شرح النسخة الجديده من برنامج كلك .. صمم أي كلمة بطريقة جميلة لموقعك

[Samir Al-Qaseer]

وهذا الشكل الثاني سويته بالفوتوشوب بس عالسريع من غير ألوان ولا إضافات إلا ظل بسيط :



وملف الفوتوشوب للتعديل عليه وتسوي اللي تبغاه وحسب ذوقك وفنك حمله من هذا الرابط
لأن سوالف عندها شوي مشاكل هالوقت ونا أضايف هالمشاركة نشف ريقي لين انضافت

تحياتي .

[Samir Al-Qaseer]

ياقلبي هلا وغلا بك بعد قلبي أنت

السالفة أخوي أنه يبي لك تطبع اللي كتبته بالكلك تسوي له طباعة مو بالطابعة حقتك لا , ببرنامج اسمه PDF Factory .. زين خلنا نرتب الشرح شوي وبالتدريج ..

1- تنصب برنامج PDF Factory
2- تروح من ويندوز لخانة ابدأ --> إعدادات --> الطابعات , ولما تفتح وياك النافذة حقة الطابعات تلقى طابعة جديدة اسمها pdfFactory Pro وهي اللي تم تنصيبها قبل شوي , بالماوس يمين عليها واختار "تعيين كطابعة افتراضية"
3- شغل برنامج الكلك .
4- كتبت كلمة بالكلك وانتهيت من شغلها .
5- تروح من الكلك نفسه فوق تضغط على "ملف" وبعدين تختار "طباعة"
6- تظهر معاك نافذة حقة إعدادات الطباعة من حجم الورق وكيف يكون شكله وهالسوالف , المهم تحت تلقى زر مكتوب عليه "طباعة" طق عليه بحنية
7- راح تظهر نافذة جديدة تخص برنامج PDF Factory اللي نصبناه قبل شوي , نقوم نختار منها زر "Save" وتحدد مكان حفظ ملف الـ PDF اللي راح يتم حفظه .
8- ألحين شغل الفوتوشوب واستدعي ملف الـ PDF وحدد الريزوليوشن بـ 300 عشان الصورة تكون واضحة وناعمة نعومة الوجه لما ينحط عليه كريم 21
9- راح تظهر الكلمة قدامك في الفوتوشوب وقتها تلعب بيها على كيفك تحدد الكلمة وتنسخها وتلصقها كصورة جديدة في الفوتوشوب عشان تتخلص من زوايد ملف الـ PDF وهذي كل السالفة .

طبعاً ما نسيت رابط تحميل برنامج PDF Factory:app: لعيونك بس ..
ارعص هنا

والسيريال هذا هو :
EEHZ-KTSY-54AY

صحة وعافية

ملحوظة صغيرونة بس : لما تنتهي تقدر ترجع طابعتك تكون الافتراضية باتباع نفس الخطوات في رقم (2) بس تختار طابعتك بدال طابعة برنامج PDF Factory وسلامتكم .

[q8up]

اخواني الكرام موضوعكم جذبني حيل
لاكن ياجماعه برنامج الكلك غالي شوية وعتقد ماله اي داعي لانه كل الحركات او الاكشن او الاشكال تقدرون تسونها على الفوتو شوووب
وصدقوني نفس الطريقة
بالتمام والكمان
ولا وحركات بعد وراح اسويلكم نفس الحركة
بس يبيلكم شوية خطوون وانا حاضر وستايلات
ومن اليوم ورايح كل اربع ايام راح اصمملكم ثيمات محترفة جدا جدا
لمجلة النيوووك وهديها لكم هدية
تحياتي لكم
:shy:

[q8up]

هذا تصميم على السريع
بالفوتو شوووب
بدون فلاتر ابدا
مجرد ابدااع
والله على السريع

[Samir Al-Qaseer]

هلا أخوي q8up وتصميمك حلو ...

بس حبيت أوضح الغرض من الكلك وهو كتابة الكلمات بخط صحيح على قواعد الخط العربي للأنواع الثلاثة التالية :

الثلث - النسخ - الفارسي

والحقيقة أنا من أول ما اقتنيت جهاز كمبيوتر وبدأت أشتغل على الوورد أو حتى برامج عربية للكتابة شبيهة بالوورد قديمة كان دايم في ذهني أنه يكون في حوزتي خطوط تكون على اصول الخط العربي لكن ما كان متوفر أيامها , لحد ما ظهر الكلك والصراحة ما راح تتصور فرحتي كيف كانت بهالبرنامج لأني أخيراً راح أقدر أكتب شي بقواعد سليمة وبخط راقي ومع تشكيله .

يعني القضية مو قضية زخرفة وبهرجة بقدر ما هي قضية كتابة على قواعد الخط العربي السليمة , أرجو تكون فهمتني .

تحياتي .

ملحوظة : الخطاط هو اللي راح يعرف قدر برنامج الكلك أكثر شي , وعلى فكرة تراني خطاط في الأصل

[Jadah4Host]

مشكور والله اخوي على كل هذا الابداع لاكن انا ما عندي بينت شوب هذا

وملف الفتوشوب المفتوح لا يعمل

انا ابيك تسجلني لو سمحت :$
admin@jadah4host.com

[Jadah4Host]

مشكور والله اخوي على كل هذا الابداع لاكن انا ما عندي بينت شوب هذا

وملف الفتوشوب المفتوح لا يعمل

انا ابيك تسجلني لو سمحت :$
admin@jadah4host.com

[Samir Al-Qaseer]

رد مقتبس من Jadah4Host
وملف الفتوشوب المفتوح لا يعمل
انا ابيك تسجلني لو سمحت :$
admin@jadah4host.com

آسف أخوي كان الرابط غلط , جرب ألحين تحمل ملف الفوتوشوب , قمت عدلت رابطه .

وتمت إضافتك لعله خير .

[الألم]

أخوي Samir Al-Qaseer

ياليت الله يخليك تكتب كلمة (( بحور الألم )) وتحتها كلمة .. حينما يكون للتميز طريق

وشاكر لك اهتمامك ومساعدتك اخوانك

وياليت اللي عنده رابط تحميل الكلك يدلنا

والسلام عليكم

[ياقلبي]

Samir Al-Qaseer

يابعد قلبي انت

مدري كيف اشكرك ولا الطريقة الي اشكرك فيها .. ياشيخ انت اطلق واحد :funny:

والله انك سويتلي معروف ولا كل المعاريف يابعد سبدي والله انت

وش رايك تصير صديقي امطططططططططخ عليك

طيب الحين هذي كلها وضبطناها ... بس باقي الكلك الجديد وش العمل فية ؟؟؟ k_l_l_o_ll(at)hotmail.com

ولك مني احلى واعطر وارق واعذب واطططططططلق تحية

يامبدع يافنان يا ( كلك ) على بعضك حلو

الله يجزاك خير ويجعله في موازين حسناتك ويسكنك جنات النعيم

[Dr_xXx]

بارك الله بيك اخوي
ياريت لو اتصمملي
الـــفلوجه
او جزاك الله خير

[Samir Al-Qaseer]

الأخ الألم أعتذر لك عن تأخر ردي والسموحة يا غالي ..

هذا اللي تريده بس من غير مؤثرات ولا شي وذا بغيت شي مثرات معينة على الكلمة قول لي وأسويها لك إن شاء الله , لكن أرفقت لك ملف الفوتوشوب المفتوح تقدر بنفسك تسوي مؤثراتك على كيفك إذا عندك دراية بالفوتوشوب .



أتمنى تعجبك ..

لا تنس الملف بالمرفقات .

[Samir Al-Qaseer]

أخي ابن العراق2009 أعتذر لك أيضاً على تأخري والسموحة ..

نفس الوضع مع الأخ الألم من حيث عدم اضافة المؤثرات لإرفاقي ملف الفوتوشوب واستطاعتك التغيير وإضافة المؤثرات على راحتك لكن في حالة عدم تمكنك من التعامل مع الفوتوشوب أبلغني بما تريد إضافته من مؤثرات وسأحاول جاهداً لتنفيذ الأمر ..



لا تنس الملف بالمرفقات

[Samir Al-Qaseer]

هلا بك ياقلبي , الصراحة ردك أحرجني وخلى وجهي مثل الطماطة كذا :shy:

أكثر شي عجبني في ردك هو آخر سطر وهو الدعاء :

===================================
الله يجزاك خير ويجعله في موازين حسناتك ويسكنك جنات النعيم
===================================

آمين , ولك بمثل .

أما عن اصدار جديد للكلك فصراحة ما سمعت بيها , اللي أعرفه مافي غيره ذا الكلك2000 ما سمعت عن إصدارة جديدة صراحة .

تحياتي للجميع .

[Jadah4Host]

والله العظيم ما شفت شخص طيب مثلك ويــاري يجعلك من اهل جنات النعيم يا رب


مشكور اخوى وابى كلمه


قمرى
وتحتها

للرومنسيه عالم اخر ...