السلام عليكم
والله العظيم أني تأذيت من كثر رسائل الأعلانات عن المواقع والمنتديات ولو كان على بريدي العام ماكان فيها شي ولكن توصل لبريد الموقع الخاص بي هذا مالا أرضاه أبداً .
يعني اليوم أنظف البريد الخاص بالموقع من 1500 رساله أرجع بالليل الاقيهم 1800 رساله !!!
يعني تبوني أشتغل عندكم والا أشتغل لكم ؟ تنظيف تنظيف تنظيف يومياً على هالحال مو كلام هذا . والله أني تعبت من كثر ما أراسل أصحاب القوائم وبالذات مهم اللي مايحطون رابط إلغاء البريد وأقولهم أحذفوا بريدي . ماناقص إلا أترجاهم في هالطلب ولا كو فايده .
ياخوي قائمتك لاتسجل فيها أحد من راسك وعلى كيفك تلم البريد وتسجله من كيفكك . إذا أحد يبيك راح يوصلك بدون ماتزعج العالم بهالطريقه .
ياجماعه ترى الأمور زادت عن حدها سكتنا ثم قدرنا ثم تساعدنا ولكن يبدوا أن الموضوع أصبح موضه . نعم موضه والكل من يفتح له موقع جديد راح وجاب له 1000 أو 10.000 بريد وراسلهم !!!
على أي أساس أنت تراسل العالم بدون لايسجلون بريدهم عندك ؟
ولو أن البريد يوقف على الهوتميل ماقلنا شي أو نقدر نقول محصله من أحد ربعه أما توصل لجميع بريدات الموقع هذا مالايحتمل أبداً .
رجاء ثم رجاء من أصحاب القوائم العشوائية ونصيحه لهم لايرسلون إلا للمسجلين لهم وإلا راح يلاقون مالايرضيهم في مواقعهم ومنتدياتهم اللي يرسلون عشانها .
هذا ماهو تهديد ولكن نصيحه أرجوا منكم تتخذونها في بالكم .
تحياتي للجميع
من جد بقوه مليت شغال تقول راعي بلديه أنظف وراهم مخلفات بريدهم كل يوم .
