السلام عليكم
ماادري نقدر نخرج عن المالوف من طلب استضافة وغيره بقصة قصيرة فيها من الحكمه الكثير
القصه باختصار ياحلوين ياشطار
احد الشباب قرر ان يعمل موقع ومنتدى خاص به فكر يستضيف حلمه في احد المواقع دخل محركات البحث وموقع سوالف يبحث عن شركة باسعار معقوله ومضمونة عجبه احد مواقع تكلم مع صاحب الموقع عن طريق المسنجر طبعا الشاب لايفقه شي في عالم الاستضافة الترفيك وغيرها فاندهش بشرح صاحب الموقع الترفيك يااخي الكريم كمية نقل البيانات والسب دومين هو اسم فرعي للموقع تستطيع ربطه بالاسم الاصلي وغيرها من الامور احس بان هذا الشخص فاهم وواثق من عمله فقرر ان يستضيف موقعه عنده نشر موقعه وسهر الليالي في التصميم والعمل المتواصل في تنفيذ الحلم بانشاء موقع بمواصفات معينة استمر في العمل ايام وشهور فجاءه اختفاء الموقع رجع لصاحب الموقع (الذي لا يسال عن العميل الا في اول لقاء) شرح له الوضع رد عليه والله ياخوي مااعرف وش السبب رد العميل كيف وانت صاحب الاستضافة رد المضيف ادخل موقعي وتلقى نفس المشكلة يوم يومين اسبوع وهو يتصل ويحاول يفهم صاحب الاستضافه انه تعب وسهر والموقع اخذه منه الكثير في نهاية المطاف ضاع الحلم وشاع تعب شهور واكتشف ان صاحب الاستضافة قرر ترك العمل وطنش العملاء
القصة الثانية
شخص ذكي شوي قرر يستضيف موقعه في موقع او شركة معروفة حتى يضمن ما يصير فيه مثل الاخ الاول كلم صاحب الموقع ورحب فيه وتم الاتفاق على الامور المالية وغيرها استغل في الموقع وطوره بعد فتره حدثت مشكلة في الموقع يدور صاحب الاستضافة مايدخل المسنجر يدق عليه مايرد الاخ فكر وش الحل قرر يسوي خطه ذكية يسوي ايميل جديد ويضيف صاحب الاستضافة سواله اضافة قبلها معقوله وهو ماهو اون لاين في الاسم الثاني كلمة انه يبي استضافة وطلب يكلمه بالجوال اعطاه رقم الغريب انه رقم مختلف عن الرقم اللي اعطاه كلمه قاله وش هالتعامل وليش ماترد علينا وتقول ان لك رقم ثاني تبرر وتحجج بحجج واهيه قال العميل ماهي مشكله رجع الموقع رجع في يوم وليلة قرر العميل ينقل لشركة ثانية ويشهر في الاستضافة
القصة الثالثة
شخص لقى موقع استضافة ممتاز في المعاملة والدعم وكل شي حدثت مشكلة في موقعه صاحب الاستضافة ماعنده خبره لكن ما تهرب ولا قال شي بالعكس هو يتصل بالعميل ويعتذرله لكن بقي الموقع مقفل بسبب المشكله وش فاد العميل حسن المعاملة
قصص تتكرر يوميا ولكن ماالحل المضيف توصله الفلوس قبل الاستضافة والعميل يعاني
نصيحة لكل شخص قبل تستضيف دور المضيف المناسب والموثوق فيه صاحب الخبره وعنده فريق عمل موب شخص واحد ويكون على خلق