الله يسامحك يا سردال))
| |
الله يسامحك يا سردال
الله يسامح الجميع إن شاء الله... هوميروس شو اللي يخليك تقول لي هذا الكلام
واللي عنده شيء يقدمه فجزاه الله خير، والذي يرى أن الدروس متكررة فليبدأ من حيث انتهى الآخرون....
لا يا عزيزي سردال .. من عادتي اني ما ازعل من اي انسان لسبب بسيط ما عندي في الاصل عداوة مع اي شخص في حياتي اليومية اما بالنسبة لما حصل هنا ممكن ان تطلق عليه معركة فكرية ممكن تتطور في المستقبل الى حرب افكار و جميع انواع الاسلحة سوف تجرب و تستخدم بشكل فعال
علم النفس يا استاذة شادن قال كدة برضه انه التعليم الذاتي يخرج اجيال تبني مستقبل الامم من غير موجهين .. خلاص راح اشوف هذه النظرية مع الدكتورة فائقة بدر او مع الدكتورة زينب العايش او الدكتورة خديجة خوجة و ممكن كمان نسأل الدكتورة بلقيس
لا انتي غلطانة و مش غلطانة بسبب انه الواحد لمن يكون اخذ العلم من استاذ و عمل شي اسمه Update the information من الكتب يكون كلامك في محله بس برضه لازم يرجع لمرجع اعلى منه لتوضيح بعض الامور المستجدة عليه .. و سلامتك من اني اوضعك محل للتريقة يا صاحبة الانامل الرقيقة و اللوحات الرائعة .
------------------
G-Master
مساء الخير ياخوان ويا اخوات
في البداية أنا مع رأي أخونا ابو بدر لأن كلامه جداً منطقي وممتاز وإن شاء الله أننا نسوي هذا المشروع اللي حنا بصدد الكلام فيه ونشئ موقع لنا خاص بالدروس اللي نحب نتعاون في نشرها على الانترنت ،،،
أخوي جي ماستر يأخوي أنت هالمرة بصراحه تعديت الحدود كثير واجد الله يهديك دخلت في مواقع على الانترنت تقدم خدمات حلوة وأخذت تذم فيها بشكل غير مباشر أنا والعياذ بالله من كلمة أنا أستنكرك كلامك عن موقع نورة وعن موقع سحاب للفوتشوب هذي المواقع ياخوي جي ماستر تقدم خدمات ممتاز انت ربما لا تراها شي ولكن غيرك يراها مهمة بالنسبة له ثم الاخوان القائمين على هذي المواقع اللي ذكرتها يشكرون لأنهم يساعدون الهاوين لبرامج الفلاش او الفوتشوب ...
ياخوي جي ماستر الاوروبين واليابانين اهل هذي البرامج واللي يسونها ويخترعوها يضعون لها مواقع على الانترنت من خلالها تفهم كيف طريقة العمل على البرنامج ودروس ايضاانا استنكر هجومك على هذي المواقع كانت غلطة كبيرة تصدر منك لأننا عرفناك إنسان عاقل كبير في كلامك لا تخرج عن طور الادب لمجهودات الاخرين ،،،
وبعدين أثرت نقطة هنا في غير محلها وهي انك تقول لو ذهب احد الى وكالة اعلان او شركة دعاية وعمل واحد درس من كتاب حيكون تصميمة سئي هذا شي طبيعي حنا هنا كلنا نسوي دروس عشان تكون لنا حنا اهل الشركات وغيره هم برا الموضوع مره ،،،
الشغلة ياخوي جي ماستر ماهي فلسفة علينا بصراحه حنا عارفين هذا الشي ثم احب اقول لك شي هنا عشان يكون للأمانة والله العظيم انني اعرف واحد وتعرفه عليه وذهبت انا وواحد صديقي له وهو شاب سعودي يعمل في شركة بن لادن تراي نت ومن اهم مصممين الفلاش وجلسنا معه ممكن ساعة واعجبني الصراحه لكل اعماله وسالت وقلت له انت مشاء الله عليك ماخذ دورة في برنامج الفلاش أو درست في الخارج جرافكس قال ليه لا ولا دخلت دورة له ولا سافرت للخارج للدراسة انا تخرجت من هنا وحتى دراستي بعيدة عن هذي الامور مره
الحكاية كلها انني تعلمت الفلاش وحبيت هذا البرنامج مره وفهمت تمام وبعد ما غلق قلت له مشاء الله تبارك الله واعماله كثيرة وموجودة على الانترنت منها على ما اذكر موقع شاي الربيع حق باعشن وموقع شركة الناغي بيم دبل يو
وبعدين امسك اعصابك الان لأنه احب اقول لك شي انت تعمل على برنامج الثري دي هل شفت تصميم الشعار اللي في مجلة الدفاع السعودي اللي تصدر من الوزارة او لا فيها بعض التصاميم على برنامج الثري دي واللي مسويها واحد اسمه خالد القحطاني واعرف واحد يعرفه وهو من الرياض وصاحبه هذا زميل لي تعرف وش يقول عن خالد اللي يستغل في الوزارة ما معه الثانوية العامة فقط تعلم على البرنامج وبدون حتى انه ياخذ دورة للبرنامج واعماله قوية جدا وعرض له بعض اعماله على الوزارة وتم توضيفة يعني الحكاية ياعزيزي جي ماستر هي ابداع تجد انسان متعلم ودارس وفاهم في البرامج لكن ينقصه الموهبة والابداع
انا حبيت اقول لك هذا الكلام بس عشان تعرف انه فيه بعض الاخوان لو يدرسون هذي البرامج او حتى ياخذون فيها دورات او ماشابة المسالة هي اصرار انه الواحد يتعلم لو حب انه يتعلم على اي برنامج ....
والسلام عليكم ورحمة الله وبركاته
أخوكم
المحارب 13
------------------
warrior_the_13_th@hotmail.com
نواف حبيبي لو اني ما اعرفك حق المعرفة كنت قلت لك كلام ثاني
اول شي اقراء ردي قبل ما تحكم بعاطفتك .. و اظن الشخص اللي في بن لادن اسمه حسن و عارف شغله كويس اما خالد القحطاني ما شفت اعماله ممكن ترسلي نسخة من المجلة ... طبعا انا ما هاجمت الصفحات المذكورة و لكن انتقدت طريقة تفكير البعض بخصوص التعلم بالكتب و صفحات الانترنت و اهمالهم الجانب المهم و الركيزة الاساسية في تلقي العلم ... بالاضافة عندي موضوع راح اطرحه بس منتظر الوقت المناسب .
اعيد و اكرر اقراء ردي مرة ثانية و ببطى شديد جدا .
و سلامي يا ابوحرب .
------------------
G-Master
مساء الخير اخوي جي ماستر أولاً يسعدني أنني أعرفك وبالعلم أنني بصراحه ما أعرف من هو جي ماستر فقط الا اعرفه عنك انه اسمك جاهد أو مجاهد ومرة او مرتبين تكلمنا عن طريق الايسيكيو وبعدها انا خرجت من الايسكيو نهائي وعرفت منك انه اسمك اللي ذكرته،،،
وانت تقول انه تعرفني حق المعرفة ؟ هنا فيه وقفه بسيطة لو سمحت اذا تعرف احد يعرفني فهذا الشي جائز عرفت منهم ومن هو المحارب 13 وش اسمه والى اخره وعرفت منه اشياء كثيرة عني فأنا لا أمانع و اقول لك ممكن لأنه فيه كثير هنا أخوان اعرفهم حق المعرفة وتكلمت معهم وشفتهم ايضا ...
وأذا كنت من الأشخاص اللي يحلمون في نفس الوقت أسماء كثيرة هنا فلا أقول الا لا حول ولا قوة الا بالله العلي العظيم وبالعلم الناس اللي اعرفها هنا عقلياتها كبيرة جدا وبعيدة عن هذا الشي بالمرة ...
وبخصوص اللي يشتغل في ابن لادن فالفعل اتصلت بصاحي واكد لي انه اسمه حسن ابو طالب وهو شاب مره محترم جدا واعماله تدل على انه موهوب وهذي ليست شهادة مني له ولكن انا اقول هنا حقيقة عن هذا الشاب اللي ما شفته الا مره واحد فقط لا غير ...
وبخصوص خالد القحطاني فانت ممكن ياخوي جي ماستر ممكن انك تشتري مجلة الدفاع السعودي وتري اعمال هذا الشاب فيها وهي متوفرة في الاسواق للبيع والحقيقة لا اعلم في اي عدد للمجلة والا كان قلت لك واختصرت المسافة لك فابحث عنها بنفسك ...
اخوي جي ماستر الكلام عن المواقع بصراحه عليه بعض الملاحظات فالله عليك ترضي أنه يكون لك موقع بنفس موقع نورة ولكن ليس متخصص بالفلاش مثلا الثري دي برنامجك المفضل وسويت له موقع قوي جدا وجاي واحد وقال عنه مثلا ( و
نخلي البنشر يصلح الاطارات و يغير الزيت بتوجيهات صفحة نورة و الكفتجي يسوي الكباب و الاوصال بأرشاد مدرسة المرشد ( مع الاعتذار من اخونا المرشد ) هل ترضي انه يقال عن موقعك هذا الكلام وحتى لو شفته وش حيكون ردك عن هذا الكلام اولا انا مالي دخل او اي صله في المواقع اللي اشرت لها ولكن هي كلمة حق اقولها لك انك تماديت في تعبير عن الراي بشكل مره خاطئ اتضح لنا من خلاله مفهومك عن هذي المواقع ،،،
فهل ترضي انه احد يتكلم بهذي الصيغة اللي قلتها عن مواقع انت تمتلكها ولك وفيها خدمات انت قلت ليه العبارة التالية ( اعيد و اكرر اقراء ردي مرة ثانية و ببطى شديد جدا ) وأنا يعلم الله أنه ما كنت ناوي اقول لك هذا الكلام واصعد الموقف ولكن انت اللي جعلتني اقول لك هذا الشي
ياخوي جي ماستر هناك قاعدة عربية تقول الحكمة التالية ( أنا من فمك أدينك ) أنت تجاوزت هذي المرة دخلت في مواضيع ما لها داعي بالمرة
وفي الاخير المسالة انه ياخوي جي ماستر هي ماهي مسالة حكم بعاطفة مثل ما تقول ولكن هي احترام لمجهودات الاخوان في موقع نورة وسحاب وحتى المواقع الاخري الصغيرة جدا
والسلام عليكم ورحمة الله وبركاته
اخوك
المحارب 13
ملاحظة يعلم الله انني ماني متحامل عليك لأنه لو فكرت كذا حتكون أولاً ظلمت نفسك ثم انا او ماخذ منك موقف ولكن احببت انه انا انصحك بشكل صادق حتى لا تقع في امور غير مستحبة بيننا لأننا في الاول والاخير حنا اخوان هنا واخوات وتعامل بالكلمات وياليت تكون هذه الكلمات صورة لنا جميلة في ذاكرة البعض منا
------------------
warrior_the_13_th@hotmail.com
جي ماستر ...لا تحور كلامي على كيفك وتستخدمه سلاح ضدي...
وبعدين انا لمن اتكلمت عن علم النفس والتعليم الذاتي كنت اقصد مرحلة عمرية معينة ...
وعشان اوضح كلامي اكثر..بالنسبة لطرق التعليم فكل مرحلة عمرية تحتاج لطريقة معينة ومختلفة فمثلا..الطفل في مرحلة الطفولة المبكرة يتعلم بالعمل والاعتماد على الحواس ...اما في طفولته المتأخرة فهو يحفظ بطريقة آلية ويعتمد على التلقين ..وفي فترة المراهقة وما بعد ذلك لا يتعلم الا ما يفهمه ويدرك معناه....وطبعا عامل النسيان يلعب دور كبير في العلوم الملقنة لكن العلم الذي يبحث عنه الطالب ويستطلعه بنفسه هو اثبت انواع العلوم ..."وطبعا مصدر ذلك الاول هو الكتاب" وانا مازلت اكرر انه الكتاب لا يغني عن المعلم او الاستاذ ...والا معنى ذلك انه انا ما لي لزمة في عملي ...
وبعدين يا جماعة الخير ...لا تقلبوها زعل..نحن هنا لتبادل الاراء ...والاختلاف في الرأي لا يفسد للود قضية
------------------
شادن
صلوا على النبى
هدوا اللعب.....
حسنى مبارك اجتمع مع بشار الاسد و الملك عبدالله ملك الاردن و ملك المغرب..
لما جا الجرسون قال له حسنى مبارك
هات لى قهوة سادة و كيت كات للشباب
ادرى بايخة بس لكسر الحرارة شوى
بوسة على راس المحارب و بوسة على راس العمدة جى ماستر
المسالة ما تسوى نخسر اى واحد فيكم
هلا اخوي هوميروس تسلم يا غالي ابد اخوي مافي شي ولا حنخصر بعض على هذا الكلام المسالة فقط هو قال رايه في شي وانا قلت راي في كلامه هذا الموضوع وانا واخوي جي ماستر اكبر من اننا ناخذ موقف من بعض بخصوص ارائنا
وبعدين تسلم على النكته الحلوة يا ذوق
والسلام عليكم ورحمة الله وبركاته
اخوكم
المحارب 13
------------------
warrior_the_13_th@hotmail.com
ضوابط المشاركة
