يا أصحاب القوائم البريديه لعبوها على غيرنا

[ChatUAE]

السلام عليكم
واحد من هاللي يتبادلون الايميلات الله يستر عليهم فرحان ان عنده 50 مليون ايميل
المهم قلت ابادله
يقول لي ان ايميلاته عربيه 100 % وانه مشيك عليها و متاكد منها
(وانا اشوف مواقعكم ضارب العداد مال الباندوث فيها )
المهم سرت اجيب لي طاسه حلوى و دله قهوه ومتشقق عالايميلات لما فتحت الملف اللي طرش لي اياه لقيت كل الايميلات من هذا النوع

00000329@nadia.s.bawue.de
00000331@nadia.s.bawue.de
00000335@nadia.s.bawue.de
00000343@nadia.s.bawue.de
00000357@nadia.s.bawue.de
00000376@nadia.s.bawue.de
000003a2@nadia.s.bawue.de
000003aa@nadia.s.bawue.de
000003b4@nadia.s.bawue.de
000003b8@nadia.s.bawue.de
000003d8@nadia.s.bawue.de

بالله عليكم هذي ايميلات عربيه ؟؟
مومشكله هذي هانت لكن الثاني
حاط اعلان في سوالف انه يبيع برنامج يرسل الايميلات وكثير من الشباب انغشوا فيه ومنهم انا
الشاهد ان الرجال سالته عن البرنامج وسرعته
قال لي البرنامج يرسل بكميات هائله خلال وقت قصير وممتاز و مجربنه و و و
المهم ارسل لي البرنامج مع السيريال
جيب ابي ارسل ما قدرت
ارسلت له ... رد علي وقال هذا برنامج رجال عطاني وقال لي بيعه
زين والشرح ؟
قال لي برسل لك اياه اليوم
جا اليوم وبكره وبعد وكم يوم
وين الشرح قال لي الرجال ما لقيته
زين انت ما تقول انك جربته اشرح لي اياه
ما رد علي .....
بعد كم يوم جاني
وين الشرح
قال لي كلمت واحد ثاني وقال لي بيجيب الشرح
يالله الحق الكذاب لين باب بيته
كم يوم مر ...... وين الشرح؟ عنبو لو طالب مزرعه في الخوانيج كان طلعت انا ما طلبت منك رساله دكتوراه بس شرح للبرنامج
المهم بعد كم يوم جاني بعد ما سالته قام يغير السالفه
قال لي انه وصلته قائمه بريديه 350 ايميل عناوين ملوك وامراء من الخليج (شكله يبغي يشربها )
قلت له زين عطني اياهم قال سعرهم اغلى من اللي دافعهم حق البرنامج
زين البرنامج بدون شرح ما اعرف استخدمه شو اسوي به اطبخ به بيض؟
على كل
بس بغيت احذر الاخوه اللي في المنتدى من هالاشكال اللي تنصب على الناس ووالله ما كنت بكتب هالموضوع لكن صراحه وصلت حدي منهم ومن كذبهم ونصبهم على الناس وارجو ان تاخذوا حذركم منهم
ونصيحتي لهؤلاء اللي ينصبون على الناس انهم يقرون حديث الرسول صلى الله عليه وسلم
«ثلاثة لا يكلمهم الله يوم القيامة، ولا ينظر إليهم، ولا يزكيهم، ولهم عذاب أليم» قال فقرأها رسول الله ثلاث مرار. قال أبو ذر: خابوا وخسروا، من هم يا رسول الله؟ قال: «المسبل إزاره والمنان والمنفق سلعته بالحلف الكاذب».
فحرام عليكم هالغش والله ما تسوى انك تعذب في قبرك عشان مبلغ سخيف
واذا صاحب البرنامج يغبي يبر ذمته امام الناس اطالبه انه يحط الشرح في هالموضوع امام الناس ان كان صادق في كلامه
زين؟ ولعبوها على غيرنا
والسلام عليكم

[SAIF]

هيــــــــــه هيـــــــــــــــــــــــــــه إصحووووووووو

المهم عندكم تدفعون وبس ماتفكرون مع مين تتعاملوووون؟؟؟؟؟؟؟؟حتى لو المبلغ ماهو محرز لكن قهررر لما يجي واحد وتأمن فيه وبالأخير يضحك عليك..

(( المؤمن لا يلدغ من الجحر مرتين))
وأتمنى الجميع يعتبر ويتعض من دروس غيره ,,,,لو كلنا بنجرب اللي جربه اخونا ChatUAE كان خلصنا ميزانية دولناااا وراحت فلووووسنا لبرااااااا وإنضحك علينا وإتخربت بيوتنااااااااااا

[ChatUAE]

(( المؤمن لا يلدغ من الجحر مرتين))
صح لسانك

[cheers]

لا اله الا الله

[ChatUAE]

[AMD Athlon]

الله يستر عليهم والله نصب X نصب

[محمد الكندي]

هذول ناس ما يخفون ربهم ما يعرفون انهم بيتحاسبون

[Dr-Design]

أخوي ChatUAE

هذا النصاب معروف في المنتدى ..

كل يوم يحطلك موضوع ( بيع أميلات )

أنا أعرفه وانته تعرفه وغيرنا يعرفه ..

لكن شو نسوي ..

يمكن الريال محتاج فلوس وما عنده ...

فحاول يستغل الحقاره الي فيه ..

وقام بخداع الناس .. وبيعهم أشياء مغشوشه ..

مشكور الغالي على هذا التحذير

[mobile]

الحين كلهم ما يخافون ربهم

[ChatUAE]

حتى ولو هذا مش دافع انه يغش الناس

[kingarab]

نفسي انا انخدعت فيهم

تقريباً حصلت منهم 22 مليون بريد

لاكن المشكلة

7 ملاين منهم امكررة

5 ملايين غير صحيحة

9 ملايين غير عربية

يتبقى فقط اقل من مليون بريد هم الشغالين

[FreeKuwait]

والله حالة يقولون نعطيك بليار ميل بس حط اعلان اقص ايدي لو مو بليارين ونص متكررين

[دهن عود]

[arabiancoder]

نصائح قبل ماتشترى قائمه شوف القائمه بتاعته ناجحه فى الدعايه ولا لا

خليه يعطيكم صوره .جيف من كل ملف علشان تتاكدوا من الايميلات قبل استلامها واعطائك عينه عشوائيه لتجربها


وبالنسبه للايميلات شى ء عادى انه يوجد ايميلات خاطئه

لان لايوجد قائمه سليمه بنسبه 99% الا بعد الارسال والتجريب وحزف الميت ديد

معلومه لتعرفوا قبل مايصطادوكوا مره تانيه مثلا انا لدى 1.5 بريد فقط لكنهم مضمونين لزلك لا ابيعها حتى لاتفقد قيمتها فقط اقوم بالارسال منها

[addlinkat]

والله كلامك صحيح
أنا أشتريت ثلاث مرات إيميلات
مرتين تم النصب علي والمرة الثالثة دفعت زيادة بس ولله الحمد توفقت
أول مرة اشتريت 5 مليون إيميل ..من شخص معروف هنا ومعروف بالخمسة مليون
المهم والله ما فيها 10 ألاف إيميل على الياهو والهوتميل والباقي كلهم مش سمعان عنهم بحياتك
قلت خيرها بغيرها...الراجل أكيد نيته صافية
قلت أجرب غيره
أشتريت واحد كمان يقول 50 مليون
والله أنا انغريت بالرقم...فرحت كثير..قلت 50 مليون..
لو كان نصفهم غلط ما يهم..والسعر حلو
والمفاجأة...أنهم من أول إيميل لأخر إيميل ببرامج التوليد
والله صعقت وقلت خلاص لن أتعامل مع أحد بعمري بمجاتل الإيميلات..وقلت أفضحهم...بس تراجعت قلت الله يستر عليه
حتى اليوم اللي قرأت موضوعين ثلاثة يتحدث فيه أناس إشتروا قامة موقع المحيط...مع سيكربت المحيط للإرسال
قلت اشوفهم..والله كلمتهم ماسنجر وتلفون وارتحت معه وكان كلامهم واقعي...بس سعرهم أغلى من
غيرهم
والله اتفاجات أيضا أن إيميلي وإيميلات كثير ة لناس أعرفها..كانت موجودة..
مما شجعني كثير عليها وخصوصا أن أغلبها هوتميل وياهو
بس الحق يقال...جربت القائمة وجربت السيكربت وكانت النتائج أكثر بكثير من توقعاتي أكثر من
4000 عضو عندي بالمنتدى يسجل جديد
من وقتها عندي مبدا يقول...اتعامل بالغالي والمضمون..أفضل من الرخيص وغير المضمون..
والنوعية لا الكمية