الاستضافه العربيه الى متى؟؟ ... (دعوه لنقاش)

[sarab4u.net]

السلام عليكم ورحمة الله وبركاته

في بداية الامر شدني كثير من اللذين اعرفهم ,,, ان توجهوا الى شركات الاستضافه الاجنبيه ليس من اجل رخص الاستضافه بل من اجل الاستضافه الامنه والمعامله الجيده
واللذي جعلني اكتب هذا الموضوع ان اغلبيه هؤلاء الناس ينظرون نظره واحده الى الاستضافه العربيه ,,
وهي ان الاستضافه العربيه ليت المكان الامن اللتي يجعلون بها مواقعهم واعمالهم ,,, ويحاولن ويعملون بشتى الطرق ان يبتعدوا عن اي شركة استضافه عربيه .... السؤال هنا
لماذا هذه النظره اللتي باتت تنتشر؟
-هل العيب من الاستضافه ام العيب من العميل
ام ماذا

ياليت كل شخص يطرح رأيه هنا ,,, ويقول ماهي الاسباب اللتي جعلت اكثر الناس لا يثقون بلأستضافه العربيه


واسف على الاطاله

[BitSurFer]

اخي هناك ناس مضمونه ان شاء الله
بس يبي لك تختار صح
وتفتح عيونك في القسم هذا
وراح تعرف المضمونيين باذن الله

[sarab4u.net]

اشكرك اخوي على مرورك ,,,

بس مو حرام الناس تترك اخواننا العرب وتتوجه للأجانب ,,, لازم نشوف المشكله وين علشان نحلها

[الدمام هوست]

السلام عليكم

العيب ليس بالاستضافة العربيه

ولكن العيب بالعملاء

عميل يبحث عن ارخص الاسعار واجودها !!

كيف يحدث ذالك

والبعض منا يرى عرض يغتر بالسعر ويترك الامور الاخرى من اهمها الثقه

قبل اسبوع وجدت عرض بسوالف للاحد الاعضاء عندما اتصلت عليها هاتفياً صوته يوحي انه لم يبلغ سن الرشد فكيف اتفق مع هذا او اثق به وهو لم يخرج من البيضه

والبعض لا يهمه سوا السعر وبعدها

يضع العيب والمشكله في الاستضافة العربيه !!

عجياً

[sarab4u.net]

اشكرك اخوي بو شهاب

بس انت ما تتفق معاي ان بعض الاستضافات العربيه تضع عروض هي مو قدها بلأساس ,,, فكيف تضع هذي العروض وبهذي الاسعار اللتي تجعل الشخص لا يكاد يصدق ,,, وسيرفراته لا تتحمل هذا القدر من العروض

[Ziad]

سلام عليكم

اول شي مايخليني اثق في مستضيف عربي ..

لأن كل الي بيني وبينه .. رقم جوال (سوا) غالباً ؟ وماسنجر !!

لو كان فيه مكتب او مركز معين محل ولا ان شاء الله بقاااله المهم ادله يوم يجحدني ولا يسوي لي بلا في الموقع ..

وادله يوم ابي اشوف الحسابات آخذ حقي بيدي ذيك الساعة ولا اخاف ..

وهو يخاف مايجحد احد

الغرب !! والاجانب برا .. فيه حكومة إلكترونية تحمي المستخدم هنا ؟؟ الله بالخييييييير مافيه الا العافية اقعد واسكت وردد ياليل مطولك .

والشي الثاني الي يخليني اثق في مستضيف عربي .. لو كان رجل كبير بالعمر متزن مهوب مثل بعض الي فاتحين شركات استضافة وبعد ست شهور الا ابو الشباب شايل عفشة لا ويوم تبي تشترك يقولك

تبي شهر مافيه ؟؟ شهرين ثلاثه مافيه .. سنة ولا طس ؟
ولا الثاني يقولك سنة بـ 900 ريال وإذا تبي سنتين ادفع 1500 !! ووهو حاسب حسابة ست شهور وهو خالص اشترك السيرفر الي حقه 4000 ريال !!

:funny:

علشان تثق :

1. وجود مقر لشركة الاستضافة وسجل تجاري . ( تقولي مافيه نشاط استضافة او خدمات انترنت .. اقولك انشالله سجل مقاولات وفيه فواتير وسند قبض ؟ خلاص مابي غيره )
2.يكون فيه صورة من بطاقة صاحب الشركة موضح فيها عمره والاسم مطابق لأسم الحساب .
3.تبي تثق زيادة .. دل بيته :anger1:

[saudi4host]

رد مقتبس من Ziad
سلام عليكم

اول شي مايخليني اثق في مستضيف عربي ..

لأن كل الي بيني وبينه .. رقم جوال (سوا) غالباً ؟ وماسنجر !!

لو كان فيه مكتب او مركز معين محل ولا ان شاء الله بقاااله المهم ادله يوم يجحدني ولا يسوي لي بلا في الموقع ..

وادله يوم ابي اشوف الحسابات آخذ حقي بيدي ذيك الساعة ولا اخاف ..

وهو يخاف مايجحد احد

الغرب !! والاجانب برا .. فيه حكومة إلكترونية تحمي المستخدم هنا ؟؟ الله بالخييييييير مافيه الا العافية اقعد واسكت وردد ياليل مطولك .

والشي الثاني الي يخليني اثق في مستضيف عربي .. لو كان رجل كبير بالعمر متزن مهوب مثل بعض الي فاتحين شركات استضافة وبعد ست شهور الا ابو الشباب شايل عفشة لا ويوم تبي تشترك يقولك

تبي شهر مافيه ؟؟ شهرين ثلاثه مافيه .. سنة ولا طس ؟
ولا الثاني يقولك سنة بـ 900 ريال وإذا تبي سنتين ادفع 1500 !! ووهو حاسب حسابة ست شهور وهو خالص اشترك السيرفر الي حقه 4000 ريال !!

:funny:

علشان تثق :

1. وجود مقر لشركة الاستضافة وسجل تجاري . ( تقولي مافيه نشاط استضافة او خدمات انترنت .. اقولك انشالله سجل مقاولات وفيه فواتير وسند قبض ؟ خلاص مابي غيره )
2.يكون فيه صورة من بطاقة صاحب الشركة موضح فيها عمره والاسم مطابق لأسم الحساب .
3.تبي تثق زيادة .. دل بيته :anger1:

حبيبي في ناس تقدم شهر بس اسعارهم غالية
بالنسبة للسجل رح لمدينة الملك عبدالعزيز طول الله بعمرهم هو اللي يعطونا سجلات

[pionec.com]

اخوي الموضوع هذا نزل اكثر من مرة في سوالف

واعتقد السبب الاول هو كما ذكر احد الاخوان هم اطفال الاستضافة
اول ما تعلم يطقطق على الكيبورد قام اخذلك اررررررخص ريسلر وقام يبيع فيها
ويوم يتقفل موقع الزبون قام يسب ويلعن في العرب ونصاب ومدري شنو
وهذا الشي نلاحظة ان استضافة مالها فاتحة الا شهر اتقفلت ليش ؟؟؟ ما تدري

وسلامتكم

[sarab4u.net]

اشكركم على الرمرور وعلى طرح اقتراحاتكم

pionec.com
اخوي اسف اذ كان الموضوع مكرر ,,, بس الهدف من هذا الموضوع ان نتناقش ونحاول نشوف المشكله وينها بالضبط علشان نقدر نحلها

[pionec.com]

اخوي انا اعتقد الحل لازم يكون من الشخص اللي يبي الاستضافة في انه يعرف يختار
شركة خدماتها جيدة ولا يبحث عن الرخص

[sarab4u.net]

اممممممممم صحيح كلامك اخوي

ويمكن هذا هو الحل المناسب

بس كيف الحين نغير نظرة الناس للأستضافه العربيه ,,,, الاكثريه ينظرون الى الاستضافه العربيه انها مكان لنصب وسلب الاموال

حنا بدورنا كيف نقدر نغير هذي النظره

[pionec.com]

اعتقد انه لازم نتيح فرصة للزبون لتجربة الاستضافة مدة مثلا شهر قبل الدفع
بس هل نستطيع ان نثق بكل الزبائن ؟؟؟؟ لا اعتقد

[sarab4u.net]

طيب انا عندي اقتراح حلو

ليه ماتكون كل الاستضافات العربيه تخلي امكانية استرداد المبلغ بعد شهر ,,, علشان الزبون اذا ما عجبته الاستضافه يقدر يسترد فلوسه واذا حاول انه يسوي شيء يضعف السيرفر ينسحب منه المساحه والمبلغ يروح عليه

ولا ايش رايك اخوي؟

لأن بعض الاستضافات تسوي هذي الطريقه بس الاغلبيه من الاستضافات العربيه موموجوده عندهم هذي الخدمه

[pionec.com]

والله الفكرة جميلة وانا رح اطبقها باذن الله

[Hosting Gate]

رد مقتبس من sarab4u.net
طيب انا عندي اقتراح حلو

ليه ماتكون كل الاستضافات العربيه تخلي امكانية استرداد المبلغ بعد شهر ,,, علشان الزبون اذا ما عجبته الاستضافه يقدر يسترد فلوسه واذا حاول انه يسوي شيء يضعف السيرفر ينسحب منه المساحه والمبلغ يروح عليه

ولا ايش رايك اخوي؟

لأن بعض الاستضافات تسوي هذي الطريقه بس الاغلبيه من الاستضافات العربيه موموجوده عندهم هذي الخدمه

احنا نقدم 10 ايام مهله لاسترجاع النقود ، لكن المشكله حتى لو كانت شهر.. في ناس تاخذ منك الاستضافه وتستعملها عادي لكن يجيك آخر الشهر ويقولك والله ماعجبتني وعطني فلوسي.. ويروح لغيرك ويعمل نفس الطريقه..

اغلب هالفئه هم من دون الـ 12 سنه .