مشكلة اللايكوس الجديدة...لماذا؟؟؟

[mohanad]

الأخوة المستضيفين عند لايكوس من يوم ما غير الإعلانات وهم متضاقين
و مقهورين
ما حدش فكر ليه اللايكوس عمل كده؟؟؟
عندما قامت لايكوس بعمل خدمة استضافة كان المقابل وضع اعلان
و على ما اذكر انه ما كانش ضخم زي دلوقت
و الإعلان ده هو الممول للخدمة المجانية

فبما ان هذا كان الشرط
و انكم ابتكرتم طرق للتخلص منه
فلا تلوموا الشركة ان منعت الإستضافة نهائيا

فليس من خلق المسلم الإخلال بالعهود و المواثيق

فالشركة لها حقوق كما للمستخدم حقوق

و عند التسجيل تأتيك معاهدة الإستخدام
و لا يتم التسجيل الا بالضغط على agree
اي موافق

فهو شيء من الإتنين
اما انك كذاب او انك مش عارف الي مكتوب(ما قريتهوش)

فان كان الأول فاتق الله
و ان كان التاني فلقد عرفته فلا تتذمر

اما الإعلان الحالي فهو فريم
و لا اظن ان له حلا

فاتقوا الله و كلموا الشركة يمكن توافق و ترجع القديم

طبعا بدون ما تشيلوه

و ماحدش يزعل
الي يزعل يعرف انه غلطان
وجب التنبيه
و السلام عليكم

[MOF NET]

كلام 100% أنا شخصيا من زمان قدمت استقالتي لموقع ليكوس
ومفيش فايده متحاولوش ، الكود حتى لو طلعله حل اشتراكك هيتلغي
آسف بس كنت عاوز أضحك شويه
تحياتي ..

[mohanad]

انا مش فاهم الرد ده جد و لا سخرية

ان كان جد فشكرا و ان كان سخرية
فان الله عفو رحيم

[MOF NET]

أخ mohanad أنا والله العظيم مش من النوع اللي بيسخر من حد أو من ردود حد ، وتقدر تتأكد من كلامي بعمل بحث عن مشاركاتي في المنتدى ، أنا بس دخلت حبيت أؤكد على كلامك بس بنوع من الضحك على الموقف نفسه ، يعني انا أول كلمه قلتها كلام 100% في ردي السابق ، وسبب اني ضحكت هوه تأكيدا على كلامك بأننا بنقرأ الاتفاقيه عن التسجيل ولكن لا نهتم بها ، وربما لا نقرأها بالمره ، وبعد كده نرجع نزعل .
أنا معاك في كلامك 100% ، وآسف اذا كنت فهمت كلامي على سبيل الخطأ .
فالله وحده يعلم بما كان في نيتي .
عالعموم انا ممكن احذف الرد مش مشكله .
اعتذاري وتحياتي ..

[mohanad]

لا يا عم
لا حذف و لا حاجة

خلاص و الله
انا الي اسف لاني ما فهمتش صح
الخطا مني

و الله انا متأسف
و اعذرني

[MOF NET]

mohanad حصل خير على فكره انا عرفت انك اسكندراني وأنا بموووووووت في اسكندريه وجوها وناسها
شكرا لتفهمك .

[mohanad]

يبقى مستنيك السنة دي

[MOF NET]

رد مقتبس من mohanad

يبقى مستنيك السنة دي

آخر أغسطس ان شاء الله ، علشان الزحمة