السافه سالفة(ابن رومي)، رجال متزوج ماجاله صيب الا بعد 15سنه ،جاله ولد يقول للزين قم واقعد بدالك،المهم ان الرجال تعلق فولده لدرجة الجنون ولا عاد يدري وين يوديه من غلاه،اللي حصل ان ناقته الغاليه توطست بحوض بطن الولد الا هو معطيكم روحه،انجن ابن رومي وغلى الدم فاعصابه ،نطر لين الناقه تولد وتعلق بحوارها(ولد الناقه)وقام عليه واذبحه قدام عيونها، قامت الناقه ترغي وتبكي بدال الدمع دم(والناقه معروفه بدموعهااذا حزنت)المهم ان الرجال كرر هالفعله مره ومرتين وثلاث،لكن في المره الاخيره صاحت الناقه صيحه الا هي طايحه على ركبها ميته!!!،وتقول جدتي انهم يوم شقوا بطنها لقوا كبدها متفتته من الحرقه.
وصارت السالفه مضرب امثال مثل اللي قال فيها:
يا ونتن ونيتها يا بن نصار**ماونها حتى خلوج ابن رومي
