السلام عليكم ,,
اتصل على احد الاخوه قبل يومين تقريبا ,,
آلو ,, السلام عليكم ,, الاخ ابو يزيد ,, سم معك ابو يزيد ,,
اخوي ودنا نسوي موقع على الانترنت ,, نوع الموقع لو سمحت ,, الموقع اسلامي ,,
طيب ما فيه اشكال ,, حدد المساحه اللي تبي ودق علي عقب ساعه وارد عليك خبر
بعد ساعه ,,
اتصلت عليه انا بنفسي ويشهد الله ما كنت حريص على البيعه اكثر مني حرص على اني اخدم مثل هذا المشروع الخيري اللي يحتاج لموقع ,,
بدات بالسلام ,,
قعدت اتكلم معه على العروض اللي اقدر اوفره له ,,
عطيته العرض التالي //
2 قيقا إستضافه
50 قيقا ترافيك شهري
الخدمات الاخرى مفتوحه العدد
السعر السنوي :: 1000 ريال فقط لاغير ,,
قال شكرا لك وانا ببلغ المدير ,, وبنشوف ,,
قلت زين ,,
اتصلت عليه بعدها بساعه قلت ,, انا رايح اعطيكم الاستضافه لوجه الله بس ابي منكم حق الدومين اللي هو 50 ريال !!
الرجل بدت فرجته الغامره تظهر ,, ويشهد الله اني بدفع 1000 ريال هذي من جيبي لهم ,, وانا اللحين ما اقوله هنا بسوالف عشان اخذ سمعه او شئ ,, لا والله من جد اتكلم ,,
اختفى الرجل يومين ,, اتصلت اشوف وش عندهم ,,!
تتوقعون وش كان عذرهم !!!
قالها لي بكل برود !!
(( والله شوف يا "أخ عمر" حنا شرينا الاستضافه ب 400 ريال وقام يتعذر ,,
انا رديت عليه وقلت ,,, هذي ليست من شيم الرجال )),, ويشهد الله اني غضبت غضب لا يعلمه الا الله
مهو عشان الرجال دفع لغيري لاني انا ما طلب منه شئ ,, لا , لانه عطاني كلمه واخلف فيها !
فما ادري ما رئيكم لو حصل لكم مثل هذا الموقف ,,
الشخص الاخر ,, اعرفه معرفه شخصيه واعرفه كما اعرف مقاس ثوبي !!
انسان راعي نصبات وفقشات قويه جدا جدا ,, (( لا اود ان اذكر عيوبه كي لا اقع في الغيبه ))
اتصل علي يستشيرني ,,
وش رايك اخوي عمر حنا نبي نصمم موقع للمسجد وجاء شخص عرض علينا
(( 120 ميقابايت ,, ب 1000 ريال ))
قلت ممتاز ,, سئلته عن نشاط الموقع .. قال بنرفع عليه محاضرات ومدري ايش ,,
قلت انا ,, المساحه ما تكفي ابدا لهذا الغرض ,, ياريت تتاكد هل هي قيقا او ميجا !
اتصلت عليه بعدها ,,
السلام عليكم ,, مرحبا ,, بدا يظهر لي انه لم يعرفني ,, حسيت انا ان الرجل انكسف ,,!
بدا هو بالحديث ,, قال الرجال يقول انها قيقا !! ))
تخيلو معي ,,
120 قيقابايت ,, ب 1000 ريال !!
هذي سيرفر كامل ومتوسط السعر بيكون 10 الاف ريال سعودي ,,
قلت انا مستعد ادفع ال 1000 ريال هذي كامله واعطيكم الموقع تبرع مني ,,
قام يتلكك ويقول ما راح يعطيك اياها لانها لنا ,, قلت انا اتبرع بالمبلغ كامل قال اسف !!
المصيبه يا اخوان ,, كل هالامور تقع من اناس يشهد الله ولا ازكيهم كلهم اصحاب طاعات وليسوا اصحاب حركات نص كم ,, يعني بالعربي (( ملتزمين ))
لاكن ما يسعني في هذا المقام الا ان اذكر حديث الرسول صلى الله عليه وسلم ,,
(( ويل لرجل يلقي الكلمه ولا يلقي لها بالاً فتهوي به في جهنم سبعين خريفا ,,
ويل لرجل يتكلم ليضحك القوم كذبا ,, ويلقى به في جهنم سبعين خريفا )) " ذكرت الحديث بالمعني "
فعلا يا شباب ,, الله ابتلانا باناس لا يحترمون كلمه الغير ,,
فما رئيكم اخواني بالحاصل !!
يشهد الله لو حصلت من شخص عادي ما تاثرت منه لان موقعه اذا ماجاب لي المصايب ما يجيب لي الخير وان ما جاب لي الذنوب ما يجيب لي حسنات !!
لاكن ما اقول حسبي الله عليكم وجعل الله لا يوفقكم بمواقعكم اللي خذيتوها ,,
وتقبلو التحيه ,, :: اخوكم ابو يزيد :: عمر العتيبي :: خميس مشيط :: حرر في 3/11/1424هـ
al_otaiby14@hotmail.com