من سنه تقريبا كان زميلي بالعمل يبغي يشتري كاميرا ديجيتل وبالرغم انه مالي بالتصوير خير شر لا من قريب ولا من بعيد قررت اني اروح معاه يمكن اغير رايي واخذ لي كاميرا رقميه اذا كان سعرها مناسب رحنا السوق ( سوق شعبي نوعا ما ) وكانت لوكاله السوني فرع هناك والكانون بعد عموما بعد ماشفنا الفرق بين الكاميرات ( من النواحي التقنيه وليست الفنيه استقر رأي زميلي على السوني ماعرف الموديل كلهم مثل بعض !!!!! ) قالي بتاخذ قلت له لا مافي شي يستاهل اصوره بالديجيتل خلني على الكاميرا العاديه احسن الي اصلا ماعرف استخدمها بعد !!! ( كانت بنتكس وكانت هديه) المهم هو راح صوب سيارته وانا رايح صوب سيارتي , قلت بختصر المسافه ودخلت في داعوس (زقاق ) ولقيت هنود في غرفه صغيره كلها بصصصصصصصصصصصصصصصصصل كانت الغرفه تبع مطعم معروف للحمص والفول اسمه بيروت والغرفه عباره عن مخزن والهنود يقشرون هالبصل لزباين من الصبح لليل , لمحت هالمنظر ولا قدرت اشيله من مخيلتي عودت بسرعه وشريت الكاميرا ورجعت لهم وخذيت الصوره ,,, طبعا فنيا ضعيفه اووووووووووول صوره لي الكاميرا انت كانون power shot A40 والحين عندي G3 هذي هالصوره وهي فعلا مضحكه مبكيه مساكين تاركين بلادهم وعياليهم ويقشرون بصل , الحمد لله على هالنعمه الي احنا فيها
