحيوانات اللى بتشوفيهم فى الحديقة....فردت بكل براءة وسعادة..
مثلى

اتصلنا الصبح نسال عن حالها قالتلى أمها راحت تسلم على أخوانها الحيوانات...يقطعهم من عيال شو رافعين لنا الضغط ويايبين لنا العصبي..والله اللى ما عنده عيال مفتك..ياااااانى كيف احسدهم...ما أغبطهم أحسدهم