موقع Gwafi.com في الجرائد والمجلات (مبروك للأخ lebanon) :)

[Accountant]

مبروووووووووووووووووووووووووك

الف الف الف مبروووووووووووك

وان شاء الله عقبال ما نسمعه في القنوات الفضائية مثل برنامج كلك

[fnan4arab]

برنامج كلك موقعه : kelk.ws
-----

بس كنه ما رد علينا شكله كبر راسه

والله الظاهر

[الخبره]

الله يوفقك

[ابومنار]

يستاهل والله الأخ lebanon

بالفعل في موقعه اشياء متميزة وغير تقليدية

بالتوفيق ان شاء الله

[Al7zen]

يستاهل كل خير

موقعه متميز و غير مكرر

واختيار صائب

مع اطيب تحياتي لك

[BitSurFer]

اتذكر العباره المشهوره
من جد وجد
ويستاهل كل خير قوافي

[Angry Coder]

هذا الموقع تقرفني فيه النوافذ المنبثقة ..

زرته مرة واحدة فلم أعاود الدخول إليه ثانية .. إلا اليوم لأنظر إن كان قد حاد عن سياسته الهوجاء في الترويج بواسطة فتح النوافذ المزعجة، وما أن فتحته حتى لذتُ بالفرار...

أتمنى أن يتدارك صاحب الموقع المشكلة ..

[jaralqamr]

رد مقتبس من Fuga
والله يستاهل

كل انسان يحب الخير للآخرين الله يرزقه وهذا واحد من الاناس اللي يحب الخير للآخرين

الف مبروك .. والى الامام دائما

[أمير عبدالله]

وين الريال لحد الان مارد علينا

شكله انتفخ من الفرح

[palnour]

ألف مبروك
الأخ lebanon يستاهل كل خير

[alshargawi]

عالبركة أخي lebanon والله فرحت لك

وتساهل أكثر من كــذا ... وجزاك الله كل خير على أعمالك الطيبه لزوارك

والله الموفق

[بو مبارك]

السلام عليكم

ذاعوا الخبر ولا ماذاعوه

بصراحه يعجز لساني عن وصف شعوري عند قراءة عنوان الموضوع .. وبعد مادخلت الموضوع وقرأته وقريت الردود زاد حماسي وحسيت ان تعبي في الموقع طلع بنتيجه

أخوي fnan4arab اشكرك من كل قلبي على البادره الطيبه والله يبارك فيك ويوفقك .. وصدقني الموضوع هذا فرحني كثير وراح احتفظ فيه في مفضلتي الخاصه لانه مهم بالنسبه لي وأفتخر فيه

اشكر كل من بارك وكل من رد على الموضوع فرداً فرداً واقول لكم جميعاً الله يبارك فيكم والمجهود اللي بذلته في الموقع جميعكم شاركتوني فيه منذ افتتاحه ومستحيل انسى في يوم من الأيام أي حرف قرأته في سوالف وفادني وأي استفسار طرحته ولقيت حله عندكم ..

والشكر بعد الله سبحانه وتعالى موصول لأدارة سوالف لانها هي الاساس وهي اللي جمعتنا جميعاً في هذا الصرح اللذي يستفيد منه الجديد ويفيد فيه الخبير

وبالنسبه لتعليقي على الموضوع صدقوني فرحتي بانتشار الموقع كبيرة جداً لانه اذا انتشر معناه راح يستفيد منه أكبر عدد من المستخدمين والزوار وهذا بحد ذاته اعتبره نجاح ماكنت احلم فيه .. والحمدلله على كل حال

انا بصراحه سبق ووصلتني رساله من شخص عزيز يخبرني بأن الموقع ظهر في موقع مجلة العالم الرقمي اللتي تصدر عن جريدة الجزيره بتاريخ
الأحد 7 ,رمضان 1424 الموافق Sunday 2nd November,2003
http://www.al-jazirah.com.sa/digimag/02112003/co7.htm

وأيضاً في جريدة الوطن القطريه بتاريخ November-11-2003
http://www.al-watan.com/data/2003111...Dinternet1.htm

وكنت ناوي اطرح الموضوع في سوالف لكن راح عن بالي .. وهذا الغالي fnan4arab ماقصر وقام بالواجب الله يوفقه

وبالنسبه لما كتب الأخ bman بخصوص تحديث الموقع ..
صدقوني ماني قادر الحّق على شي وخصوصاً رسائل الزوار اللي يستفسرون ( هذا يسأل كيف اقدر اشغل الملف بعد تنزيله على جهازي ) ( وهذا يسأل كيف اقدر اكتب بالعربي في السويش ) ( وهذا يشتكي انه ماقدر ينزل الملف ) وتقريباً يومياً توصلني أكثر من 10 رسائل استفسارات واسئله وبعض الاسئله تحتاج اني اشرح للشخص وأوضح له وبعض المرات بالصور .. فهذا من الاسباب اللي مانعتني من الاهتمام بالتحديثات الوقت الحالي

لكن انا ادرس الأن وضع برنامج في الموقع يكون تابع لملفات السويش ويكون عبارة عن س/ج اي زائر عنده سؤال يطرحه هناك ويلاقي الأجابه وبنفس الوقت هذي الاجابه تكون مرجع لمن لديه نفس الاستفسار أو السؤال .. وهذا راح يكون من أول الاهتمامات اللي راح ابذل فيها مجهود لان المنتدى ماينفع بسبب اختفاء بعض المواضيع في الصفحات الخلفيه

وبالاخير أكرر شكري للجميع واقول الله يبارك فيكم ولا انحرم من دعمكم وتشجيعكم :shy:

واللي يبي اعلان يستغل الفرصه ( الاعلان بمرات الظهور .. والظهور الواحد بـ 500 ريال ) <--- MSN وانا ماأدري هههههههههههه

بالعكس اللي يدخل موقعي يلاحظ اني متبادل مع كثير من المواقع بالاعلانات وفيها الكبير والصغير والجديد والقديم .. لكن فيه بعض المساحات ليست مجانيه والمبلغ اللي راح احصله من وراها قليل جداً وراح يصرف في نفس الموقع من زيادة في الترافيك وغيره لان الموقع اصبح يستهلك شهرياً أكثر من 40 جيجا ترافك مع ان الخطه اللي عندي الترافيك فيها 35 جيجا لكن المستضيف ماقصر ومعطيني النور الأخضر للوصول الى أكثر من 40 جيجا

وبنفس الوقت فيه مواقع لازالت تطلب التبادل وانا ماعندي اي مانع لكن بسبب كثرة المتبادلين لايوجد اي مكان فارغ لوضع بنرات جديده


واخيراً اتمنى اني ماكثرت من ثرثرتي والسموحه على التاخير بالرد لاني توني ادخل الحين الانترنت .. واللي يلاحظ ان اسمي موجود اون لاين في المنتدى انا مااعمل خروج الا نادراً

ياليت اللي عنده اي معلومات عن ظهور الموقع في مجلات او جرائد يعطيني اسم المجله او الجريده والعدد اللي ظهرت فيه لاني حاب اجمعها عندي أو يرسلها لي اذا كان يملكها على صندوق البريد


وبالنسبه لبرنامج كلك انا حاولت اني ارسل لهم الموقع بكذا طريقه لكن ماعرفت وياليت اللي يعرف أو عنده امكانيه يوقف معاي في الشغله هذي علشان يوصل الموقع لأكبر شريحه من المستخدمين ويستفيدون من الخدمه اللي مقدمه فيه


بارك الله فيكم جميعاً وبالتوفيق
خالد

[athco]

ما شاء الله تبارك الرحمن

الف مبروك اوخي وتستاهل كل خير
فانت مجد وتسعى لتطوير نفسك وادواتك

توقعت للموقع الوصول الى اكثر من ذلك وهانا ارى بدايات النجاح

الف مبروك

athco

[أمير عبدالله]

:anger2: وانا بعد شفت موقعك في إحدى المجلات ليش ما سويت لي شكر

[The Rise]

اعلان في جريده شو يعني