السلسلة التعليمية لتعليم تركيب السكرتات و المنتديات بدون أخطاء "الجزاء الأول
السلام عليكم ،،
أقدكم لكم السلسلة الأولى من دروس "القدرة على تركيب السكربتات و عطب الأخطاء" ،، كذا لازم يكون عندك بعض البرامج عشان تقدر تركب السكربتات و تحرر بعض ملفاتها ،، و برنامج الفرونت بيج ،،
الدرس الأول :
البداية عشان تقدر تركب السكربتات لازم يكون عندك برنامج أو بمعنى آخر السيرفر الشخصي "الأباتشي" لا لا لا تحسبون إنها طيارات عمودية لا لا ،، هذا برنامج او سيرفر شخصي تركبه على الجهاز عشان تعاين السكربتات قبل ما تركبها على الموقع ،، من زمان أو سنوات كانوا الناس ما يعرفون السيرفرات الشخصية و المعنى إن الواحد يكربله أي سكربت بعد ما ينزله على جهازه و بسرعة يحطيه على الموقع …. حتى عدد قواعد البيانات الله أعلم ،، الله يعينهم ذاك الوقت.
أما الحين نزلت كثير من السيرفرات الشخصية البيرل و الأباشي و في سيرفرات شخصية أقوى من الأباتشي و غيرها من السيرفرات الشخصية التي لها شعبية كبيرة ،، فيما يعني إن قليل من الناس أو الين عندهم مواقع كبيرة يعني تشل 7000 زائر يومياَ عيل في الشهر كم؟؟
أولاً تحتاج إلى الأدوات و البرامج التالية :
1- السيرفر المحلي "الأباتشي"
ما هو ؟
هو سيرفر شخصبي تركبه على جهازك لكي تعاين على السكربتات قبل ما تربكها على النت.
ميزاته :
سريع "يعني" لكنه يدعم فقط PHP & MUSQL و الحلو فيه إن الشركة مرفقة مع البرنامج phpmyadmin و هو زين لكني أتعذب منه
زين زين لازم تعرف إن حجمه 14 ميجا بايت "ما عارف" أعتقد ،، الله يعينك إذا كنت من السعودية ،، وش رايك تروح كوفي نت و نتزله؟؟ أحسن
زين زين الحين سوالف تنصيب"أعتقد إن الأهبل يعرف كيف" و في مواضيع في هذا المنتدى توضح لك ما كنت وش أقول
أوكي ….. الحين سوناله تنصيب و ما باقي إلا برنامجين مهمين أولهم :
phpcoder يا سلام عليك ،،أحسن برنامج عندي فيما ميزاته إنك انت تقدر تصمم منه صفحات php و بعد تقدر تدرج منه شيفرات php خاصة ،، و بعض الخدمات السرية الي فيه :
البحث عن كلمة = Ctrl+F
الذهاب لأي سطر = Ctrl+G
اوكي ،، الحين نزله من المرفقات في هذا الموضوع ،، و الباقي هو برنامج من مجموعة برامج الأوفيس و هو FRONT PAGE و أفضل لك تختار العربي ،، لانك إذا استخدمت الأجنبي بتتغير اللغة يختبص عليك المستند.
الحين عندنا البرامج المهمة ،، الحين نبداً باسم الله …
اول برنامج بتركبه هو :: منتديات الـ vb و هو برنامج للمنتديات رائع لكن للأسف فيه ثغرات كثيرة و باينه لي قبل ما أعرفها ،،
--------- الدرس الأول -----------------
أول شي نزل المنتدى من الرابط التالي : "النسخة 2.3.0
رقم النسخة : 2.3.0
مصمم البرنامج : vbiliuent
المزايا المفيدة :
تم في النسخة الجديدة زيادة سرعة المنتدى و سرعة الداتا بيس ،، سمة روعة و يمكنك أن تعدل عليها ،، مصممه لكي تسهل التعديل عليها ،، معربة تماماً ---à مب قصدي الكنترول بانيل .
المزايا السيئة : ما منــزوع منها كود التبليغ … يعني يا ويلك إذا عرفوا شركة البرنامج ،، المشكلة إنك يوم تضيف موضوعين في وقت واحد --à هذه شي معروف إنها عرور عرور ،، و لا لا يا بابا ،، هذه النسخة ما مثل الباقي النسخ الجديمة ،، يعني الهيدر له ملف خاص و الفوتر له ملف خاص يعني
header.inc & footer.inc
يعني يا ويلك إلي ما عندك مستعرض ملفات php و الحين ليكم الشرح الممل لدرجة ظهور الشعر الأبيض:
الحين عندك منتدى تبي تركبه ؟؟……. مب داعي أقولها لأنها إنعادت 2000 مرة
أوكي الحين فك الضغط عن الملف --à الملف المضغوط "المنتدى"
سوالف إكستراكت و حطه على سطح المكتب ،، أوكي
الحين مب داعي تعدل على ملف المونفيق ،، شيل الملف على مجلد السيرفر المحلي الأباتشي ---à لا تستهبل تراك تعرف
زين زين الحين أفتح ستارت الأباتشي ،، و بعدين ستارت ما إس كيو إل
الحين إدخل على الرابط التالي
http://localhost/phpmyadmin ----à تراه رابط البرنامج الي يعطيك قواعد بينات "بي أتش بي ما أدمن" الله أعلم إذا كنت تعرف
الحين ضيف قاعد بيانات جديدة و لتكون omar الحين خلها هذه الكلمة في راسك ،، الحين غير إسم المنتدى لـ board الحين هذل هو إسم مجلد المنتدى ،، الحين سير للرابط التالي
http://localhost/board/admin/install.php
الحين أنا معاك في كل خطوة
عندما تدخل الرابط إضغط على التالي : و بعدين بتلقى كتبه تقول لك
1 نوع قواعد البيانات
2 الهوست
3 إسم المستخدم
4 كلمة السر
5 إسم القاعدة
6 إيميلك
الحين 1 اكتب mysql
و رقم 2 localhost
و رقم 3 إسم المستخدم
و رقم 4 كلمة السر
5 إسم قاعدة البيانات
6 بريدك
الحين إكبس على التالي
و بعدين التالي
و التالي
و التالي
و بعدين بتحصل حوالي 5 مربعات
الأول خله
و الثاني إكتب فيه إسم المنتدى
و الباقي خله
اضغط التالي
اكبس التالي
و بعدين بتلقى 3 مربعات
الأول إسم المشرف العام
و الثاني كلمة السر
و الثالث بريد مدير المنتدى
ياااااااااا حلاوة الدنيا الحين يا ريال
اكبس على التالي ،، و بقولك برنامج التنصيب إحذف ملف الإنستول و بس ،، صار عندك منتدى ،،
ملاحظة : تراني كاتب الشرح و هذا الموضوع بدون ما أفتح أي منتدى أو استخدم أي درس ،، بمعنى أنا جالس 4 ساعات على كمبيوتر الكوفي نت و أنا أكتبه بدون ما أفتح سوى برنامج الوورد
لا تنسون من دعائكم الصالح لنا و لي ،،
و ترى الكبيورد ما ل كوفي نت خربان شوي
