يا اهل الكاميرات وش رايكم في هالنوعية ؟

[ابو مشعل]

السلام عليكم
مساكم الله بالخير من اول شخص الى اخر شخص .

حبيت اسألكم عن كاميرا سوني .
cypershot ( على ما اظن اسمها كذا ) 5 ميجا بكسل . و هل تنصحوني اشتريها من الوكيل في الرياض ؟ و هل فيه فرق في الاسعار بين المحلات ؟




+ فيه استفسارات . هل اذا صار فيه كاميرتين كلهم دقتهم 5 ميجا . تطلع نفس وضوح الصور ؟

لأني سمعت قبل فترة واحد من الشباب يقول ان الكاميرات الرقيقة ما تكون دقتها مثل الكاميرات العادية . و استغربت من كلامه . يعني هل العدسة او الزوه لها دخل في صفاوة الصورة ؟

و اذا كان فيه اي نصائح لكاميرات انا يهمني الحجم انه يكون صغير .




طولت عليكم المعذرة انا صاير اليوم هذره مدري و ش القصة :shy: :shy:


اخوكم ابو مشعل

[كيف]

هالنوع من السوني يعتبر سيء و سالفه ال5 ميجا بكسل كثيره اذا انت مب محتاج لصور بحجم كبيررررررررررررررررررررررررررررررررررررررررررررررر ررر كبير جدا , يعني 2 او 3 راح يكونوا مناسبين جدا خليهم اربعه اذا دراهمك زياده وانصحك تبتعد عن السوني من هالنوع يا اخي حتى شكله غلط وكل الي يستخدمونه اعرف انهم يبون الفكه , اذا تبي تدلع نفسك من ناحيه الشكل و الاداء خلط على كانون او منيلوتا وانصحك بالكانون من نوع IXUS

[الرياض]

مثل ما قالك اخوي كيف اذا تبي تتسلى يعني وتدلع نفسك اشتري سوني حجم خفيف وشكل حلو
وانا مجربها النوع الي بي اربع بكسل

وبصراحة تحسفت اني ما اشتريت اولبميوس او نايكون يمدحونها كثير من ناحية الدقة وجودة الصور

[CroN!X]

ابو مشعل شوف اللي يقولون عنها الشباااب وعطني خبر انا بعد ودي اشتري بس ما اعرف المواصفات الزينه


وعلمني باسم المحل يمكن يسوون لنا ديسكاونت



تحياتي لك

اخوك
هــاجِر

[ابو مشعل]

هلا و الله و غلا
حيا الله الشباب اللي شاركو

اليوم في تمام الساعه 11 و نص انطلقت لحراج الكمبيوتر في العليا و تحديداً محل اميج ارتست اتسترا <=== تصدقون كاتبين لوحتهم كذا :funny:

عموماً دخلت المحل و سألت : عندكم كاميرات سوني ديجيتال ؟ :anger1:
قال : لا . بس عندنا احسن منها
قلت ايش ؟
قال : كوداك .

و من الاشياء الي قال لي عليها ان فيه كاميره عليها عرض في شهر رمضان مواصفاتها كذا :

4.0MP resolution for prints from 4" x 6" (10 x 15 cm) to 20" x 30" (50 x 75 cm)
Professional-quality SCHNEIDER-KREUZNACH VARIOGON Lens
10X zoom (3X optical, 3.3X Advanced Digital Zoom)
Low-light and selectable multi-zone auto-focus
Kodak's color science for vivid colors and excellent image quality
رقم الموديل LS443



+ معها ميموري 128 ميجا اضافي
بسعر 1999 ريال . يعني 2000 ريال .


بس الغريب ان في الموقع حق كوداك سعرها 1500 ريال بس
يعني فرق ربع القيمة . و هذا موب بسيط :anger1:


تلقونها على العنوان :
http://www.kodak.com/eknec/PageQueri...requestid=5004







اخواني كيف و هجر و الرياض و البقية وش رايكم ؟

انتظركم
اخوكم ابو مشعل

[كيف]

canon

[الرياض]

السلام عليكم..

مواصفاتها حلوه

بس انا اقول انتظر ولا تستعجل ابد ... ترى انا اول ما اخذت السوني حقتي كنت اهم شيء افكر فيه الشكل والخفه ! بس والله بعدين تحسفت

شف في موقع عندي جبااار من جد فيه جميع انواع الكميرات ويحط لك مواصفاتها و السعر واذا تبي تشتريها من نفس الموقع واحلى واهم شيء (يحط لك امثله على الصور الي اخٌذت بالكميرا)

اصبر علي اليوم ان شاء الله بالليل اعطيك اياه

سلام..

[tk4a.net]

أنا عنديiXUS x2
تو ميجا أن بيكسل الصور واضحة ولله الحمد بس في شي أنا شريتها
من الأمارات بـ1485 درهم ولما رجعت الرياض سئلت عنها في الصالحية
لقيتها بـ 1990 ريال :anger2: