صفحة 1 من 2 12 الأخيرةالأخيرة
النتائج 1 إلى 15 من 23

الموضوع: الانترنت و كيف قلبت موازين حياتك .. مواضيع للنقاش .. الحلقة الاولى

  1. #1
    عضو فعال جدا
    تاريخ التسجيل
    Dec 1999
    المشاركات
    3,841



    بما ان الاغلبية العظمى رشحت موضوع الانترنت و كيف قلبت موازين حياتك .. فسنناقش هذا الموضوع .. و على كل عضو كتابة تجربته الخاصة مع عالمه الافتراضي لكي يستفيد الجميع ...

    بالنسبة لي .. احم احم ..كححح كحح .. كحححح ... شكرا شكرا...
    دخل الجهاز المسمى بالكمبيوتر منزلنا عام1996 .. طبعا .. شي غريب و عجيب .. شي جديد يدخل البيت .. مرشد ماعنده غير الالعاب .. طايح لعب و ياخذ من ربعه ... الكمبيوتر كان بالنسبة لي وسيلة ترفيه و لعب ... اما الاهل فكانوا يستخدمونه في امورهم ....

    مرت الايام و الشهور .. مرشد مل من الالعاب.. كعادته يمل من كل شي و اي شي بسرعة ... يسمع من الناس .. انتر نت انتر نت ... شو هذا؟؟... مادري .. خلينا نسير الانترنت كافيه في شارع الضيافة و نشوف ..
    سرت .. و مثل الغبي.. ماعرف شو اسوي .. ماعرف كيف اشغل المتصفح .. اشوف اشياء .. انادي .. النادل.. ياعيني على النادل.. لو سمحت شو اسوي؟؟؟ النادل في استغراب .. ينظر الي نظرة استحقار بما معناه .. شو تسوي هني؟؟ ليش ييت لو ماتعرف... انا عرفت معناها من عيونه الشلقى .. و شغلي المتصفح الي كان نتسكيب .. و راح .. انزين شو اسوي الحين؟؟؟؟ وين اروح؟؟ .. اسمع الناس يقولون شاتنج و شاتنج ..شو عاد ووين ؟؟ .. مادري..ز اشوف واحد هندي يالس صوبي .. هو الحبيبي.. كان يشيت ... من تصرفاتي الغبية عرف اني ابغي ادخل على شي يفرفش.. كتبلي .. دبليو دبليو دبليو .. دوت .. شاتنج ... دوت كوم ... مرشد مستانس .. دخل الشات ... و الكل انجليزي.. الله ,, يقرا اشياء دنيئة .. غريبة .. شو هذا ... يالله .. خلصت الساعة يامرشد.. مرشد يقوم من الطاولة و في باله ان يرجع اليوم الثاني ليستكشف هذا الشي الي دخله ....

    اليوم الثاني ... مرشد نسا العنوان .. شو كان شو كان؟؟.. ماعرف... بالصدفة .. شاف ربيعه .. سلام عليكم و عليكم السلام .. كيف الحال و شخبارك .. تعال تعال ايلس صوبي.. مرشد يالس ,, و ربيعه يشيت .. وين عاد ..في الاماك ... يكتب الحروف الانجليزية و النطق العربي.. اشوف سبعة .. و نقطة و مادري شو .. اقوله شو تكتب؟؟ يقول اصبر اصبر.. و يبتسم ... و سضحك .. وانا مثل الاطرش في الزفة ... اسمع ان الانترنت خطر.. يمكن هذا يسوي شي خطير.. خلونا نشوف... ايييييواااا ,,, الحبيب مستانس.. هاا خير شو السالفة؟؟
    رقمتها... ها!!! الحبيب رقم وحدة في الشات .. مستانس الاخ ...والله حاله ... هذه فايدة الانترنت يعني؟؟


    يوم يومين .. العطلة الصيفية مرشد قضاها في الكافيه .. مايدري وين يسير ..بس المهم يستانس يروح مني مناك .. طبعا مافي مواقع عربية .. الللام راس ماله ياهو و هوت ميل ... مايعرف شي ثاني..
    يوم بعد يوم .. مرشد قام يتعلم و يتعلم ويتعلم ... بس ترك الانترنت ........ مب فاضي للمقهى و سوالفه


    هييه هيييه هييه ... شو السالفة؟؟... الانترنت دخل البيت... الله شي جميل... الكمبيوتر الي على ايامه كان الافضل في العالم ... هاهاها .. اخيرا شبك بالانترنت ... لعوزناهم مال اتصالات لين ماضبطوا كل شي..هاهاهاها اخينا مرشد اونه هو العالم بشؤؤن الانترنت .. جدام الاهل.. يسوي عمره الخبير الكبير .. يدخل الشات و يطلع بسرعه .. اونه الموقع ماعيبه .. يدخل ياهو .. يتم دقيقة .. يكتب في محرك البحث اسمه .. و يتريا .. غير رايه .. يدخل هوت ميل.. بس يراوي اهله انه فلتة في الموضوع ... الحبايب مايعرفون شو السالفة ... و بس ...

    يوم ورا يوم ورا يوم ورا يوم ... نشوف الجرايد و نقرا .. سوالف ... اهاا ,, شو هذا ...نجرب .. والله موقع حلو .. نسجل.. نشارك ..ننكت .. اوكيك كل بسيرله .. اير و اقرا و اقرا الردود والمواضيع ..بس مارد .. مب فاضي .. اكتب اسمك و الرقم السري و مادري شو .... بعدين بعدين ... بس حسيت اني تعلمت شي جديد..
    ركبت الايسيكيو الي الكل يتكلم عنه في الشات ... ادخل الشات .. هاا شو رقم الايسيكيو مالك .. شو ايسيكيو؟؟.. ماعرف ... تعلمت و سرت نزلته في الكمبيوتر ....
    يوم ورا يوم ورا يوم... تتعرف على اصدقاء ... تعرف تفكيرهم ... عقليتهم .. تدرسهم .. نشوف مواقع ..
    بس لين الحين ماوصلنا درجة الادمان ...

    جيتكس .. في دبي... خلالالالالالاص... لازم اشتري كمبيوتر لي وحدي .. لازم في خصوصية في الموضوع .. مرشد سار يسأل شو احسن شي.. شو احس مواصفات ... يسمع عن الرام .. و البنتيوم .. شو السالفة مايعرف .. بس يعرف انه اليديد هو بنتيوم 3 500 ... و الرام مادري كم ... في المعرض .. اخينا مرشد يتمشا .. و يسأل .. هااا شو في من مواصفات .. الريال يقول الي حافظنه بسرعة .. و انا يالله يالله القط ... و على ويهي علامة الفهم وانه شي عادي و المواصفات سخيفة .. و في الصوب الثاني ماعرف عن شو يتكلم اصلا .. اروح من هذا و اسير لغيره ... لين مارسيت على محل في اخر يوم .. قلت خلاص .. نتوكل على الله .. .. اشتريت .. وياليتني ماشتريت .. نصيحة ياخوان ... لاتاخذون من غير الوكيل مهما كان فرق السعر .... بس الخراب الي كان يحصله فادني..
    كنت اروح للمحل و ايلس فوق روسهم و اخليهم يتركون شغلهم و يصلحون جهازي و انا ما اروح .. ايلس اطالع شو يسوي... و اتعلم .. و اتعلم .......

    مرشد حب يدخل في عالم الهاكرز... هاهاهاها .. دخل .. وجرب و دخل كمبيترات .. و طالع .. و مل.. ماخربت شي .. و لا خذيت شي ,,,, شفت السالفة ماتسوى .. مضيعة وقت و كلام فاضي .. و حرام ادخل و اشوف اشيا مالي خص فيها ...تركت الموضوع ...
    الانترنت اكبر من هذا الشي .. فتحوا سوالف سوفت .. كنت اول المشاركين .. قررت اني افيد و استفيد ...
    الصراحة من عقب سوالف سوفت ... زادت يلساتي على النت ... صرت مدمن .. افتح المتصفح على سوفت .. و افتح اكثر من واحد لاقسام مختلفة . و افتح واحد لاشياء ثانية و مواقع ثانية ... اتعلمت اشيا كثثيييررة . .. من ناحية الحياة و من ناحية النت ... كثرت جلساتي خلف الصندوق العجيب.. قلت طلعاتي... لدرجة ان الكل برع .. و مرشد على الكمبيوتر على النت ... و الوقت يمر و يمر و انا ماحس بالموضوع ... وصلت عدد الساعات الى ست ساعات متواصلة على الانترنت ... عيوني راحت فيها ... اففففففف... التغيرات الجسمانية الي حصلت هي
    ابيضيت .. هييه .. ابيض لوني .. مع اني مايل للسمار ... من كثر مايلس تحت الكنديشن ,,,
    تصدقون اني طولت .. هاهاها نسبة الى المدة ,, يعني قبل كنت اطلع و العب و الحين مالي خص بالرياضة .. بس همي الانترنت ...

    ارجع من الكلية .. على طول .. افتح الكمبيوتر لين الساعة 10:30 تقريبا .. هذا يومي.. على النت .. الاستراحات تكون وقت الصلاة بس.. 10 دقايق وارجع ... هذا جدولي اليومي.. ماعندي شي ثاني
    انشهرت بين ربعي ... الكل يعرف اني مدمن انترنت ,, يتصلونلي .. هااا وين على الانترنت اكييد .. اقول نعم .. و يطييح فيني حط .. نت ماعندك شي ثاني و انت و انت وانت ...هاهاهاه
    و الاهل .... يا مرشد مب زين .. من الصبح على الانترنت .. و مادري شو ...

    باختصار .. بعد ماكتبت قصة حياتي..
    الانترنت غيرت مجرى حياتي... قللت الطلعات بشكل رهيب.. حتى اوقات المهرجان ... تعلمت اشيا كثيرة تخص الحياة العامة و التكنولوجيا ... قريت كتب من الانترنت ,,, تعلمت اشياء كثيرة لا حصر لها .. و اخيرا .. سويت لي موقع شخصي .. منو كان يتصور ان مرشد يسوي موقع شخصي .. هذا الشخص الي كان مايعرف يفتح المتصفح في الكافيه .. يسوي موقع؟؟؟!!!!...غريبة
    سبحان مغير الاحوال....


    اسف على الاطالة .. كتبت قصة حياتي ادري...هاهاهاه معذرة ...

    اانتوا .. كيف غير الانترنت موازين حياتكم؟؟؟؟؟؟؟؟؟


    و السلام عليكم و رحمة الله و بركاته...




    ------------------
    الصلاة الصلاة

    ســــــــبـــــــــحـــــــــــان مـــــــــغــــــــيــــــــــــــر
    الاحــــــــــــوال


    جدد التوبة فانك لاتدري متى النوبة







    المرشد غير متواجد حالياً


  2. #2
    عضو فعال جدا
    تاريخ التسجيل
    Dec 1999
    المشاركات
    3,841


    شكله الموضوع طويل... ماعليه .. شو وراكم ..

    ------------------
    الصلاة الصلاة

    ســــــــبـــــــــحـــــــــــان مـــــــــغــــــــيــــــــــــــر
    الاحــــــــــــوال


    جدد التوبة فانك لاتدري متى النوبة







    المرشد غير متواجد حالياً

  3. #3
    عضو فعال جدا
    تاريخ التسجيل
    Dec 1999
    المشاركات
    2,235




    وين موضوع الطبخ ؟



    ------------------
    ان تضئ شمعة خير لك من أن تلعن الظلام








    بويوسف غير متواجد حالياً

  4. #4
    عضو فعال
    تاريخ التسجيل
    Mar 2000
    المشاركات
    1,328



    حياتي قبل الأنتر نيت كانت كلها نشاط يعني الحين نشاط بس مش مثل اول يعني خلوني اشرح لكم :

    كنت اطلع من البيت اروح زيارات اكلم صديقاتي و الأهل باستمرار، اليوم يوم يسمعون صوتي على
    طول يقولون الحمد الله على السلامة
    و الحين تقريبا ما اطلع من الغرفة و الجهاز دايم شغال ..

    قبل سوالف كنت اقعد ساعتين او اقل على الكمبيوتر و اقول شو فايدة النت بس بعد سوالف صارت المدة
    اضعاف مضاعفة مش لأنه مكان تواصل و بس لكن لأنه قدرت اوصل شيء في نفس و في نفس الوقت
    اغذيها من المواضيع المفيدة و المرفهة عن النفس مثل خفة دمكم مثلا...

    وبصراحة اعترف اني صرت من مدمنيين سوالف..

    ------------------
    اتمنى ان ابقى في ذاكرة كل من احب .. شمعة لا تنطفىء....





    i7ssas غير متواجد حالياً

  5. #5
    عضو فعال جدا
    تاريخ التسجيل
    Mar 2000
    المشاركات
    2,183




    اول ما خذو الكمبيوتر .. قعدت اطالعه والعب على
    الملفات افتح ملف واسكر ملف..مليت شو بسوي بعد في هذاالكمبيوتر..
    سرت اشتري العاب وألغاز..واقعد كل يوم ألعب ..خلصت الالعاب وحليت كل
    ألغاز..شو بسوي بعد .. قلت العب ورقه كل يوم مني استانس ومني اقضي
    على الملل.. ركبو واير الانترنت..وااااو شو هذا ركبتولي كليب حق التلفون..
    قالولي لا هذا حق الانترنت.. قلت بعد شو هذاااااا؟؟

    المهم محد فهمني هم حطوه وراحو.. وانا اشوف صورت أنترنت في شاشت كمبيوتريه
    ادخله ويطلعلي مربع.. ياربي ليش مايدخلني.. ماكنت ادري ان لازم ادخل
    رقم سري؟؟؟

    وانا على هالسالفه مرت نص سنه وانا بعد ما اكتشفت الرقم..
    المهم استسلمت وقلت بسير اسأل شو السالفه.. سرت وسألت قالولي انتي ماشفتي الرقم من اول ما يبنا الانترنت كتبنالش الرقم السري على طاولت الكمبيوتر!!!
    هااااااااه وانا اقول منو مشخبط على طاولتي.. تري رقم سري.. سرت بسرعه
    ابا اطلع الرقم المكتوب .. بس طلع اني مسحته اووووونه من كثر النظافه ..

    المهم عطوني الرقم ثاني مره ودخلت الانترنت.... سولي هوت ميل.. كل يوم افتح
    الهوت ميل ولا اعرف شو سالفته.. محد طرشلي؟؟ .. المهم .. شهر ورى شهر ورى شهر
    وانا على هالحاله..

    شويه تحضرنا وكتشفنا ديفيد كوفي.. وعرفنا الشات.. وعقب سوالف..دخلنا سوالف
    وتعلمت اشياء وايد اصبحت اطلع على مواضيع واخبار..ومواضيع دينيه..قصايد
    وسرنا نضحك..ونقرأه نكت..المهم سوالف استوت مني وفيه.. وانا قاعده كل
    على الكمبيوتر لا اكل ولا شرب ولا طلعه واذا بيطلعون اتعذر اني ورايه دراسه
    يقولون هيه هيه دراااسه علينا ..نعرف انش ماتتفشيين من الكمبيوتر..و امي الله يطول بعمرها كل تنصحني تقولي فشي شويه سرنا مانشوفش.. استويت بما معنى مدمنه سوالف..






    ------------------
    أعتذار..ودمعك..والندم ماكفاك؟؟ أجرحوني..ولكن..انتهينا خلاص..








    بنت_البحر غير متواجد حالياً

  6. #6
    عضو فعال جدا
    تاريخ التسجيل
    Jan 2000
    المشاركات
    2,074



    يالله دوري

    كنت اشوف اخوي
    دوووووووم مجابل الكمبيوتر .. هاا شو تسو ي صاكت عنيييييي

    حشرررررررته
    قالي تعالي باعلمج
    شي حلو
    طلع صح حلو وفوق الحلو بعد

    دخلت سوالف تعرفت عليكم
    فرحت بتواصل معاكم
    ستأنست
    اقضي معظم وقتي على النت
    قلت زيارتي وطلعاتي لسوق والصديقات
    وصرت مثل المرشد بيضاء

    زادت معرفتي توسعت افكاري

    ولا زلت اتعلم
    النت عالم جميييييييل





    ------------------
    صباح وردي ..... ومساء ارجواني







    دلال غير متواجد حالياً

  7. #7
    عضو فعال
    تاريخ التسجيل
    Jan 2000
    المشاركات
    1,480


    تقريبا كلنا مثل الحالات وصلنا لحاله الادمان...

    بس انا اول ماعرفت الانترنت كانت لخالتي عيالها بأمريكا يدرسون ومره كنت زايرتها ولا اشوفهم قاعدين يكلمونهم من الكمبيوتر ( ماكنت اعرف شي اسمه الانترنت )

    اووووووووووووه صوت وصوره اطلعووا يال العجب شنووو هالانترنت العجيب صج كان شي عجيب عندي ...

    وبعد ما سكرت من عيالها ما اشوف الا الاطفال يدخلون مواقع ومنتديات كانت حلووه من وولد دزني وباربي وهالسوالف ( وانا غرامي الكرتون )
    ولا طقت براسي هالانترنت رحت بعد كم يوم اسوي روحي ولهانه على خالتي وبزورها وانا اجابل النت .. وماعرف حتى اشلون امسك الماوس حدي حدي اتفرج ..

    ولا يت بنت خالتي عمرها 12 سنه ودخلت برامج الشات واشوفها تسولف وتضحك شسالفتها هاذي شتسوي الا قاعده تكلم اخوانها ويقولون لها نكت .. تقولي اكلمهم اقولها شلون تكلمينهم ماسمع صوت .. تقول لالالا شوفي الكلام والا الكلام بالانجليزي قتلها لا تطنزين علي انا ميييييييح انجليزي يالله اطقطق يس ونووو .. والا الكلام انجليزي مغشووووووش على عربي ياااااااااه شاللعب ...

    وعلى هالحاله شهر وانا اتفرج وكل يوم اموووت قهر اني ماعرف للنت شي رديت لابوي البيت ابي جهاز من باجر ... ابوي لا اخذي دورات اول شي تعلمي بعدين اشتري جهاز وحجايه وراسها الف سيييف الا جهاز مو الا اتعلم المهم احط الانترنت واحرررررر عيال خالتي واتعلم مثلهم ...

    واخيرااااااااااااااااااا شريت جهاز بسسس ماخلوني احط نت الا بالعطله كانوا يسمعون بعيال خالتي وادمانهم للنت ..
    صارت العطله يالله يالله يالله من ثاني يوم الصبح انا مشتركه..
    الحييييين اشتركت اووووووووكي ...
    لكن حدي اني اعرف اشبك الخط واقعد احوووووس ابي اشغل الاكسبلورر ماعرفله ابي اشغل النتسكيب ماعرفله قعدت اسبووووووع وانا صاكه فيني الدنيا اشبك الخط واقعد
    المهم دقيت على عيال خالتي ( الاطفال ) تعالوا يا جماعه علمووني شلون اشغل هالانترنت يابلي الاعصاب ( والله فشششششششششششله شكبري اروح اطلب من الاطفال يعلموني )

    المهممممم دخلت حجايه لعالم النت وغصت بأعماق المواقع موقع ورا موقع ماااااالحق .. بس عاد يا حجايه اركدي اعقلي نامي اكلي مو بس على المكتب ومجابله النت .. طحت مريضه من اول شهر
    وقرروا الاهل بنسافر بعد اسبوع ولليييييييييييييييييه مو وقته وانا بعززز دخلتي بالنت صج توني مادمنت لكن مشدوووده له اكثر من اي وقت...

    رجعنا سيييييده للجهاز من الباب للجهاز مااااااصدقت .. قعدت اسبووع لا نوم ولا طلعات ولا زيارات بس مجابله ( اطلع الحرره عــدل ) وهممممم بعد اسبوع يالله بنروووح عشر ايام للشاليهات هيييييييي ذبحتوونا يا سفر يا شاليهات شفيكم هالسنه مو راضين تركدون ...

    وخلصت العطله بس خلااااااص استانستي جم شهر الحين الدراسه بس ماكو نت ولا سهر .. يبا والله انظم وقتي جم ساعه بس اقعد على الجهاز وجم ساعه ادرس ( اخااف صج ) حجايه تقطع عن سوالف بعد هالمده مستحييييييل لالالا ماكوووووو فايده مني مني يالله رضووا...

    والحيين ادخل لكم صج مو مثل اول بس للدراسه ظروووف

    وعلى فكره انفكت عقده الادمان للانترنت مني شـــــوي مادري نعمه هاذي ولا نغمه

    ------------------
    عشووووووووووون عيل





    حجايه غير متواجد حالياً

  8. #8
    عضو نشيط
    تاريخ التسجيل
    Feb 2000
    المشاركات
    154


    اولا اشكرك يا المرشد على هالموضوع الحلو هذا ... وسالفتي مع الانترنت مممممممم من وين ابدي ابدي من قبل 6 سنوات تقريبا كان مجرد جهاز كمبيوتر حق البيت عموما حبيت اكتشف هالعالم الغريب هذا شنو داخله وشنو بالضبط ... بعد ما قررت اني اكتشف شنو فيه صار لازم كل اسبوع تقريبا الكمبيوتر يروح ورشه التصليح ليش يخترب ما ادري بس المهم يخترب مرت الايام وصادف اني اشتغلت فتره بمكتب وكان فيه كمبيوتر طبعا كان يديد ... عقب ما حطيت ايدي عليه صار سكراب من اللي سويته فيه ... بس طبعا تعلمت شغلات وايده وعرفت شغلات اكثر ... قبل 3 سنوات اسمع الشباب يسولفون الانترنت والانترنت وفيه وما فيه وووووو الخ ... قلت لازم اقتحم العالم المجهول هذا واعرف شنو فيه ... مره من المرات كنت مع ولد خالتي قال لي تعال ندش النت قلت له اوكي قلت خل اشوف شنو فيه هذا ... دش النت وشبك واول ما شبك راح ذاك البرنامج اللي كنت ما اعرف اسمه راح mirc وانا قاعد مثل الاثول ما ادري شالسالفه دش برايفت على اكثر من واحد واشوفه يسولف ويتكلم ... سألته انت شتسوي ... قال لي انا الحين قاعد اسولف مع وحده !! طبعا استغربت تسولف مع وحده انزين وبعدين قال ارقمها وتدق علي !!! استغربت من الموضوع وحطيت برآسي اني اشتري كمبيوتر واشوف انا شالسالفه ... قبل سنه ونص شريت جهاز خاص فيني واول ما شريت الجهاز اشتركت بالنت ... شبكت على النت دشيت الايرسي ... ابي ادش اي جنل او قناه شلون مو عارف !!! قاعد حالي حال الكرسي اللي قاعد عليه ما ادري شالسالفه ... صدفه اكتشفت انه فيه سيرفر لازم اشبك عليه وبعدين ادش على الجنلات اللي ابيها ... ييت وسويت نفس ولد خالتي ابي ادش على بنات واسولف مليت من كثر ما اسولف وبعدين النت كله جذيه زهقت ... رحت وعرفت شي اسمه النتسكيب ومن النتسكيب قمت احوس بروحي وادش مواقع بروحي وادش من مكان لين الثاني لين عرفت الهاكرز وغيرها من السوالف ... طبعا جهازي لو يشكي جان اشتكى 7 فيروسات + 3 مرات اختراق وغير التورجان اللي حاشني والسب سفن وغيرها ... بس بيني وبينكم تعلمت شغلات وايده لو يخترب جهازي ما اوديه اي محل اصلحه انا بنفسي لاني تعلمت عليه ولو يصير اي خلل بأي برنامج اقدر اني اعالجه بأي طريقه كانت ... وانا ما انكر صرت مدمن انترنت لدرجه اذا باليوم ما قعدت اقل شي 3 ساعات احس شي ناقصني ... واذا تبون الصج بعد انا مفكر اني ادرس هندسه كمبيوتر على حسابي لاني حبيته بجنووووووووون والواحد اللي يحب شي يبدع فيها بس انا ما وصلت لين مرحله الابداع انا وصلت حق شغلات وايده وعرفتها واهم شي اني علمت نفسي بنفسي الا الشغلات اللي تكون يديده علي واول مره اتعامل وياها يمكن اسأل فيها ويمكن ما اسأل بعد .........


    سوري على التطويل

    ------------------
    كلن من يرى الناس بعين طبعه





    Tell_Me غير متواجد حالياً

  9. #9
    عضو فعال
    تاريخ التسجيل
    Jan 2000
    المشاركات
    1,480


    ماشالله عليك .....

    والله انك شاطر علمت نفسك بنفسك

    ------------------
    عشووووووووووون عيل





    حجايه غير متواجد حالياً

  10. #10
    عضو نشيط جدا
    تاريخ التسجيل
    Mar 2000
    المشاركات
    363



    مشكور يالمرشد
    انتو مع الانتر نت اعماركم كبيره بالنسبه لي انا
    صارله عندنا بالبيت تقريبا 9شهور لخوي الصغير
    وانا دايما ازفه اذا شفته شاغل خط البيت واقوله
    وخر عن سوالف اليهال
    ليما قبل شهر او اكثر شوي جيت البيت وحصلته شغال
    فقعدت عليه شوي وتعرفت على ناس واستانست عليه
    وجاني اخوي يبي جهازه وطردته
    وجيت اليوم الثاني هم مبجر عشان الانتر نت
    وصارتلي وياه مشاكل بذاك اليوم وقلتله عطني جهازك
    واعطيك اللي تبيه وطلب دسكات كمبيوتر ومايك وكامرا
    ويأجره لي ثلاث ايام رضيت انا ورحت شريتلي جهاز
    وشريتله اغراضه ومن بعد ماشريت الجهاز كل يوم والله اكثر
    من 9 او 11 ساعه باليوم ولافارقته الا قبل 7 ايام سافرت
    وابلشت ابوي ابي ارد اليوم انا مالي حاجه معاك ليما قالي
    فيه انتر بالفندق قلتله الحين اوكي نقعد ورحت ودشيت سوالف بس خساره
    كان الكيبوردر انجليزي بس قعدت اتفرج يوميا واتنطر ايميلي
    ليما رديت من السفر قبل ثلاث ايام اتصور
    وعادت حليمه لعادتها القديمه
    وطولتها عليكم
    مشكور يالمرشد على الموضوع
    ــــــــــــــــــــــــــــــــــــــــــــــــــ ـــــــــــــــ
    ــــــــــــــــــــــــــــــــــــــــــــــــــ ـــــــــــــــ
    اخوكم كوكو





    كوكو غير متواجد حالياً

  11. #11
    عضو نشيط
    تاريخ التسجيل
    Feb 2000
    المشاركات
    154


    انا ما امدح بنفسي يا حجايه


    مداح نفسه يبيله ....... انتي عارفه الباجي ما له داعي اكمل

    ------------------
    جريح جريح واللي علمني المشي علمني اطيح واللي شراني بالذهب رد باعني للريح






    Tell_Me غير متواجد حالياً

  12. #12
    عضو فعال
    تاريخ التسجيل
    Jan 2000
    المشاركات
    1,480




    تدرون ميته ضحك عليكم

    والله خوووووووووووووووووش موضوع يالمرشد طلعت ماكان تحت التراب



    ------------------
    عشووووووووووون عيل





    حجايه غير متواجد حالياً

  13. #13
    عضو نشيط جدا
    تاريخ التسجيل
    Mar 2000
    المشاركات
    363



    والله مواظيع تظحك صج
    من حقج
    ــــــــــــــــــ
    ــــــــــــــــــ
    اخوكم كوكو





    كوكو غير متواجد حالياً

  14. #14
    عضو نشيط
    تاريخ التسجيل
    Mar 2000
    المشاركات
    223


    بدايتي مع الانترنت من امريكا وتطورت هنا بالسعوديه ومعظمها في اعمال خاصه ومنها التداول في بورصة الانترنت من خلال بعض المواقع0وايضا تصفح الصحف والاصدارات العربيه والعالميه0واعمال تخص عملي من حيث التواصل مع شركات اخرى000وايضا مهتم جدا بموضوع التصميم للمواقع وانا اخذت دورات خاصه وايضا مواصل في اخذ دورات خاصه بالفرونت بيج ولغة ال اتش تي ام ال 000اما بالنسبه للترفيه فمجاله محدود في حياتي وخاصة في الانترنت وفي موقع سواليف اجد نفسي مع اخوان اعزاء مثلكم واجد راحتي بينكم000

    ------------------
    طول العمر وانا اتذكرك حتى وانا ناسيك انسى واتذكرك0


    [b]<small><small>[ تم تعديل الموضوع بواسطة &nbsp; نواف &nbsp; يوم &nbsp; 13-04-2000]





    نواف غير متواجد حالياً

  15. #15
    عضو فعال جدا
    تاريخ التسجيل
    Jan 2000
    المشاركات
    2,799







    دخل الانترنت بيتنا بدون محد يطلبه ... يعني فجأه الوالد قال بركب
    إنترنت ..

    اسمع البنات يرمسن عن الأنترنت .. بس بصراحه ما كنت مهتمه واايد
    يعني شو إنترنت نفس التلفزيزن ؟؟ شو ها لعب بنات ؟؟ انترنت و انترنت
    اخخخخخخخخ ...
    ركبنا الانترنت .. و محد عطاه سالفه ... تقريبا سنه و نادر حد يشغله
    و أنا أسمع سوالف عن الانترنت .. فيه جذيه و جذيه ..و الاخت مطنشه .
    قبل سنه تقريبا بديت شويه أدخل الانترنت ... مره كانت إختي تزورنا
    و علمتني كيف أشغله ... عاد أونها جينيس في الأنترنت ... تفلسف علي
    و مناك ما تعرف شي ... دخلت الباسوورد تريت 30 ثانيه ... قالت ما اشتغل
    غلط الباسووورد ... انزين تري .. قالت لا ما يشتغل .. إنزين يقولج قاعد
    يسوب كونكت ... فالت لا ... أووهووو.. جربنا مره ثانيه تريت و اشتغل .
    دخلنا ..أشوف أشياء ال× على الصور ... شو ها ؟؟
    قلت يالله بندخل الهوم بيج مالت أخوي .. و دخلنا .. و رحنا نتنقل من هوم بيج لهوم بيج ... شو ها ؟؟؟ ما عندي سالفه ؟؟ مع هذا ما كنت أقضي أكثر من نص ساعه في اليوم على الانترنت ... و بديت شوي شوي أتعلم بروحي أشوف سيرج .. شوها ؟؟ سيرج حق شو ؟؟ يالله نحط أي كلمه .

    من 4 شهور ... صرت مدمنة إنترنت .. يعني صرت أتخبل إذا
    ما دشيت النت ... يعني احيانا ما يكون عندي شي و لا أبا شي
    و لا شي يجذيني في النت .. بس أقعد عليه بس جذيه ... خساير

    بصراحه ... أتمنى لو إني ما عرفت الانترنت ... أتمنى اليوم
    إلي حد يقولي بنجلع الانترنت من البيت ... أدري ما يتغيض
    بس على الاقل يمكن ترجع حياتي نفس قبل .

    يعني صرت مقصره في واايد أشياء .. و السبه هالانترنت
    ربيعاتي يا حليلهن نادر ارمسهن على التيلفون ..
    ما أقعد مع الاهل نفس قبل
    عصبه تضربني من مجابله هالنت
    يضربني إكتئاب يوم أدخل سوالف و أكون بروحي

    بس فيه إيجابيات وااايد .. و خصوصا من دشيت سوالف





    ------------------
    smile...smile...smile








    LoOoOoL غير متواجد حالياً





ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أضف موقعك هنا| اخبار السيارات | حراج | شقق للايجار في الكويت | بيوت للبيع في الكويت | دليل الكويت العقاري | مقروء | شركة كشف تسربات المياه | شركة عزل اسطح بالرياض | عزل فوم بالرياض| عزل اسطح بالرياض | كشف تسربات المياة بالرياض | شركة عزل اسطح بالرياض