ثقافة السيريلاك

[ROMANCY25]

السلام عليكم ورحمة الله وبركاته



عادي عادي ولاأحد يآخذ في باله ترى الدنيا تساهيل ومطرح ماتجيب ومدري إيش وأكمل فراغ ................


بما إن أغلب اللي هنا مواليد سنة 1980 ومالحقوا على السيريلاك الأصلي فعندي نصيحه لكم وأنا جدكم

خذ مجموعة خشب وأكسرها من النص وبعدين اللي كسرته إجمعه وإكسره من النص مره ثانيه كرر الطريقه أكثر من مره

تدرون وش اللي بقوله....؟؟؟

اللي بقوله إن الخشب هذا تقدر ترميه بالنار وتولع حريقه

وفي النهايه النار ماتورّث إلا الرماد >>>>>> يسمع بشي إسمه حكمه

عاد بقولكم السالفه من أولها لآخرها

كان هنا في ناس قبلكم إجتمعت برائتهم وخبثهم ذكائهم وغبائهم وفضاهم وشغلهم وكان كل همهم شي واحد

ودي أقوله لكم بس أحس إذا قلته لكم الحين بتفقدون متعة إنكم تعرفونه بنفسكم بعد كم سنه

كل واحد راح يسأل نفسه هالسؤال : عن إيش كنت أدوّر يوم سجلت في المنتدى ...؟؟

اللي يدور عن صديق واللي يدور عن فايده واللي يدور عن شهره واللي يدور عن بنت واللي يدور عن بسمه واللي يدور عن هروب من مشاكل واللي مايدري وين الله حاطه ومسجل على قول المثل مع الخيل ياشقرا


أنا يعجبني اللي مع الخيل ياشقرا لأنه أكثر واحد بيعقده السؤال آنف الذكر >>>>>> حسيت إني مثقف


سلامة عمر كل من طلع فوق راسه نخله وكل من حط علامة تعجب واستفهام

سلامة عمر من تعورت عيونه ومالقى فايده بالموضوع

سلامة عمر من فكر ولا شاف شي بين السطور

لكن هي كذا الدنيا مثل الدائره تدور وتدور وتدور وترجع لنقطة الصفر



كل عام وإنتم بخير

وبس

[بويوسف]

هههههههههههه رومانسي شفيك

الظاهر انك شيبت وعلامات الكبر ظهرت عليك

اخبارك يالحبيب والا زمان لك وحشة

الا وانت عشان من كنت تكتب

[هايل]

كح كح كح

غباااااااااااااااااااااااااااااااااااااااااااااااا اااااااااااااااااااااار

جد مدري وش اللي جابني هنا ... أحساس ولا لقافه


المهم حظي حلووو .. وصدفه حلوه



ورمضان كريم

ونشوفكم بالأخره عند الحوض ان شاءالله ..

[ROMANCY25]

بو يوووووسف


ياهلا وغلا والله لك وحشه

طيب لنفرض

يعني فرضا

إن سميرة عمرها ضعف عمر أخيها ، ونصف عمر والدها ، بعد 22 عاماً أخوها سوف يكون عمره نصف عمر والدهما . كم عمر سميرة الان ؟


على فكره إسم أبوها سمير

ولا تقول لي تشابه أسماء

أقول بو يوسف


إنت تلبس العقال اللي له دندوشه ورى ؟؟؟

إشتقت لك إنت وخشتك

كل عام وإنت بخير وينعاد رمضان علينا وعليك بالرحمه والبركه والمغفره







هلا هايل حبيبي

عطني بوسه خطافيه

ودي أشوفك أحس إنك كبرت الحين وصار في وجهك تجاعيد وحبوب شيبان بالوجه

مصير الحي يتلاقى ولو بعد حين ( ترى مألفه المثل مو سارقه)

على فكره
شريت عنكبوت وحاطه بقفص زجاجي في بداية الشهر كنت أشتري له صراصير كل 20 صرصور بدولارين بس آخر الشهر طفرت أنا ومالقيت اللي آكله فصرت أصيد له صراصير وأعطيه

وعلى قولتهم شي ببلاش ربحه بيّن

ماسكه على الأمثال

هو صحيح العنكبوت شكله قرف وله شعر على جسمه وكبير ويخوف بس مؤدب وهذا اللي أعجبني فيه

لحد الحين متعقد وش أسميه لأن ماعرفت وش جنسه هو ذكر وإلا أنثى بس مادام كل هالأدب اللي عنده أتوقع إنه ذكر


مدري وش جاني مسكت على عنكبوتي بس تعرف بدوي وصار يسمع بالحيوانات الأليفه وراح شرى عنكبوت

الوكاد كل عام وإنت بخير إنت وخشتك بعد


وينعاد عليك وعلينا وعلى الأمه الإسلاميه باليمن والبركات


السلام عليكم

[باك]

رد مقتبس من ROMANCY25

كل واحد راح يسأل نفسه هالسؤال : عن إيش كنت أدوّر يوم سجلت في المنتدى ...؟؟

اللي يدور عن صديق واللي يدور عن فايده واللي يدور عن شهره واللي يدور عن بنت واللي يدور عن بسمه واللي يدور عن هروب من مشاكل واللي مايدري وين الله حاطه ومسجل على قول المثل مع الخيل ياشقرا
[/B]

موضوع جميل بصراحه وهذا اكثر شيء عجبني فيه .
بالاضافه الى انه من القلب للقلب