يقولون اسدد ثمن 17 سنة عشان اجدد النطاق!

[kh@led]

السلام عليكم

مرحبا ياشباب

معقولة هالكلام!

شوفوا الموضوع اللي بيني وبين مشرف في شبكة اطياب لخدمات الانترنت , بخصوص استعادة اسم نطاق انتهى وتم حجزه بواسطتهم ...

بعرضها لكم بطريقة البلوت

انا = لنا

هم = لهم



**********
((لنا))

السلام عليكم

كان عندي نطاق يا اخوان محجوز بواسطتكم وانتهت فترة الحجز ولكن يبدو لي ان شركة الدومينات التي تتعاملون معها قامت بحجز وتعليق النطاق بعد انتهاء فترة الانتهاء مباشرة

حيث ان النطاق اصبح غير متوفر ومسجل بهالطريقة :

Domain Name: DOMAIN.COM
Registrar: IHOLDINGS.COM, INC. D/B/A DOTREGISTRAR.COM
Whois Server: whois.dotregistrar.com


بغض النظر عن ذكر اسم النطاق ,,, كيف يمكنني استرجاع هذا النطاق؟ وهل من سبيل لإسترجاعه؟

*********
((لهم))

هناك رسالة قامت الشركة بإرسالها لك قبل فترة كافية من انتهاء اسم النطاق وكان من مضمونها مايلي:

Starting January 25, 2003, any .com or .net domain deleted for non renewal
enters a Paid Redemption Period of 30 days before it is definitely deleted.
This new grace period is designed to give you one last chance to recover a
domain: at this stage you can ask us to reactivate your expired domain for
a cost of 17 (seventeen) DRYs. Please be aware that this expensive service
(which guarantees a 100% chance of recovery) is based on fees

وهي تعني مجملاً انه بإمكانك استعادة اسم النطاق في حالة دفع مبلغ مساوي لـ 17 سنة من رسوم التجديد

*********
((لنا))

مرحبا

اخوي المساندة في الحقيقة لم اشاهد هذه الرسالة , قد يكون بسبب الجونك ميل في بريدي

لكن مافهمت وش المقصود!

كيف 17 سنة!!!

بإختصار اذا حبيت استرجع اسم النطاق ...

كم المطلوب مني؟

وشكراً

*********
((لهم))

اقترح عليك مراجعة قسم المبيعات اخي
لكن تقريباً المبلغ بيكون رسوم السنة الواحدة مضروباً في 17

*********
((لنا))

اخوي المساندة الله يرضالي هذي مو معقولة ابد!!!

وش الحكمة!

انا اللي اشوفه انه الشركة حجزت اسم النطاق بمزاجها بعد انتهائه مني !

والا من المعروف انه النطاق ينتهي وممكن اي شخص يحجزه فيما بعد!

هالكلام مو معقول ابد!!!!!!!!!!!!!!!!!

17 سنة!

تطلع 255 دولار امريكي !

و 960 ريال سعودي!

انت مقتنع بهالشي!؟

*********
((لنا))

تمزح معي يالمساندة؟

*********



انا اتوقع انه يمزح معي ياشباب

صح؟

مو معقولة!

الدعوة ضحك عالدقون!

[alotaiby]

الله يعوض عليك

يمكن يكون صدق طبعا هذا الاحتمال وارد اذا كان دومينك يستاهل يعني يعني يكون مميز مثلا

اطلب من ربك العوض

تحياتي

[kalifa]

والله ياخوي انا سمعت ان راح يصير قانون جديد وهو اذا تم انتهاء الدومين تكون هناك فتره تقريبا شهر الشركة تمسكة ولا احد يقدر يسجله من خارج الشركة او داخلها الا عن طريق صاحب الدومين القديم ولكن يكون بسعر 200 دولار للتجديد ... اما اذا جددت قبل انتهاء مده الدومين يكون بالسعر المعتاد

يعني بصريح العباره اهم غير ملزومين بمسك الدومين شهر عشان خاطرك بلاش

[www.5sHost.com]

انتظر لما يصير متوفر واحجزه من جديد اذا كان هذا الكلام صحيح

[kh@led]

مرحبا شباب

يعطيكم العافية

اخوي العتيبي , العوض على الله على قولك

اخوي خليفة , انا ماقلت يمسكونه لي , بس مايصير يعلقونه!

هم الحين لاماسكينه لي ولاتركوه متوفر للجميع حتى!

هم ماسكينه عباطة كذا !

اعتقد انه من المفروض يتوفر الدومين للجميع بعد انتهاء مدة الشهر اللي اعطوني اياها ! وهذا المعروف!

الا اذا المسألة فيها نجاسة من جهتهم , هذا شي ثاني!

اخوي alda4 الظاهر اني ببطي عظم!

[محسن]

عادي
شركة register.com قبل مدة حجزت حوالي 6 دومينات تابعه لي .. صارت المعلومات كلها باسمهم مع اني دافع فلوس تجديدهم سنتين .. طبعا ارسلت لهم مليون ايميل كانوا يردون على " ضف وجهك .. حنا اللي مسجلينهم لك وكيفنا " بس طبعا بالانجليزي وبلهجة مهذبة شوي ..

تبي نصيحة .. احجز دومين من شركة موثوقة واحرص انه الدومين يكون على ايميلك انت .. الافضل تكون في نفس الدولة اللي عايش فيها عشان اذا قعدوا يخربطون روح توطى في بطونهم

[marioo]

نفس المشكلة مع نفس الشركة بس ماعتقد انه مثل ماذكرت 17 سنة ولو اني ماني عارف هذا اختصار شنو (DRYs) اللغه الانجليزيه عندي ماش بس تمشي الحال
DotRegistrar.com is sending you this message to notify you that the above
domain name has been OFFICIALLY DEACTIVATED because of lack of payment.

We attempted to contact the domain's account owner several times during
the past month and the registrant, admin and billing contact during last week
about this issue, but no action was taken to remedy the situation.

Payment of yearly Registration fees are necessary to keep a domain name active.
This domain name no longer points to DNS's on your site and is scheduled
to be deleted in next few days.

Starting January 25, 2003, any .com or .net domain deleted for non renewal
enters a Paid Redemption Period of 30 days before it is definitely deleted.
This new grace period is designed to give you one last chance to recover a
domain: at this stage you can ask us to reactivate your expired domain for
a cost of 17 (seventeen) DRYs. Please be aware that this expensive service
(which guarantees a 100% chance of recovery) is based on fees
DotRegistrar has to pay to the registry . As a less expensive option, you
may use our DomWish domain recovery service at a cost of just 5 DRYs. You
only pay if the domain is recovered.

Sincerely,

DotRegistrar Support Team

support@dotregistrar.com

هذه الرساله الاصليه

[الساحل الغربي]

اغلبهم مملين في طلباتهم مثل netsol , registers والبعض نصابين

انصحكم بي directnic.com
قبل شهر حاولت نقل دومينين من netsol لحسابي لدى دايركت نك فلم يتم النقل بسبب الدومين منتهي
بس ارسلو رساله وقالو ترى لك في حسابك عندنا 30 دولار تقدر تستخدمهم وقت ماتشاء ولما تجدد او تشتري اختر باي دايركت نيك.

[kh@led]

اخ محسن

وش عاد اكثر من شركة register.com من اكبر الشركات في هالمجال! وشركة موثوقة! لكن يبدو انه اسم النطاق اعجبهم!

وبعدين وين تبغاني احجز وانا بالسعودية؟

اروح امريكا مثلا عشان اتهاوش معهم؟!

اجل ادفع 255 دولار اوفر لي واجلس هنا واسترده , هذا اذا صملت

*****

اخ marioo

اعتقد انه المقصود فيها 17 سنة حسب قول الدعم الفني عند اطياب لانه اعلم بهذه الامور والمصطلحات

*****

يالساحل الغربي , وش الفايدة خلاص طار الدومين

[محسن]

لا والله دومينات عادية ماهي مميزة حيل .. بس السالفة *غلاسة* لا اكثر ولا اقل .. بعدين ما تفرق كبير ولا صغير لانه مافي ايدك شي تسويه اصلا لهم .. فلوسك وراحت ودوميناتك وراحت .. بترفع عليهم قضيه عشان 200 ولا 300 دولار ؟؟ ماراح تجيب همها اصلا ..
انا اقصد احجز من موزع ل enom مثلا عندكم في السعودية .. اول شي بتفتك من بلاوي بطاقات الائتمان ومشاكلها .. ثاني شي تلقا لك احد تتهاوش انت وياه بدال ما يحترق دمك وانت قاعد على كرسيك مقابل الجهاز ما تقدر تسوي شي .