منتداك ناجح و لكن ربي ابتلاك بمخربين وش تعمل ؟

[ploo]

السلام عليكم

لما يكون عندك منتدى متعوب عليه
و تشتغل فيه ليل نهار و يطلع ميه ميه

ولكن و هذا طبيعي قد تواجه و ستواجه نوع من المخربين
و لا اقصد الهكرز لا
اقصد نوع من الاعضاء اللي يكره لك النجاح و لعملك النجاح

ايش تعمل ؟

دخل واحد منهم و كتب كلام مو زين عنك و عن منتداك
و قال فيك و فيك
و انت مسكين مالك في الطين و لا العجين

تجي انت و انت زعلان و تدخل لوحة التحكم و تمسك اسم المخرب
و تعطيه باند

طيب هو راح ينقهر و ياخذ بخاطره و يقول المسألة فيها تحدي

يروح و يدخل و يسجل باسم جديد و ايميل جديد
و يكتب لك بكل قسم مواضيع الله لا يوريك

تجي انت و تدخل و بكل قوتك ماشاء الله عليك و توقف عضويته
وش حليلك راسك يصب عرق و فيك قهر

عاد خوينا المخرب ما يسكت و هو جالس قدام النت 24 ساعه و فاضي لك
يحاول من هنا و هناك و يتحالف مع ادارة منتدى ثاني او يتحالف
مع اعضاء يكرهون لك النجاح

و تبدأ العمليه
كل يوم انت موقف عضوية اكثر من مخرب

طيب وش الحل ؟
هل راح تستمر بهالوضعيه ؟
هل تشوف انه من الأفضل انك توقف عضويته ؟

طيب انت وقفت عضويته و ما نفع الحل

اذن السؤال هنا مطروح الى الويب مسترات و اصحاب المنتديات

ما هو الحل الأمثل و النموذجي للحد من ظاهرة المخربين ؟
و كيف يتم القضاء عليهم و بطرق معتمدة ؟

ياليت كل واحد منكم يعطينا رايه
لاني اشوف هالمشكلة مهمه و تحتاج الى وقفه و اعادة نظر

[NaMr]

هلا اخوي

طبعا المشكله هذي اغلب المنتديات تعاني منها

لكن دامك واثق من نفسك وكتب عنك موضوع خله وشف ردود الاعضاء ان كانهم وقفوا ضدك الله يعينك

[help me]

والله انا وايد صارت لي هالمواقع

بس راسي يابس واوقف عضويته


لان مافي شي جدامي غير هذي الطريقة ..

ياليت الاخوان يفيدونا بطريقه حلوة

[باك]

السلام عليكم
فيه حلين
ترد عليه بموضوعيه
او تسوي مجموعه اسمها
تم شطبه من المنتدى

[jaralqamr]

اخوي ploo
مثل ما تفضل الاخوان ..
ولا تشكي لي ابكي لك ..


لكن ندعو ان الله يهديهم الى رشدهم .


تحياتي

[MinWin]

من وجهة نظرى ايقاف عضويته لن يفيد

كما انه بعد ان توقف عضويه ربما يظن الاعضاء بأنك اوقفتها لانه يقول الحقيقة

بالنسبة لى ارى ان الحل المناسب هو الرد على كل ما يقال

نعم

قم بالرد بموضوعيه و ادرء عنك الاتهامات

ساعتها كل اعضاء المنتدى بيكونو معك

و ياوليك لو كان تحالف معهم

[شمصح]

عادي رد عليه و افحمه الا اذا كان كلامه صحيح و لن تجد الحجة عليه و انا حصلت معاي و هذا مثال

http://www.nissan-arabia.com/showthr...=&threadid=618

[ploo]

اخوي NaMr

كلنا واثقين من انفسنا و لكن هنا مو القضية

القضية ان قدامك مخرب و تبي تنهي مشكلته
وش تعمل ؟

ان كنت انت صاحب منتدى و دخل عليك واحد عرض
تقول ابي اتفاهم معه ؟

كذا برايك حل ؟

[ploo]

help me

الطرق كثيره و الموضوع هذا هو لايجاد الحلول الأمثل

لاني اشوف انه حرام تعمل شي و تتعب عليه و بالاخير تلقى واحد
كاتب فيك كلام يفشل

المصيبه لما يكتب عليك كلام كذب
و الأمصب ( الاعظم ) لما الكل يصدق كلامه

يدخل عليك بالرسائل الخاصة لاعضاءك و يلفق و يكتب كلام مو زين
و انت عارف اعضاءنا كلهم خرطي
حقين ثنوي و يصدقون اللي يقرونه

الحل ان شاء الله موجود و راح نستخرجه من بعض
المهم كل واحد لا يبخل علينا برايه

[ploo]

اخوي باك

لما ترد على موضوعه راح تنزل لمستواه
تخيل لو كان كاتب كلام قبيح
هل تبي ترد عليه ؟

و الحل الثاني كمان مش عملي
لانك لما تضعه في خانة المطلوبين للعداله ما عملنا شي

نبي نعرف طريقة محترفة للتعامل مع الاشكال هذي
و الحل ما يكون بالايقاف او بالرد

[ploo]

اخوي jaralqamr

انا عارف ان الشكوى لغير الله مذله
و لكن السكوت عن الحق شيطان اخرس
و الجهل ظلام و العلم نور

لازم ننور انفسنا و نبحث عن حل للمشكلة
المشكلة مو حلها سهل

انا لو كنت اتكلم عن هاكرز كان الكل قام و دافع عن منتداه
احنا نتكلم عن ظاهره خفيه و مدسوسه و سامه

[ploo]

اخوي EldeebdotNet

هل برايك لما يكتب كلام مو زين و ترد عليه حل مناسب ؟
تدري وش بصير بمنتداك لو عملت كذا ؟

الكل راح يهتم بالموضوع و المنتدى يتعطل و الناس يصير همها
هالموضوع
و الناس من خلف الكواليس تقول :
صاحب المنتدى حاط راسه من راس العضو فلان
صاحب المنتدى عقله صغير

يعني راح تنزل انت لمستواه و هذا هو اللي يخطط عليه
هو يبي كذا و لما انت ترد راح يقطف اولى ثمرات النجاح

معليش من رايي ان الرد عليه مو اسلوب صحيح
لازم يكون هناك حل بديل

و انت قلتها بلسانك
يا ويلك لو تحالف معاهم

طيب لو كان تحالف معاهم وش بكون موقفك كصاحب منتدى ؟

[ploo]

اخوي infiniti

رد الاخ / عادل حلو و كلامه لا غبار عليه

بس انزل تحت وشف ردود الباقين ؟؟
اللي يقول كلام مو زين ... الخ

طيب العضو هذا ما بيحقد عليكم ؟
انت الان اشعلت اول شراره و راح يبدى يهاجمك و يحقد عليك

لو كان الرد فقط من الاخ / عادل اللي بالموضوع و بس كان افضل
ولكن الباقين راح يشعلو نار الفتنه و صدقني ما راح يترك منتداك

و الا ايش رايك ؟

[ploo]

و الان نكمل الموضوع

لازم اننا نفرق بين عقلية صاحب المنتدى و عقلية الاعضاء
من جهة النظرة البعيدة

العضو لما يزعل على المنتدى فله حلين :
اما انه يطلع و لا عاد يطبه
او يكتب بكذا اسم و ياويلكم منه و من حقده

اما صاحب المنتدى لما يزعل من شخص فيجب عليه ان يكون هادئ
رايق و فاهم و متفهم

لازم يعرف ان الناس تبي تمسك عليه الزله او اصغر خطأ

لما قررت يا صاحب المنتدى انك تملك منتدى و تديره
فيجب ان تكون نظرتك بعيده ( على الاقل 3 سنوات قادمه )

مو صحيت من النوم و قلت يالله بسوي منتدى
لا

صاحب الموقع و بالذات المنتدى لازم يكون صدره وسيع و باله طويل
و لازم يعرف ان فيه نوعين من المخربين

نوع مكشوف ( الهكرز )
و هذا امره سهل

و النوع الغير مكشوف ( المخربين )
و هذا اصعب نوع

السؤال المطروح الان و اللي كلنا نسعى لايجاد حل مناسب له هو :

[ ما هي الطريقة المثلى للحد من ظاهرة المخربين و الحاقدين ؟ ]

هل بالرد عليه وبافحامه مثل ما تفضل الجميع ؟
هل بتطنشيه و حذف موضوعه ؟
هل بتوقيف العضو ؟


برايك انت ما هو الحل

القضية ما تزال مفتوحة

[alkser.com]

السلام عليكم
الأشكال هذي كثيرة وهي بلاء علينا .. لكن أنا رأيي الشخصي انه ماينفع الا الاحترام يعني تخليه يخجل من نفسه .
وأيضا نصيحتي للكل :لاتحاول تكلم الشخص وتبينله انك صاحب الموقع لأنه كذا راح يكبر راسه (ويعتقد أنه صار مهم)
وتحياتي للجميع