السلام عليكم ورحمه الله وبركاته


كالعاده سيقفز هذا الموضوع ويثبت في المنتدى سوالف العامه ويوضع من اهم المواضيع


تحيه طيبه لكم يا اخوان جميعا

اليوم وامس وقبله

انا احب وقت العصر برمضان يعني الف شوي بالسياره واشتري من هنا ومن هناك

وطبعا اللى طالع براحته مو زي اللى طالع غصب يشتري اغراض


انواع :anger2: المشاكل برمضان

واعطيكم عدد من الحوادث

1- محل الفول والتميس
ابدا ابدا ما فيه صبر عند الناس ( وبعض الناس يستغل انه اللى جنبه ذو اجسام ضعيفه ويحاشرهم )

وهاتك يا سب ( حتى استغفر الله بالدين )

2- عند الأشارات المروريه تخبرون الدوران من الأشاره لليمين مسموح

بعض الاخوان يوقف ويوقف خلفه خلق الله وهاتك ازعاج

طووووووووط طييييييييييييط واخينا في الله ماهو داري عن الشغله

واكيد لابد من طبج

3- بعض الاخوان الشباب ما يحترمون الله عزوجل ويحترمون المطاوعه قولوا لي كيف

تلقاه عند الأشاره (( السياره ترج من الصوت وهو صايم يسمع اغاني ))

ما عليه باحد

خل واحد مطوع يجي يوقف جنبه ويطالع فيه شوي من قوه الاحترام حتى صوت مكينة السياره ما تسمعه

4- بعض الشباب سادحين جبن ونايمين ونومه اهل الكهف (( من الفجر الى المغرب )) لا صلاة ولا صيام يوم تجي تسأله قال (( اخاف على نفسي من الفتن ))

5- بعض الأخوان عند صلاة التراويح يجي المسجد وكأنه مغصوب على الصلاه (( تلقاه ما خل سم بوجهه الا ولعب فيه واصابعه طققها كلها وطق رقبته ولو انه يجوز له يتمدد تمدد وطقطق اصابع رجوله

6- بعض الأخوان عندهم مخافة الله الى يأذن المغرب وبعدها .... انتم ادرى

نصائح للاخوات وهم قليل بسوالف سوفت ولكن عسى ان ينقل كلامنا اصحاب المنتديات لاهل منتدياتهم

1- ما همها برمضان الا تكون سفرتهم احسن سفره بالحي
( احمر وازرق واخضر واصفر والوان العصير واشكال الأكل )
وكانك داخل بوفيه الهيلتون مو فطور صايم

2- وبعض الفتيات نايمات وقبل الاذان بنص ساعه صحت وعلى الخادمه المسكينه تعلي صوتها ( ما درت انها صايمه مثلها )

3- جزاء الله بعض الاخوات اللى يسعون للصلاة في المساجد في رمضان
ويصلون التراويح مع المسلمين
لكن نصيحه لدرء المفاسد تأخروا قليلا عن الخروج من المسجد لكي لا تحصل فتنه ويلتزمون بالحجاب الأسلامي الصحيح ( ولا يتبرجن تبرج الجاهلية الأولى )

هذا ما لدي لكم اخواني الكرام

احب الصالحين ولست منهم.

اخوكم المهمة9 الساعه 2.56 ظهرا باقي على السمبوسه والشوربه كم ؟