اسئلة لمعرفة النصابين والبكاشين من الاستضافيين

[r7all]

السلام عليكم


اسئلة لمعرفة النصابين والبكاشين من الاستضافيين


كثير مانشوف في مواقع الاستضافه المساحه مثلا 500 الترفك 15 مواصفات السيرفر سيلرون بنتيوم وغيرها

واشياء كثيره من المميزات والمواصفات تخلي عيونك تزغلل وخشتك تنفتح حتى ظروسك تطلع

لانك لقيت المواصفات الي تبي ونت مبسوووط

لاكن بصراحه كيف اعرف كزبون ان هالمميزات في موقعي فعليه يعني لو طلبت 500 واعطاني 400

او يقول ان عنده سيرفر ويطلع رسيلر او يقول ان انه مستاجر من عند سيرفرات فاست سيرفر او راك

شاك وهو مستاجر عند شركة دجو

بصراحه انا مااعرف علشان كذا اسال

وبعد كيف اعرف ان مميزات ومواصفات السيرفر مثل ما قال المستضيف

بصراحه ولا يزعلون الربع فيه مستضيفين حراااميه ونصابين وبكاشين الله لايكثرهم وحابين حلو ه

حابين ومنتظرين ومتشوقين من الشباب يساعدونا على اكتشاف هالعينات لانهم بصراحه اساااو لللبقية

واعطو فكره سيئة للاستضافه العربيه من خلال ثقتنا فيهم وهم مايستاهلون


ومع ان سوالف لهااكبر الاثر في تثقيفنا تقنيا من هالناحيه الا انه للاسف كثير من النصابين يعبرون من بوابتها الكبيره بسم سوالف اثناء تقديم هالخدمه


واتمنى ويتمنى كل زبون انه يجد لدى خبراء وشرفاء سوالف ما يساعدنا على اكتشاف الطفيليات

العربيه و الي تعيق مسيرة تقدمنا

[hostcost.com]

هناك طريقة لمعرفة مكان السيرفر وفي اي شبكة
راجع هذا الموضوع
http://www.swalif.net/softs/showthre...1+%D4%D1%DF%C9

وهذا الموقع يعطيك مواصفات مفصلة وحتى يمكنك معرفة اذا كان سيرفر او ريسلر
http://network-tools.com

[المعلم]

يمكنك الكشف هنا ايضا

http://centralops.net/co/DomainDossier.vbs.asp

[r7all]

اشكر اخوي هوست كوست واخوي المعلم


شاكرا لكم مروركم وافادتكم

ولازلت اطمع في المزيد مثل كم اعطاني المستضيف من المساحه والترفك هل كلامه صحيح ولا عروض علىالنت


ماعليش اخوي غشيم ومتعافي

[code4arab]

تقدر تشوف المساحة والترافك من لوحة تحكم موقعك
ايضا تقدر تعرف اذا هو يستخدم معالج او اثنين او اربعة من لوحة تحكم موقعك من خلال Service Status


وبالنسبة للسيرفر تقدر تعرف من وين من خلال هذا الموقع
http://www.netcraft.com/whats

واذا عندك حساب شل على السيرفر تقدر تشوف المواصفات من هنا
cat /proc/cpuinfo

[alotaiby]

بس ملاحظه بسيطه بكتبها باللهجه العاميه لانها افضل تعبيرا وفهما ,,

كان الواحد اذا اخذ له ريسلر وقام يترزق الله مسوي مصيبه او قام ينصب على الناس ,, وايضا كان الريسلر هذا بس عندنا حنا يالعرب ,, اكثر المستضيفين الاجانب ريسلر ,, ولا هو عيب ولا حرام ,,
ومهوب كل من حط له ريسلر صار غشاش وفكاش ,, بعدين احسن الواحد ياخذ له ريسلر ويخلي وجع الراس لراعي السيرفر يعني راعي السيرفر هو اللي بيقعد يصلح بسيرفره ويدفع فلوس وراعي الريسلر خوينا مرتاح ,,

القضيه مهيب قضيه عيب وحرام ان الواحد ياخذ ريسلر ,, بالعكس عادي جدا ,,
واذا على الريسلر فيه مستضيفين اجانب بدو بريسلر والى حتى الان بريسلر
وفيه استضافات عربيه مشهوره لا تزال على الريسلر ,,
وفيه استضافات عربيه بادين بريسلر واللحين عندهم كذا سيرفر

لاكن الامر الاخير ,, اذا بتعرف وش هو حال المستضيف اللي انت معه ,,
اهم نقطه توضح الامر هي العمر ,,
اذا حصلته صغير يعني تحس انك فضيخ قدامه مقارنه بعمرك وعمره يعني انت عمرك بالعشرين وهو بالخمس طعشااااات اتركه ودور ناس فوق العشرين ,,

وماذكر اني سمعت احد يشتكي من مستضيفين كبار ويسمون بمعنى الكلمه رجال ,,
كل المشكال بسبب اطفال الاستضافه اللي اعمارهم تحت ال 20 سنه ,,

الشئ المهم اذا تتوقع ان النصب بس عند العرب ترى بعد فيه نصابين اجانب وكثير مررررره

هذي وجه نظري ,,
تحياتي

[r7all]

مشكووور ين

code4arab

و

alotaiby

بصراحه اشكر لكم اريحيتكم وسعة صدوركم

وبحق استفدت معلومات جديده واعتقد غيري استفاد اكثر

بالنسبة للرسيلر والسيرفر اخوي انا ماافهم فيهم بس اشوف بعض الاخوان هنا يتطنزون او يتريقون واذااحسنا الظن يمزحون ويداعبون الي عندهم استضافه بالرسيلر وكذا خذنا فكره ان الرسيلر مثل ملاحق البيت يعني ماتواجه

بس من خلال كلامك اعتبرناها مثل المجلس الرديف بالبيت

اشكرك اخوي عتب والعتب كله على الي مثلي مايفهم ويحب يفهم بسرعه تحمولنا وبكره بنتفلسف والله يعينكم على فلسفتنا


وبصراحه اخوي
code4arab

هذي مافهمتها
واذا عندك حساب شل على السيرفر تقدر تشوف المواصفات من هنا
cat /proc/cpuinfo

واسال الله الكريم العزيز الرحيم ان يجعل لكم من كل هم فرجا ومن كل ضيق مخرجا وان يرزقكم من حيث لاتحتسبون