احد مرت عليه هالمشكلة مع كاش يو ؟

[يونكس]

السلام عليكم

انا من اعداء كاش يو من اول ما طلعت

لكن واحد من الاخوان اللي يهديه لعب في راسي لين خلاني اشتريها

المهم اشتريتها و طلعت رقم الماستر كارد المهم جربت شركة godaddy لاني باحجز نطاق رحت لهم زفوني رسالة هذي اول شيء

I am sorry but the transaction could not be approved: DECLINED:

Please click here to go back and confirm that your information is correct.

طرحت مشكلتي في منتدى تسجيل بحكم خبرتهم مع Godaddy و الحمدلله لقيت حل لهذي المشكلة و هي اني احط الدولة الاردن تمام

بعدها قلت الحمدلله طلعت لي مشكلة في سيرفر Godaddy و ما قدرت اسجل المهم قلت اجرب اليوم يمكن يتحسن حظي المهم و الله و اجرب و طلعت لي رساله خطيريه يقول لي الكريت كارد حقت المعلومات اللي حاطها غلط و هي نفسها بالضبط حقت كاش يو و جربت اكثر مره اكتبها حرف حرف بشوي عشان تكون نفس المعلومات و حتى تكون نفس الشي لكن للاسف

There was a problem authorizing your credit. Please verify your payment information or use a different card.

Please click here to go back and confirm that your information is correct.

قلت اجرب حبيبتي eNom نفس الشي

قلت مالي الا اجرب شركة ثانيه و هي moniker
برضو زفوني زفه خطيره

This transaction has been declined
Reason: The processing bank has declined your credit card.

Recommended Action: Please contact your credit card company for assistance or try a different credit card to complete your order.

For additional assistance, please contact customer support at 1.800.841.7686 or email support@moniker.com

نفس الشيء الكريدت كارد مرفوضه مع العلم انه تم تعبئتها بمبلغ و قدره 300 دولار فمادري احد مرت عليه نفس المشكلة

و هذا وجهي ان شريت بطاقات السياحية بعد الحين :anger1: :anger2:

و اللي يعرف طريقة ارجع فيها اللي شنحته يكون احسن و اذا ما تعرفون نقول مثل ما يقول ايهاب توفيق ( الله يعوض علينا الله يعوض علينا )

يونكس

[يونكس]

ايه و يوم جيت اغير رقم الماستر قالو لي بوجه وسيع

[arabs-home]

هلا أخوي
الظاهر أخوي انه للحين مانزلو رصيدك الي شحنته في حسابك


اصبر يومين وجرب مرة ثانية



على فكرة أنا ماجربتها مجرد إعتقاد :shy:

[mshs]

لا مشكلة. لقد جربت الأمر سابقا ولم تحدث أي مشكلة.
وآخر مرة جربت مع شركة godaddy وكل شيء تمام.

[مباشر .. Live]

انا ماشي معهم تماااام لي شهوور معاااهم !


كاش يو وقودادي كلهم تمام معي

يونكس يمكن مثل ماقالوا الشباب ,, يحتاج يوم كامل عشان ينزل لحسابك بالماستر كارد ,, يعني تجيهم الظهر يقولون بكرى الظهر ,, تجيهم الليل يقولون بكرى الظهر


الله يعينك

[يونكس]

من جد الله يعين عليهم

و هذا وجهي ان اشتريت مثل كذا :anger2: :anger1: رايق لابوهم انتظر يومين و الا ثلاثه و الا يكون الدومين طار و المثل يقول ( قديمك نديمك لو سبته ما يسبيك ) فالله يخلي لنا البنك الاهلي و يطول لنا بعمره و يا زين بطاقته

[admin-vb]

المشكلة ان لهم اسبوع ارامكس يقولون ماوصلتهم الشحنة من عمان



تلقاه يونكس قفط كل بطاقاتهم ما بقى لنا شي ؟

:anger1:

تستاهل يا يونكس :shy:

[يونكس]

استهال هاه

متى ودك بالباند يجيك الحين و الا بعد شوي ؟

[alkokh]

للأسف ماجربتهم
ولكن الله يرضى على البنك الأهلي إشحن وأمش بلا كاش يو بلاهم
جيت ابي اركب الخدمه بموقعي <<<< يبي يتطور
وراسلتهم ( قلت اتعامل مع العرب افضل) وارسلوا الرد ونسبتهم اللي ياخذونها اغلى من الشركات الاجنبيه

ما هي الرسوم التي تطلبها كاش يو من التاجر (المؤسسة)؟

تبلغ نسبة الرسوم التي تطلبها كاش يو 5% بالإضافة إلى (0.35) دولار ($0.35)، لكل عملية شرائية يقوم بها المستهلك على موقع المؤسسة.

لا وبعد شروط مايرسلون مستحقاتك الا لمن توصل 500$

كيف بإمكاني استلام مستحقاتي من كاش يو؟

يستلم التاجر مستحقاته خلال أول عشرة أيام من كل شهر عن الشهر السابق. حيث يتم إرسال المستحقات بمجرد أن يقوم التاجر بتجميع مبلغ تراكمي يبلغ 500 دولاراً ($500) على الأقل، وإلا يتم تأجيل المستحقات للشهر التالي.

فصرفت فكرة عنهم وقاعد ادور عروض افضل.

والله الحق عليك يونكس المثل يقول (خلك على قردك لايجيك اللي أقرد منه)
مالها بطاقة الأهلي لي قرابة 6 أشهر أستعملها ومافيها الا العافيه

اسف على اللقافه

[WebTeam4U]

كاش يو مجرد تجربة عربية فاشلة إلى حد الآن!!!

بما أنك مستعد لتعبئة الرصيد بقيمة 300 دولار فلماذا تتخذ كاش يو حلا لك؟ أذهب وأفتح حساب بالبنك وخذ بطاقة منه!

هم يطبقوا المثل القائل:

لسنا الأفضل ولكننا الوحيدين :funny:

[يونكس]

alkokh

و انت الصادق في كل حرف قلته لكن قراده


WebTeam4U
اخوي و من قال لك انه ما عندي حساب لكن واحد من الاخوان الله يهديه قال لي تراهم يدعمون PAYPAL و يمديك تشتري منهم ... الخ

محاكيك ما صدق خبر و راح يشتري قلت ممتاز دامهم يدعمونها لكن طلعو ما يدعمون ولا شي

و انت الصادق بالمثل اللي قلته

يونكس

[FAISAL1]

انحش وانا اخوك ... لا يحوشك كاشيو

اول مافتحت هالشركة اشتركت معاهم .. هي تفيدك بس في شغلات بسيطة مثل انك تشتري سكربتات .. تشتري رسائل اس ام اس .. هذي حدها وانتبه تتوهق في حجز دومينات والا شغلات ممكن تستمر لمدة طويلة ... لان مصيرك راح تتركهم .. وراح تعيد تغيير بياناتك وامورك بما يتعلق بالكردت.. هذا اذا ما اعتبرو ان شغلك تحايل لان على حسب علمي لاتوجد اي مصداقية للبنوك الاردنية .. طبعا هناك نقاط سكيورتي لابد من اي بنك يلتزم فيها وللاسف بنوك الاردن ماوصلت لهذه النقاط طبعا هذا بحسب كلام اغلب الشركات الكبرى اللي تتعامل مع بطاقات الائتمان بشكل مباشر

بالاضافة الى المبالغ اللي تاخذها كرسوم تحويل وخدمة .. بالفعل مسخرة

على اية حال نصيحة وانا اخوك طلع لك بطاقة ائتمان خاصة فيك ... واللحين بنك الاهلي يقدم لك بطاقة مميزة ... اشحن واشتري .. ورسم بسيط

خذها مني لاتاكل مناكح مثل ما اكلت


موفق يارب

[يونكس]

هلا و غلا فيصل

انا عندي بطاقة الاهلي و عندي بعد فيزا الامريكي و الاهلي و الرياض ( فيزا فيزا مو مسبقة الدفع )

بس قرادت حظ قال لي واحد خذ كاش يو يمديك تدفع فيها بالpaypal

فرحت تهورت و اشتريت

و لا عادت عليهم من جد هذا وجهي ان شريت بطاقات سوح

يونكس

[mon_syria]

يونكس ا كيد في غلط منك

انت عندك حساب بموقع كاشيو ؟

[FAISAL1]

هلا يونكس

بطاقة الاهلي .. تخدمك كثير وميزتها ان مدفوعة مسبقا .. طبعا بتجنبك شغلة سرق الرقم .. بس عليها خمات ... طبعا فيه اسباب معينة .. ماعلينا

الامريكي قووية واستخدمها بكثرة .. كشف الحساب ينزل في ثواني

امريكان اكسبرس .. مو طبيعية .. كل يوم امسك راسي من قوتها ,, يعني هي اقوى بطاقة ائتمانية عالميا لاكن للاسف الكثير من الشركات مايتعاملون معها لانها ... كبيرة عليهم .. واسعارها جامده في رسوم تحصيل الفلوس .. لانها مصيبة