انت مستضيف عند (( مستضيف )) قواعدك عطلانه .. تعرف انجليزي .. تعال هنا بسرررررررعه !!

[alotaiby]

السلام عليكم ..

ابشركم شباب اني حصلت اسم او عنوان الشركه اللي كان اخونا المصري ياخذ من عندهم السيرفرات ويبيع على خلق الله واللي سيرفراته عندهم ...

او اللي اسمه داتا سنتر حق سيرفرات ابو احمد ..

اللي كل يوم مذينا يقول ان الداتا سنتر له وهو اللي يشرف عليه ..

بس الغريب بالامر ..

ان اسعار الشركه ناااار بمعني الكلمه والله ..

انا حاولت اني اسوي لنفسي عرض زين مثل الموجود في الشركات الثانيه طلع لي بالشهر 500 دولار

المهم اخوان اسم الشركه بوريست ..

تقولون وش بنستفيد منها اقول لكم ..

واحد منكم اللي عنده خبره في اللغه الانجليزي يكتب في محتواها اننا كنا مستضيفين عند هذا الشخص ويكتب اسمه وعنوان موقع وارقام تلفوناته اذا كان عنده الرقم
ويقول ان قواعد البيانات متعلطه حاليا عندنا لها تقريبا ثلاث ايام وحنا نبي نطلع وحاولنا اننا نجيب نسخ من قواعد البيانات وعجزنا .. ياريت تشغلون لنا القواعد عشان ناخذ نسخ احتياطيه ..

ثم يكتب عنوان موقعه تحت او لا يكتب شئ ..

واذا جاه الرد ياريت يحطه بسوالف تكفوووون يعني فيد واستفيد ..
وخبرونا بالوقت اللي يبي يشغلون به القواعد عشان كلنا نصف طابور بالوقت المحدد وناخذ باك اب ونقول اذلف باللي ما يردك

هذا عنوان الشركه
www.burst.net

اللي بيقول كيف جبت عنوانهم اقول له عن طريق شخص تعامل معه بالسيرفرات وطلع من عنده قبل لا تصير المشكله هذي

تحياتي

[MaXwell]

هلا اخوي ، ان شاء الله الحين بدز لهم ايميل واردلك خبر اهني ، وبخصوص الشركه ترى هي نفسها nocster وهي اسعارها مو غاليه ترى وتعتبر رخيصه ويمكن العرض اللي شفته شوي غالي ، وعيب هالشركه ان الاب تايم عندها مو لين اهناك ، على العموم مابي اطلع من الموضوع انا بكلمهم وبرد لك خبر


سلام

[saudi4host]

http://www.nocster.net
واكثر العرب يشرون منها سيرفراتهم

[alotaiby]

اقول اخوي سعودي فور هوست ..

بسئلك بخصوص الشركه اللي انت حاط ..

هي معاها الدعم الفني ولا بدون دعم يعني خذ سيرفر وطس لا نشوفك الا كل نهايه شهر !!

[saudi4host]

يقدمون لك دعم في حالة توقف السيرفر بسرررعة رهيبه
مثلا انت داخل الاس اس اتش ومحتاج اوامر يعطونك اياها
مثلا تبي ترقي شي او حاجه معينه يشرحها لك
واحيانا اذا كانت ثغره يصكونها لك

[alotaiby]

اقول اخوي سعودي فور هوست اسم لي اناديك بالاسم هذا (( ابو امجد ))

تراني اعرفك وعميل عندك ولي حساب ريسلر وماشي تمام ..

اول شئ اشكرك والله على اسلوبك الرائع جدا واللي يدل علىكرم اخلاقك ورفعتها والله وان شاء الله ربي يكتب اللي فيه الخير ..

بس انا قصدت يعني لو تعطلت قواعد البيانات هم يسونها ؟!!

تحياتي يا احسن سعودي فور هوست

[saudi4host]

خخخخخخخخخخخخخخخخ
والله والله انه اسمي احمد العنزي
ومالي دخل باابو امجد وومالقيت الا تحط امجد
اول مره اسمع بوه
لكن شف ماهم المفروض مايقولون شي عن القواعد لكن هاذي كانت بمشكله بكل السيرفرات
والمفروض الشركة الجيده ترسل تنبيه لعملائها
وهم ارسلوا لي تنبيه

[alotaiby]

مهي مشكله بس انا كذا من راسي بسميك ابو امجد يابيي

يعني حرام ندلعك ؟؟

هههههههههههه

بس انا عندي شئ معقدني وذابحني ..

واللي هو مثلا المشلكه اللي اللحين بمستضيف .. مثلا وش هو السبب اللي خلاها تجي ..
ومثلا انت من يقوم بصيانه قواعد البيانات والسيرفر عندك .. انت بنفسك او الشركه اللي انت ماخذ منهم ؟؟

وابشرك ترا الدوادمي فتحوا بها مطار ..

ياحظ العتبان والله وناسه عندنا مطااار

بنصير اكبر ارهابين اجل الطيارات زاهبه بس طق السوتش وحرك ودور لك ناطحه سحاب انطحها مثل ما هي تناطح السحاب ..!!

تحياتي

[arabawy]

السلام عليكم
طيب يا اخوان الحين وجدت عندهم منتدى للدعم الفنى
لكن ما دريت وش اكتب وفي اي قسم نكتب
ياريت الاخوة ممن يتعاملوا مع هالشركات يقوموا بهذه الخدمه لنا جزاهم الله خيرا
http://forums.burst.net/index.php?

سعودي فور هوست
ايميلي انطرش فيه 20 رساله تقول تم اختراق سرفراتنا تم اختراق سرفراتنا
ومعها صورة كبيرة وشتايم وسباب
http://www.saudi4host.net/~alsa3h/Saudi4host.JPG