ياخبراء PhpAdsNew الفزعة تكفون .

[Hostdar.com]

السلام عليكم ,,,
ارغب بمساعدة في برنامج phpadsnew لتنظيم الاعلانات وسؤالي هو ::

مثلا عندي مربع اعلاني في الموقع وابي اضيف في المربع اكثر من اعلان لاكثر من شخص بحيث يظهر اعلان واحد من هالاعلانات عند دخول شخص للموقع ويظهر الاعلان الثاني عند دخول شخص آخر وهذه الميزة موجودة في غالبية المواقع تجد مربع اعلاني واحد ولاكن يظهر لك اعلان مختلف كل ما تدخل او تسوي تحديث وهذي الميزة تسويها بال php ads new لاكن ماعرفت اللي يعرف لا يبخل علينا رجائا ...

وارجو ممن لديه اشتراك بسوالف ايضا يطرح الموضوع هناك زيادة الخير خيرين ...

تحياتي لكم جميعا

والحمدلله سجلت بعد جهد جهيد وانتظار طووووووويل

[ابو مشعل]

و الله و انا اخوك ما اعرف المشكلة .
بس قالي عن اسمك msu . قلت اخيراً لقينا واحد من الديرة معنا في المنتدى يالله ان تحييك و اذا حيا كثر .

تحياتي

[msu]

القوميه العربيه


الا على طاري شقرا

ابي اسال

وين اول ماوصل النت شقرا ولا عفيف

[ابو مشعل]

يالله صباح خير

يالله صباح خير

هذي شقراء مهيب لعب يا حبيبي ركز معي
فيها الله يسلمك العثيم
و كودو <== توه فاتح
و فيها كون زون

الدي اس ال بيدخل قريب بعد <=== وكالة يقولون


هاه وش رايك


وش رايك نفطر ؟

[msu]

هههههههههه يعني لازم نقول لكم وين وصلنا

ياخي كان عندنا بنده بس والله مدري ليش عزلوا


بس اعتقد السبب انهم مالبّوا طلب المواطنين بأن يفتحوا ملحمه

ولذلك قاطعناهم




ههههه افطرنا

[ابو مشعل]

اقول مسيو . شكل اذا رجعنا بنلقى المراقب العام قاشعنا . ههههههههههههههههههههههههههه الله يستر و بس

ترى اليوم عليك الفطور

[Ala7lam]

اهلا بالجميع

و صباح الخير جميعا

بالنسبة لبرنامج الإعلانات انا وضعت قبل فترة موضوع في برنامج دروس في موقعي لكن الآن الدرس غير موجود ( بسبب مشكلة في الموقع )

ان شاء الله احاول احمل الدرس ثاني





بالمناسبة
هي شقراء فين ؟

[ابومنار]

رد مقتبس من ابو مشعل
هذي شقراء مهيب لعب يا حبيبي ركز معي
فيها الله يسلمك العثيم
و كودو <== توه فاتح
و فيها كون زون

الدي اس ال بيدخل قريب بعد <=== وكالة يقولون
[/B]

الا ما تقول لي يابومشعل وش في محمد علي باشا عليكم ؟؟ وراه كان ناويكم ؟
ياعزتي لضرماء اللي راحت فيها

بعدين وراكم جحدتوا الرجّال وهي اول مشاركة له

شف يالغالي ...
تدخل البرنامج وتختار من فوق شي اسمه ادمنستريتور بالانجليزي طبعاً بعدين تضيف حساب جديد Add new client وتعبي البيانات ..
الان بترجع للادمنستريتور وتضغط على سهم صغير بجانب الحساب اللي اضفته بيطلع لك صورة مجلد وبجنبه كلمة Create اضغط عليها .. وتعبي بيانات الحساب الخاص اللي تبيه ... واهم شي اسم الحساب يكون بالانجليزي .. ( حط الاسم وماعليك من باقي البيانات ) ...
الان خلاص .. تقدر تضيف الاعلان اللي تبيه
إذا سويت كل الكلام السابق راح ترجع للادمنستريتور مرة ثانية ..
تضغط على اسم الحساب الخاص ( آخر شي سويته ) بيطلع لك صفحة المفروض ان يطلع فيها كل الإعلانات اللي حطيتها وبما انك ما حطيت شي اضغط في نفس هالصفحة على كلمة Add new banner لاضافة اعلان ...
راح تجيك صفحة الاضافة وفي اعلاها قائمة منسدلة فيها طرق إضافة إعلان ... أفضل شي انك تنشيء مجلد في سيرفرك وتضيف فيها صور البانرز .... واذا سويت كذا وحطيت الصور ارجع لهالصفحة واختر من القائمة :
Banner referred to through URL
يعني سحب صورة من الانترنت

راح تتغير الصفحة بشكل سريع وتجهز نفسها لوضع البيانات المطلوبة منك ..

New banner URL (incl. http://) عنوان الصورة في المجلد اللي تكلمنا عنه
Linked to URL (incl. http://) عنوان تبي الزائر يضغط على الصورة ويوديه لموقع ما
Alt-Text عبارة نصية تظهر اذا وضع الزائر مؤشر الماوس على الصورة
Status Text عبارة نصية تظهر في شريط الحالة اسفل المتصفح اذا وضع الزائر مؤشر الماوس على الصورة
Size حجم البانر .... غالبا 468 في 60
Keyword تضع اسم الحساب الخاص اللي وضعته ( الأخير )
Description وصف قصير للبانر
Weight عدد مرات الظهور نسبة للبانرات الأخرى

وتضغط إضافة تلقى البانر جاهز امامك ...

الآن تاخذ كود السكربت وتضعه في المكان المناسب
الكود يكون بهذا الشكل :
<script language="JavaScript" src="http://domain.com/phpmyAds/adjs.php?what=xxx&target=_blank&withText=0"></script>

حيث xxx اسم الحساب الأخير أو Keyword الذي وضعته مسبقاً ..

اتمنى يكون الشرح واضح واسمحلي على الاستعجال لان وراي دوام

[بو مبارك]

ماشاءالله عليك ابو منار .. جبتها

<---- الاخ متورط بالسالفه هذي من زمان

الله يوفقك يابو منار ...

وعلى طاري شقراء .. ليش سموها شقراء

انا سمعت ان اهلها كلهم شقر <--- مايشوف الشقران الا بالتلفزيون

[athco]

هههههههههههههههههههههه

الا وش الفطور اليوم شكله فول ومكثرين يا بو مشعل انت ومسيو

اقووول اركدوا بلا فضايح

[Hostdar.com]

وراكم سولفتو فشقراء وخليتوني على جمب



الله الله الله كل ذا حب في شقراء صراحة احرجتوني

بالنسبة لمحمد باشا لا تسألني بالتاريخ مرة اخذ بالتاريخ 18 من 30 نحمد الله ونشكره ...

المهم مشكورين جميعا وبطبق الشرح واذا ماعرفت برجع لكم

مشكورين

[way]

الا ما تقول لي يابومشعل وش في محمد علي باشا عليكم ؟؟ وراه كان ناويكم ؟
ياعزتي لضرماء اللي راحت فيها

شقراء اول من راح فيها والقصيم .. ومرات .. وثرمدا .. وضرما .. (( ما خلا احد ها الباشااا ))
.. ابو مناااار .. ياليت تراجع التاريخ .. زيييييييين ..

[Hostdar.com]

طيب يخوي ابو منار بهالطريقة صحيح اني رح اقدر اعرض اكثر من اعلان في نفس المربع الاعلاني لاكن لن يكون هناك لوحة تحكم لكل معلن في هذا البنر يقدر يدخل ويعدل اعلانه ويشوف كم باقيله واهممم من كذا اني انا اضع الاعلانات على عقد على حسب عدد مرات الظهور معنها كذا كلها بتصير تحت اعلان واحد وعدد مرات ظهور وحدة وانا ابي ان كل اعلان يظهر يكون له عداد يحسب عدد مرات ظهوره ويقفل الاعلان الفلاني متى ماانتهت عدد مراته اللي انا محددها

وهذي الطريقة تسويها بوابة العرب في الاعلانات حيث تشتري منهم عدد مرات ظهور وتجد اعلانك يظهر في مريع اعلاني واحد فيه اكثر من اعلان (( طبعا مايظهر لك الا اعلان واحد , واذا سويت تحديث يتغير الاعلان )) وثم اذا انتهت عدد مرات ظهورك يتقفل اعلان اتوماتيك والقافلة تسير والناس تتفرج على باقي الاعلانات الى ان تنتهي مدة ظهور كل اعلان

دوختكم ارجو ان ابو منار وغيره فهمو قصدي ويشرحون لي الطريقة ومشكورييييييييييييييييييييييييين أوي .

[ابو مشعل]

هلا و الله ابو منار . كيف اصبحت
يا ابن الحلال مدري وراه علينا . مهوب يسمي شقراء الا ( البلدة الملعونه ) ههههههههههههههههههههه شكلها فاقعتن مرارته . هما محمد علي باشا يقول ( اردنا شقراء و اراد الله زرما (ضرما ) )

اخوي way هلا حياك الله . ارجع للتاريخ و انا اخوك شقراء هي من البدان القليلة اللي فتحت صلحاً .

تحياتي لكم
اخوكم ابو مشعل

[Hostdar.com]

حولنا الموضوع حصة تاريخ

لو في هاك طاولات وكراسي تظبط الدعوة ...

------------------------ > وسبورة بعد .