شركات الإستضافه فقط .(( تفضلو))

[SAIF]

سؤال محيرني:-

ليه لما أخاطب واحد على الماسنجر مثلاً او بالتلفون يرد من راس خشمه ؟؟

...............................
صدقوني بتخسرون كذا...وترا شغلة الإستضافه ماتستاهل تخليك تعمل كذا وشايف حالك!!!!!!
لو إستضافه من غير زباين ماتسوى فرنك واحد يعني تبلها وتشرب ميتها إذا تنبل.
..............................

يعني بإستطاعتي أجمع خمس إلى عشر مواقع ونستأجر سيرفر وبلا منتكم ونديره إحنا وانا مستعد أديره عدل وأحسن من كثير من الموجودين هنا ولله الحمد ...........والله كأننا نشحذكم.
والفكره هذي إذا تطورت راح تشوفون كل اصحاب المواقع يسوون مثلنا كل خمسه مواقع مستأجرين سيرفر وماخذين راحتهم ......وترى السعر ياشباب مايستاهل يعني حق خمس عشر مواقع متوسطه تقدر تستأجر سيرفر ممتاز ومن أفضل الشركات الأجنبيه لأنها الثقه وحسن التعامل بكل صراحه ..وبكذا راح تضلون وحدكم كل واحد يلعب بإستضافته..
.............................


شي غريب هالعجرفه والغطرسه اللي قاعد أشوفه من أصحاب الريسيلرات والا السيرفرات المستأجره؟؟؟؟

لا تزعلونــــــــــــــــــــــــــا ترى زعلنـــــــــــــــا خطيــــــــــــــــــــر جـــــداً.

الغرض من موضوعي هو الإصـــــــــــــلاح والتنبيه لنفسيات بعض او اغلب المستضيفين اللي يجون هنا...

بالتوفيق للجميع...

[الكمبيونت]

يعطيك العافي saif
على موضوعك

شي غريب هالعجرفه والغطرسه اللي قاعد أشوفه من أصحاب الريسيلرات والا السيرفرات المستأجره؟؟؟؟

[SAIF]

هلا أخوي..
أصبر شوي وإذا ماإنعدلو ..راح أنزل هنا جميع المحادثات اللي صارت بيني وبينهم على الماسنجر ..وتشوف بعينك ووقتها أتحدى واحد ينكر إنه مو هو.

[code4arab]

هلا والله اخوي سيف

ليش معصب هدي شوي ترى الدنيا ما تسوى وانا اخوك

التمس العذر لاخوانك وان شاء الله انهم راح يقدمون لك مايرضيك انت وغيرك

لكن باقول لك شي يحصل معي دائما ..
احيانا احصل ناس ضايفني على الماسنجر وهم بالاصل ليسو عملاء عندي ويطلبون طلبات كثيرة جدا واحيانا والله ياخذون من وقتي عدد من الساعات وهذا يترتب عليه امور اخرى منها اضاعة وقتي ووقت عملائي دون فائدة .. المشكلة انك ماتقدر ترده وتقول له روح شوف شركتك يقدمون لك الدعم الفني يمكن بكرة ولا بعده يروح يتبلاك وينزل محادثتك معه في احد المنتديات وبكذا ياخذون الناس فكرة سيئة عنك وهم اصلا مايعرفون اصل الموضوع ... نحاول ارضاء الجميع مع العلم ان ارضاء الناس غاية لاتدرك

تحياتي لك

[SAIF]

أهلا أخوي ..اول شي لا تخاف انا ماكلمتك..

لكن مادام انت بمكان مثل هالمكان يجب أنك تكون قده..والكلام مو موجه لك
يعني إعتبر نفسك بمحل وماشاء الله زباينك كثير راح تستقبلهم وانت مكشر أكيد بترحب فيهم وتهلي ...وبعدين سالفة إنهم يضيعون وقتك هذا مو عذر صدقني ...هذا يدل إن الدعم الفني عندك شخص واحد وهو أنت..

شوف لك واحد او اثنين وشغلهم بس لإستقبال الطلبات والإستفسارات على الماسنجر وانت إستغل وقتك في أمورك الفنيه والتقنيه

وحط شروط للي بتوظفه :-
1- حسن المظهر.
2- لباقه في الكلام.
3- صحة العروبات

[saudi4host]

يابعدي لقيت واحد ضافني
يبي اركب له برنامج حق باق مواقع
والله لو يجي اخوي ويقول ركب لي سبا مواقع
ياليل مااطولك
واحد يبي احمي سيرفره
واحد يبي شات وواحد ماادري وش يبي.
واذا تبي تستأجر سيرفر رح استأجر الارزاق بيد الله مو بيدك
بس لاتجي تضيفنا ماسنجر وتسألنا عن السيرفر بشي
ثاني شي موضوع المستضيف والماسنجر
تلقا ستين مليون واحد يكلمه مو بس انت....

[SAIF]

مو مشكله اخوي saudi4host

الواحد يقدر يرد بلباقه ..على الأقل يقول إنتظر شوي معي شخص اتكلم معه..

وبعدين مايمنع تلبي طلباتهم وكل شي بحقه ماحد طالبك بالمجان ...وبعدين صدقني الإستضافه اللي يديرها شخص واحد راح يتعب ....على أقل تقدير لا سمح الله لو مرض مين اللي بكون موجود من الدعم الفني ؟؟

يعني انا انصحكم يا أصحاب الإستضافات ...علشان تخدمونا....تقومون بعمليات دمج ..يعني مثلاً إستضافة الاخ saudi4host والأخ code4arab وإستضافة الأخ الكمبيونت تجتمعون وتوحدون إستضافاتكم وبيكون شغلكم احسن وأقوى وماتحتاجون لأحد إذا سأل عضو من أعضائكم جيتو هنا تسألون كيف وليش......السؤال ماهو عيب لكن مادام عندك إستضافه وتأجر على الناس لابد تكون بأحسن صوره..ومتقن لعملك ..


على العموم الصحيح دايم يزعل.....واتمنى ماتزعلون مني.

[saudi4host]

مشكور على النصيحة بالنسبة لي انا وكود فور اراب ورواد نت وارا سيرف
كل متعاونين مع بعض يعني لو واحد منهم احتاج مساعدة جيت وفزعت له
ولو احتجتهم جوني
==============> دايم يحتاجهم هو ماعمره يحتاجونه

[ha13madi]

اخي صاحب الاستضافة يكون تعبان لأن يفكر فيها وهي
1- ارضاء الزبون الحالي
2- تقديم دعم فني
3- المشاكل مع فريق الدعم الفني
4- الرد على الطلبات الجديد
5- رد على استفسارات العملاء الجدد التي تون اسئله كثير تدور حول جواب واحد او في الاغلب توكن اسئله غبي وفيها نوع من الاستعباط .
6- رد على الاستفسارت الي تأتي على البريد من غير اللجوء إلى الدعم الفني
7- دخلو غير العملاء اليه في المسنجر او الاتصال به وطلب طلبات خرفي او تخلي الواحد يعصب لدرجت الموت
8-كسب الزبون الجديد وارضائه
9- مشاكل في السيرفر او الريسلر وتأخر الدعم الفني للشركه في الرد والعملاء ما يعرفون معنا انتظر وراح نحل المشكلة في اسرع وقت

[abofares]

السلام عليكم

اخوي الكريم SAIF :

معك حق في بعض الكلام الي قلته في بعض الناس يشوف نفسه لان عنده خبرة

ولكن اخوي مو كل اصاحب الاستضافة مثل ما تقول

وكذلك... بعض الناس يشغل وقتك مثل ما تفضل اخوي code4arab واشار الى هذا الامر

بس عندي ملاحظة بسيطة

لا تزعلونــــــــــــــــــــــــــا ترى زعلنـــــــــــــــا خطيــــــــــــــــــــر جـــــداً.

الغرض من موضوعي هو الإصـــــــــــــلاح والتنبيه

بس اخوي الاصلاح والتنبيه ما يكون بتهديد هذا من وجهة نظري واتمنى انك ماتزعل حبيت اوضح لك فقط

تحياتي لكم
abofares

[SAIF]

saudi4host & ha13madi أهلين

اخوي abofares موضوعي مو شديد اللهجه علشان تفكر إنه تهديد...وانا تطمن ماراح أسوي شي أكثر من إني أنصح أي شخص يسألني عن الإستضافات الجيده واكيد بدله عليهم ..وإذا شفته رايح لمستضيف تعبان حتى لو ما يسألني أكيد ضميري بخليني أقوله إنتبه من هالشركه وابين له السلبيات اللي فيها واقول الإجابيات إذا فيه أصلااً.


على العموم انا والله إنغبنت من بعض المستضيفين اللي كلمتهم الواحد يرد من راس خشمه.....وبعدين انا إذا ابي اسأل أسأل عن شي يهمني في الإستضافه الواحد يبي يعرف راسه من رجوله يبي يخاطب المستضيف يبي شوف هو من جنبها والا واحد فاهم .............وصدقوني كثير من المستضيفين والله من جنبهااااااااااااا يعني وقت الشدايد ماتلقا حتى أثره...
وبعدين المستضيف لازم يتحمل إذا يبي الخير والرزق والا بلا له من هالشغله إذا فيها وجع راس ...وأسئله غبيه ؟؟؟؟؟ طيب ليه ماتنزل نفسك يالمستضيف يالعبقري يالفلته لمستوى عقلية او فهم هذا الزبون....


ماعتقد لأي مستضيف تتوفر فيه السمات اللي قلتها أي مبرر حتى لو قال إن الزباين يسؤلون اسئله غبيه او يكثرون اسئله وطلبات ........يا أخي لا تفتح إستضافه وتتفشل مع الناس إذا إسلوبك معهم كذا...وبعدين الزباين يجوك من كل الفئات فيهم اللي فاهم اكثر منك وفيهم اللي مبتدئ وفيهم اللي مايستحي وغليظ جداً وفيهم وفيهم ...يعني انت لازم تحط في بالك إنك بتتعامل مع كل هالفئات....


والحل الوحيد لهذي المشكله انا ذكرتها هو توظيف شباب على الماسنجر مهمتهم بس إستقبال الطلبات والإستفسارات..............

[Mohamed Zaki]

هههههههههههههههههههههههههههههههههههههههههههههههههه هههههههههههههههههههه

اٌقسم بالله عندك حق بس الا من رحم ربى انا صاحب شركه استضافه ولما اكلم احد صاحب شركه بعضهم يرد والباقى حظر

[alsuhba]

السلام عليكم
شكرا لموضوعك ..
وأقول .. يجب ألا تكون النظره شموليه
بالتوفيق

الصحبة الصالحة
استضافتي

[abofares]

السلام عليكم

اخوي انا ما انكر انه معك حق في بعض الي قلته وانا جربت شركة استضافة عربية وتشوف منهم من يسوي حظر لما تقوله الموقع ليش مقفل

ومثل ما قال alsuhba

يجب ألا تكون النظره شموليه

===============================================

والحل الوحيد لهذي المشكله انا ذكرتها هو توظيف شباب على الماسنجر مهمتهم بس إستقبال الطلبات والإستفسارات

انا من راي ان تكون شركات الاستضافة عبارة عن مجموعة وليس رجل واحد ويكون الاتفاق بينهم على المناوبة بين الاوقات

تحياتي
abofares

[SAIF]

لا لا لا انا نظرتي مش شموليه ..يا أخي أصابع يدك ماهي متساويه....لكن بيني وبينكم هالمره شوي وإلا تتساوى إلا من رحم الله..

انا من راي ان تكون شركات الاستضافة عبارة عن مجموعة وليس رجل واحد ويكون الاتفاق بينهم على المناوبة بين الاوقات

صح صح صح شكراً ابو فارس.