للمصميين و عشاق الخطوط.. أضخم مكتبة خطوط على الشبكة العربية

[swish]

اسفين على المداخله ...

لكن يا اخ رضا .. على مااعتقد في علماء ومشايخ مختصين للفتاوي .. يعني مو من حقك انك تفتي من عندك

انا مااقول انه اخوي قلعة العرب انه غلط او لا ...

لكن الله ماشفناه وبالعقل عرفناه ....

اول شيء نفكر ونوزن الكلام ونتاكد من صحته ......

اول شيء نجي فين قطة الحقوق ... بتقول منتدى في بي زوم والفنكوش ...

اوكي انا اقلك شغله ... هوه اي نعم انه المبرمجين تعبوا في برمجة هذه البرامج ... لكن اخوي من حقي اذا اشتريته اسوي فيه الي ابغى .. انزله مجانا ابيعه بسعر اعلى ... لانه النسخه مشتريها وصارت باسمي يعني من حقي اني اشيل الحقوق كمان ... مثلها مثل السياره

الشركات تتعب وتصنع السيارات .. وانا اجي اشتريها وصارت باسمي يعني من حقي اني ابيعها بسعر اعلى او اهديها لواحد مجانا ....

شفت لو انك فكرت اكثر في هذه النقطه كان شفتها عادي

راح تقلي طيب الحقوق الفكريه وحقوق البرمجه والتعب ....
طيب اخوي الفلوس الي جايبها واشتري فيها يعني ماتعبت اللين ماجبتها .... يعني كل واحد منا بيتعب ويكسب .. واسال اي شيخ او اي مفتي .. دام انك اشتريت سلعه وصارت باسمك .. لك الحق انك تسوي الي تبغاها فيها ان شاء الله لو ترميها ....

لكن الغريب والي بشوفه كثير هنا انه الواحد حتى لو انه اشترى شيء يعتبر حرامي ...ههههههه شيء مضحك الصراحه شيء مشتريه ويقلولي حرامي .. اجل على كدى كلنا حراميه .. لاننا نمكل السيارات و الالبسه لانها كلها حقوق اجنبيه ونحن بنشتريها


وبالنسبه للخطوط .. اول شيء مانتسب ليها حقوق ... ولا الاخ قلعة العرب نسبها ليه... يعني مابشوف فيها شيء ... وعلى مااعتقد اضافها في مكتبة البرامج ... لاحظ ( مكتبه )

ودام انه اسمها مكتبه يعني تشمل كل شيء ... طيب نتلكم في هذه النقطه ... المكتبه العاديه الي فيها المجلدات والكتب .... هل هي من تاليف او حقوق المكتبه ... لا طبعا كل كتاب له مؤلف وله حقوق نشر ... لكن يجي الواحد ويشتري كم كتاب وكم مجلد ... هل هذا معناته اننا بنسرق الحقوق او من هذا القبيل


انا معاك في نقطه انه مسروق اذا واحد كتب الحقوق له وهذا فقط اذا كان مجاني

اما مثل ماذكرت اسال اي شيخ او مفتي .. دام اني اشتريت السلعه من حقي اني اسوي فيها اي شيء.....


والصراحه لاحظت كثييير من مستخدمين الانترنت ... انهم يفتون ويحللون اشياء ويحرمون اشياء من عندهم

والبعض منهم يقول ياعمي انترنت الشغله يعني سوي الي تبغاه

لا يااخواني الشريعه ماتفرق لا بين انترنت ولا غيره وانتبهوا لهذه النقطه

وارجو قبل اي واحد يفتي او يتلكم .. اول شيء يشوف مثال من واقع الحياه

وبعدين يجي يتلكم ويفتي من عنده


طولت عليكم لكن حبيت اووعيكم وانصحكم

وتحياتي

[رضا]

swish مشكور على المداخلة .. لكن من قال لك أني أفتيت .. و لو إعتبرت ردودي فتوى فأنت أيضاً وقعت في هذا في أقوالك و هذا يعني تناقض في كلامك يالطيب ..
الأمر الثاني أتعجب أقول لك قال الله و قال رسوله صلى الله عليه و سلم و تقول يجب أن نسمع لمفتي .. الحق أحق أن يتبع ..
ثم قضية مثلاً المبرمجين و حقوقهم البرمجية .. أقول لك هم ما يبيعون بنزين ولا سندوتيش شيء ما يستلزم أن يحفظ حقوقهم .. لكن هم يبيعون برنامج مع حفظ حقوقه .. و هناك أمر آخر شيء إسمه تنازل عن الحقوق في هذه الحالة صح تسوي اللي تبغاه .. لكن في الحالة الأولى غالباً يكون هناك شروط و حقوق يجب أن تحفظ ..
فهل معقول مثلاً شخص يتعب ببرنامج و يبيعه عليك مثلاً ب 50 ريال تقوم تشتريته و تبيعه أنت ب 50 ريال كمان إيش أستفاد هو .. معليش فتح عقلك شوي ..
بالنسبة للسيارة مثال جيد .. السيارة صح تسوي فيها اللي تبغاه .. لكن ما تجي في يوم بمعرض و تقول هذه سيارة بي إم رضا !! ..
هذا شيء ..
و الشيء الآخر أصلاً الأمر كله يتعلق بشروط ما قبل البيع ..
صاحب الخطوط قال لمن باع الخط للناس جميع حقوق النسخ محفوظة لفلان .. و راجع علبة السيدي حق خطوط المعالم و شركة فيوتشر سوفت المصرية .. و إن كان جاء واحد وما إلتزم بشروطهم و خالفهم و نزلها عالنت و جاء ثاني و أخذها و نزلها بموقعه و جاء ثالث أخذها من الثاني و هكذا .. لا يعني إباحة الفعل أصلاً !! .. و مابني على باطل فهو باطل !! ..
و إسمح لي أغلب أمثلتك بعيدة كل البعد عن الموضوع ..
المكتبة صح تعرض كتب .. لكن ما حذفت حقوق مؤلفيها و دور النشر اللي نشرتها .. و أغلبها ما تخليك تنسخ الكتاب أو تقراه أو تسوي به اللي تبغاه إلا بعد ما تشتري النسخة الأصلية من الكتاب و هم بطريقة معينة يوصلون المبلغ لأصحابه !! ..
و شكراً على حال حال على فتوى سماحتكم الكريمة ..

[swish]

اهلين اخوي رضا ... ههههه حلوه فتوى سماحتكم .... لا انا لابافتي ولا شيء انا بس حبيت اقول كلمة حق ...

اي نعم انك جبت دليل من القران والسنه .... لكن ليس من حقنا اننا نحرم او نحلل شيء مختلفين فيه ....

اوكي انا معاك انه اصحاب الخطوط اجتهدوا وتعبوا ... لكن اذا لاحظت ان لكل خط اسم يعني اول شيء حقوقها ماراحت ... وفي نقاط نسيت اذكرها ..

اولها .. ان اخوي رضا ممكن تقنع واحد بس بطريقه حلوه وحبه حبه ... لانه في ناس مايتقبلون النصائح .. او امكن يظن انه على صواب وسببها غفله او من هذا القبيل .. فماراح يقبل النصيحه اذا ما كان مقتنع ... فنضطر اننا ننصحه حبه حبه ... يعني اول شيء نتقبل منه لانه قيد صار الي صار وبعدين نحاول اننا نقنعه انه هذا الطريقه غير جائزه او من هذا القبيل ...

الي بوصله انه معظمنا اكيد من حرقته بينصح بشكل عشوائي وجاف بعض الشيء ... والصراحه انا اعتبر هذه الطريقه بالنصح خطأ 100%

وثاني شيء .. الكثير منى حتى لو انه اقتنع من اول نصيحه انه هذا الشيء غير جائز .. لكن لمن يشوف رد او نصيحه علنيه فيضطر انه يثبت وجوده ... وزي ماشفت الاخ قلعة العرب في رده ....

الي بوصله ... انه المفروض النصيحه في البدايه تكون بكلام حلو وبسيط ومقنع في نفس الوقت ...

وثانيا النصيحه الكثير مايتقبلها علنيه ... الكثير منا يحب ان تكون النصيحه بينه وبين الناصح


فيا اخ رضا لا تزعل مني ... لكن نحن في زمن تطور وعلم .. ويجب علينا ان نطور من انفسنا ... ولا اقول اننا نخرج عن حدود الشريعه ... لا بالعكس ديننا دين نصح وارشاد ... لكن يجب ان نساير الزمن بكل طريقه .. زي مايقولون ( الاتيكيت )


واسف للاطاله وخروجي عن الموضوع ....

وتحياتي

[رضا]

swish حلوة إيتكيت .. مشكور على كل حال .. و أصلاً لم يكن الكلام نصيحة بل كان كلام عام تحول بالنهاية لما قرأت ..

[الوافي]

قلعة العرب و ر ضا



جزاكم الله خير




في الاخير نبقى اخوه وياليت اني اشوف قلعة العرب و رضا اخوه من جديد


تحياتي لكم