يا جماعة شركتنا تبي تلعب علي افتوني

[majedona]

السلام عليكم
يا جماعة الخير بصفتكم مبرمجين هنا
حبيت بس اتأكد من سبب الخلل في هالشي


شوفو المجله هذي

يقولون لي انه خلل برمجي
وبياخذون علي بالساعه حول الميتين وخمسين ريال
والقهر شركه اجنبية
والله لو اني طايحتن علي فلوس من السما ولا ادري وين اوديها


يا جماعة الخير افتوني في امري
ودوكم الصفحة ذي
http://www.aln9b.net/nuke/


والله يحفظكم ويرعاكم
ابنكم ماجدونا

[alkha6ar]

طيب انا اصلح لك المشكلة كلها مجانا ً ...

ايش رأيك ... إن كان عرضي أعجبك اضفني بسرعة ترى عندي اشغال ثانية ...
Danger404@Hotmail

سلامي ..

[Dark]

لو انك صاحب غير هالموقع كان ممكن اساعدك

بس للاسف موقعك أكثر من تافهه لا تزعل مني بس هذي الحقيقة
الحين الكذب مو معصية؟ وتسمي بموقعك بإسم معصيه وكل سواليفكم نصب في نصب يعني معاصي في معاصي؟ وسواليف سطحيه جداً جداً جداً يعني موقعكم يشبه موقع الاقلاع التافه الاول من ناحية المضمون الى متى بالله ياسعوديين وحنا كذا؟ الى متى وحنا متخلفين ومانفكر الا في بطونا والي يبسطنا؟ الى متى والهزل طاغي على حياتنا؟ ماغير ضحك واستهبال وخرابيط ؟ وامة محمد صلى الله عليه وسلم تعيش أيام من أصعب الأيام التي مرت عليها...

أسال الله ان يهديك الى طريق الحق والصواب وان يرزقك ولو بالقليل من الجديه

[majedona]

^
^
^
^
قل خيرا او اصمت
يا اخي لأن لو ان موقعي اسمه الوله والليل كان صار لك كلام ثاني
بعدين وخل الاقلاع في حاله
الرجال ما شفنا منه شر

وجزاك الله خير على تعصبك لرايك

وبعدين ندفع ميتين وخمسين ولا ينطبق علينا قول الشاعر :
ومن محن الدنيا على المرء ان يرى ** عدوٌّ له ما من صداقته بدّ

ميتين وخمسين ولا اذلالك
عطاك الله شوية علم وذليتنا فيه
شكرا ما ابي منك شي
دور الموقع وشوف
فيه اسلاميات وشعر واخبار باسلوب تعبيري يعجب البعض
وانا منهم
اذا تبيني اتكلم بلسانك قل لي وانا ابيعك الموقع

ولا عاد تجي تحل لي مشاكل
الله غني عنك وعن علمك ، ولا تكتم العلم جزاك الله خير
ولا تقول لي لا تزعل لأني زعلت بجد
ما فتحته انا مغازل
وسياسة الموقع ما راح اقول لك عنها

وانظر للناس بعين ارقى من هذي
عممت كل السعوديين بالطريقة هذي ؟؟

الامه اذا يهمك امرها
اطمر وامسك سلاحك وجاهد
اما قضية خلوكم جديين لأني احب الجدية ، فهذا فيه تزمّـت
قال الرسول صلى الله عليه وسلم : ( دخل نعيمان الجنة ضاحكا لأنه كان يضحكني )
ادري انك ما تعرف نعيمان رضي الله عنه
ولكنه صحابي اخذ اعرابي الى المسجد وقال له هذا هو الخلاء فغاط فيه
لا تكن متزمت جزاك الله خير فتبعد الناس عن الدين
والدين يحتاج الى اسلوب دعوة مهوب تزمت

فما هو المانع ان تكون الفوائد باللهجة العامه ، ويصبغها قليل من المرح
واذا ما صدقتني
ادخل الموقع وتمشى فيه وبالذات المجلة اللي مقفلة الان
وبلغني وش انت شايف علي
وهل انا فاتحها للناس يسبون الدين او يتغازلون ويمشون

وشكرا على ردك وحسن تعاملك <--- - ولا عاد هوب راد عليك

[majedona]

اخوي الخطير جزاك الله خير
قد اضفتك
بس بجد اتمنى اني انا اللي احل المشكله
ولعل الاخوان اللي هنا يستفيدون من الحلول هنا

[alkha6ar]

اخوي ما صار الا كل خير
والناس لبعضها
على كل
انا لازم اشوف المشكلة اول ...
وان شاء الله اعلمك سببها وما يحلها إلا أنت ...
وش تبي بعد ،، كم عندنا من majedona

سلامي ...

[majedona]

تسلم يا بعدهم وقسمن انك اخو وعزيز
ورجال وقفت معي في أزمتي


مدري وش اقول لك
بس هات صلعتك احبها لك <==== يقال لك ذوق

[tmjn]

اخوي بارك الله فيك باين انه المشكلة عندك في قاعده البيانات ...

لذلك فيه احتمالين ..
1- انه يكون موقعك ما يدعم لاني حصلت معي نفس الشي حجزت سيرفرو عندهم دعم للبي اتش بي لكن مايركب عليه المجلة هذاسبب..
2- انه تكون قادعو البيانات عندك ناقصه و هذا احتمالثاني...


عالعموم اذا المشكلة لسى ماحد حلها لك اضفني عندك على الماسنجر مايصير خاطرك الا طيب
بس صراحة عجبني ردك كفيت ووفيت ..و اقوللاخويالمتعصبانه مايحكم و لسى الموقع مااشتغل يمكن هذا الموقع يصبح منبر لنشر الاسلام ما يدريك...
عالعموم هذا الماسنجر..
alowibdi(at)hotmail.com
اخوك
tmjn
www.3lom.com

[majedona]

جزاك الله خير اخوي تمجن
تراني اضفتك

بس عاد احد ينام الصبح والدنيا نهار وسعة صدر وقسمن ان البر الحين يقول وينكم


عموما ما تقصر اخوي
انت والخطر

تسلمون