صفحة 1 من 3 123 الأخيرةالأخيرة
النتائج 1 إلى 15 من 31

الموضوع: سالفتي اليوم سالفة ... ادخلوا ,,, ترى الموضوع طويل..

  1. #1
    عضو فعال جدا
    تاريخ التسجيل
    Dec 1999
    المشاركات
    3,841


    السلام عليكم و رحمة الله و بركاته ....
    سالفتي اليوم سالفة ... عبارة عن قصة ,,, مابقول شي... اقروا روحكم .... ..بس الموضوع شوي طويل ..مع اني متأكد انه يستاهل هذه الاطالة
    فكل واحد لازم يكون فايق و رايق ... عموما خلونا نبدا ..بسم الله الرحمن الرحيم:


    السالفة حصلت من شهور ... مجموعة من الشباب المواطنين ... تعرفوا على واحد من بلاد غرب افريقيا ..( لعدم التحديد) ... المهم تعرفوا عليه و كانت بينهم طلعات و جولات... في احدى الطلعات ... بين السوالف الي كانت بينهم .. قال لواحد من الشلة ... انت تكلم وحدة اسمها فلانة بنت فلان الفلاني...علاقتك معها كذا تعرفها من كذا .. بس بس بس قال الولد.. بس فضحتنا ...منو قالك؟؟؟!!!! قال ماشي... انسى السالفة.....كيف انساها؟؟؟!!! بس انساها ... مرة ثانية ...في احدى تجمعاتهم.... مبروووووووك مبروووك عليك الخطبة ( لشخص ثاني) .....شو!!!!! و انت كيف عرفت.. انا كنت بخليها مفاجأة ... كيف عرفت!!!؟؟؟... و ما خلوه .. لين ما عرفوا الطريقة ... اعترف صاحبهم و قال الصراحة ان جنية مسلمة متلبستني... و هي تنقلي الاخبار .. اعرفها من زمان ... و هي تحبني موت .... كل ليلة اشوفها .. على شكل انسانة... قطة ... او حيوان ثاني... الجماعة ما دشت السالفة في عقلهم على طول ...شكّوا في الموضوع ... بس ما بينوا له ... مرة ..قالوله .. خلنا انسير البيت المسكون الي في منطقة معروفة في دبي... يلا بنسير .. و كان الوقت ليل... قالهم مافي داعي.. مرة ثانية انشالله ,,, الي يسوق السيارة قال ,,, ياخي مادام انه البيت قريب خلاص مافي داعي نأجل الموضوع ... قال ماعليه مرة ثانية خلوها ... مب وقته .. و مافي داعي... تمّوا يحنون عليه و الله يخليك خلنا نسير و نشوف .. و يلا مرة ثانية بننسى .. و الحين انته معانا ... المهم وصلوا البيت... الساعة 2:30 فجرا ...مكان مظلم ... جدران مكتوب عليها بالرش ... باب البيت مفتوح.... و باب الصالة مغطى بحديد.. و المكان مغبر كعادته بعد ان شرد اهل البيت منه .... مريحانة مصدية... الحشيش اصفر ,, درايش مكسورة ... الملبوس نزل من السيارة .. و الجماعة يطالعونه متجه الى الباب ... وقف فجأة... و رفع ايده .... بشكل المصارع ... الاندرتيكر... قالوا الشلة.. شو يسوي هذا؟؟؟ .. يا فلان .. ينادونه ...ينادونه... و هو ما يرد عليهم و يتابع في حركته ... يا فلان .. لا رد... قالوا خلونا نطلع يا جماعة المكان كئيب و يخوف.. و الي يزيد الطين بلة المخفي الي حاطينه في السيارة.. درجة الرؤية تكاد تنعدم .. اللهم يشوفون واحد رافع ايده و من 10 دقايق ماتحرك.... يلا نروح و نخليه.... قالوا لا .. مافينا يطلعلنا في نص الطرب... بعد فترة ... تحرك المسكون .. و رجع للسيارة ... قالوله وينك ياخي زرعتنا في مكانا ... الريال ساكت و يطالع امامه بلا حراك.. المهم تحركوا .... المنطقة كلها ظلام و مافيها ليتات ... شغلوا الراديو ,,,, لتلطيف الجو ... مرة وحدة .. سكر الملبوس الراديو.... الجماعة في حالهم خايفين من الي صاير,,,, مرة وحدة ....صاح الملبوس..يلس يصيح و يصيح و يصيح لكن العجيب انه ما يصيح بصوته ... يصيح بصوت ثاني...!!!!! .. شو هذا ؟؟؟!!!! وصلوا عند المطار ... هناك قالهم وقفوا هنيه... اخيرا تكلم ... بس بصوت ثاني... صوت حرمة ....!!! .. الي يسوق من الموت وقف على طول... نزل الملبوس من السيارة و مشى شوية بعيد... قالوا لبعض .. هذه هي الفرصة يلا روووووح ... قال الي يسوق.. شو انا مينون ... احصله واقف عند بيتنا بعدين ... يا جماعة خلونا حلوين معاه احسن لنا ,,, و الملبوس يرجع و يقترب... ركب السيارة ... هاه خير ..شو فيك يا (...) ؟؟... بعد ساكت .. ياخي لون الويه تغير... لون وجهه مصفر زيادة عن اللزوم... شو هذا ؟؟!!!! الشعر الي على يده زاد!!! و مستوى الشعر على الوجه زاد بعد بشكل ملحوظ.... الجماعة كلهم في حالة خوف مرعب... يا فلان.. شو فيك كلمنا.. رد عليهم هذه المرة و قال ... هاااااا .. و بعدها على طول قام يصارخ و يصارخ و يقول لالالالالالآلا...لآلالالالالالالالا... لآلآلآلالالالالالالا... في هذه اللحظة كل الي في السيارة نزلوا و ركضوا بعيد.... دخلوا في الفريج الي صوبهم في هلع و خوف و هم يصارخون في نفس الوقت ... على طول اتصلوا الشرطة و خبروهم بالموضوع ... الشرطة وصلت عندهم و قالولهم يلا انسير عند السيارة ... ساروا ...و في الطريق الي كان يسوق كان يسرد تفاصيل القصة ... و من بعيد السيارة تبين ... الابواب كلها مفتوحة ... احاطت الشرطة بالسيارة ... و هجموا على السيارة... بس ماحصلوا شي... بس ورقة معلقة بخيط على المرايا و مكتوب فيها .... المرشد مألف هذه القصة عشان ماتنامون هذه الليلة ...... باي بااااااااي

    اكيد بنطرد على هذا الموضوع ....


    ------------------
    الصلاة الصلاة






    المرشد غير متواجد حالياً


  2. #2
    عضو فعال جدا
    تاريخ التسجيل
    Jan 2000
    المشاركات
    2,799


    بسم الله

    يعلك إنشاء الله ............

    و الله تيبست ريلي من الخوف .... شو ما تبانا نرقد؟؟؟؟ تبانا نفسك ما نرقد مول .... أكيد هذا إنت الساحر ..... ويه بسم الله


    و الله إن ما رقدت اليوم لأدعي عليك طول الليل ......

    لا و بعد بخلي جنيتي تزورك .... مب زين تقعد بروحك


    [b]<small><small>[ تم تعديل الموضوع بواسطة &nbsp; LoOoOoL &nbsp; يوم &nbsp; 23-02-2000]





    LoOoOoL غير متواجد حالياً

  3. #3
    عضو سوبر نشيط
    تاريخ التسجيل
    Jan 2000
    المشاركات
    887




    بسم الله الرحمان الرحيم

    شو بلاك فلختنا


    الله يهديك

    يطلعلنا في نص الطرب ........

    وين الطرب



    باصيييييح





    روضة غير متواجد حالياً

  4. #4
    عضو سوبر نشيط
    تاريخ التسجيل
    Dec 1999
    المشاركات
    799


    المرشد هذا تأليفك ....

    لكن اذا ودك تشوف أشيائ زي كذا واقعية فزورني وانا اوريك...

    اوريك ناس ملبوسين ....وأوريك بيوت مسكونة عندنا

    واقولك قصص صارت لي بعد بس سير علي ..


    ------------------
    ســـامر الليـــــــل





    Vampire غير متواجد حالياً

  5. #5
    عضو فعال
    تاريخ التسجيل
    Jan 2000
    المشاركات
    1,480


    بسم لله الرحمن الرحيم ...... سكنهم مساكنهم


    والله توني قاعده من النوم وعلى هالقصه قلت اصطبحنا وصبك الملك لله بقصه بالينانوه على الصبح

    والله خوووووووووش افطار فطرتنا فيه

    تدري لو انت يمي الحين جان شسويت فيك .. جان خليت هالجنيه تدخل فيك واوصيها عليك توريك نجوم الظهر






    ------------------
    عشووووووووووون عيل





    حجايه غير متواجد حالياً

  6. #6
    عضو فعال جدا
    تاريخ التسجيل
    Dec 1999
    المشاركات
    3,841



    ... والله حاله ... مافيكم قلب ... تخافون بسرعة
    لووووول
    وين جنيتك ما يتني البارحة... ...

    روضة ...سوري ... خطأ مطبعي ... الكلمة الاصلية درب و ليست طرب ... .... ترى الساحر كان مطرب على المعاش هاهاهاهاهاه


    فامبير.... والله اسمك روحه عليه قصص .. قول القصص هنيه و انا خوك ... خل الكل يستمتع ...

    حجايه ...اخخخخخ .... قريتيها الصبح .. لو قريتيها فالليل ما كان احسن؟؟؟

    عموما ... اسف على الازعاج


    ------------------
    الصلاة الصلاة






    المرشد غير متواجد حالياً

  7. #7
    عضو فعال جدا
    تاريخ التسجيل
    Jan 2000
    المشاركات
    2,799





    البارحه كانت مشغوله .... الليله إنشاء الله بتيك....


    والله ياويله إن قالهن إهنيه.... سمعتني يا vampire....


    حشا يا عوافتك

    حليلها حجايه الليله بتبات في البر .... إنشاء الله ما تتذكر سالفتك ... ولا صدق بتزيغ







    ------------------
    smile...smile...smile








    LoOoOoL غير متواجد حالياً

  8. #8
    عضو فعال جدا
    تاريخ التسجيل
    Dec 1999
    المشاركات
    3,841


    مسكينة ... انشااله ماتذكر بس

    ------------------
    الصلاة الصلاة






    المرشد غير متواجد حالياً

  9. #9


    انا اطالب بإلغاء هذا الموضوع شنو هذا اشلون انام الحين
    ؟؟؟؟؟
    سكنهم بمساكنهم وبشعر حجاية
    لحظة عندي هوشة مع يني بس هندي

    ------------------
    ليس الفتى من قال كان أبي إن الفتى من قال ها أنا ذا





    __hadi65__ غير متواجد حالياً

  10. #10
    عضو سوبر نشيط
    تاريخ التسجيل
    Dec 1999
    المشاركات
    799


    هاهاهاها....

    بشعر حجاية ....


    ------------------
    ســـامر الليـــــــل





    Vampire غير متواجد حالياً

  11. #11
    عضو فعال
    تاريخ التسجيل
    Jan 2000
    المشاركات
    1,480


    مااااااااااااااااااالكم شغل بشعر حجايه

    بروحه واقف من قريت القصه الخربوطيه

    سكنهم مساكنهم بدار هادي

    واااااااااااو بيصير فيها فلم كوميدي







    حجايه غير متواجد حالياً

  12. #12
    عضو فعال جدا
    تاريخ التسجيل
    Dec 1999
    المشاركات
    3,841


    لالالالالالالالا مب فلم كوميدي...
    فلم هندي ماله نهاية .... والبطل .. مات من اول الفلم... بس كان مكتوب على قميصه .. البطل مازنجر... هني عرفت ان هو البطل...

    ------------------
    الصلاة الصلاة






    المرشد غير متواجد حالياً

  13. #13
    عضو فعال جدا
    تاريخ التسجيل
    Jan 2000
    المشاركات
    2,799



    في الافلام الهنديه البطل يتحول الى قطو بسبع أرواح .....

    يعني ما يموت ..... بس إذا ماتت البطله

    ------------------
    smile...smile...smile








    LoOoOoL غير متواجد حالياً

  14. #14
    عضو فعال جدا
    تاريخ التسجيل
    Dec 1999
    المشاركات
    3,841


    لووول... قالولك ... سبحان مغير الاحوال,,, بس خلاص.. المخرج ياله الهام انه يغيير مجرى القصة ...
    و يكسر الروتين الممل,,, على قولتهم...
    سبحان مغير الاحوال...

    ------------------
    الصلاة الصلاة


    [b]<small><small>[ تم تعديل الموضوع بواسطة &nbsp; المرشد &nbsp; يوم &nbsp; 26-02-2000]





    المرشد غير متواجد حالياً

  15. #15
    عضو فعال جدا
    تاريخ التسجيل
    Jan 2000
    المشاركات
    2,799




    شو قاواك ؟؟؟؟

    بعدين الهنود ما يغيرون روتينهم ...... أوكييييييييي





    ------------------
    smile...smile...smile








    LoOoOoL غير متواجد حالياً





ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أضف موقعك هنا| اخبار السيارات | حراج | شقق للايجار في الكويت | بيوت للبيع في الكويت | دليل الكويت العقاري | مقروء | شركة كشف تسربات المياه | شركة عزل اسطح بالرياض | عزل فوم بالرياض| عزل اسطح بالرياض | كشف تسربات المياة بالرياض | شركة عزل اسطح بالرياض