صفحة 1 من 3 123 الأخيرةالأخيرة
النتائج 1 إلى 15 من 42

الموضوع: افرض مثلا مثلا ...............يعنى مثلا............:)

  1. #1
    عضو فعال
    تاريخ التسجيل
    Mar 2000
    المشاركات
    1,395


    افرض مثلا كنت باختبار وكان جنبك واحد شاطر ,وعينك طاحت على ورقته اقصد ورقته طاحت بعينك وشفت سؤال انت جاوبت عليه لكن اجابتك غير اجابته

    وش تسوى ؟؟؟ (واحد سعودى)


    افرض مثلا دقيت على واحد من ربعك التلفون وردت عليك اخت خويك وصارحتك باعجابها وحبها,وانت السالفه كلها ماطرت عليك.

    شو تسوى ؟؟؟؟ (واحد اماراتى)


    افرض مثلا اهديت هديه لشخص عزيز عليك وبعد فتره لقيت نفس الهديه عند شخص بينك وبينه مشاكل وعداوه.

    شنو تسوى؟؟؟؟ (واحد كويتى)


    افرض مثلا انك كنت مغترب عن اهلك فترة ترم دراسى ورجعت لاهلك ولقيتهم خاطبين لك ومحددين موعد الزواج وانت اخر من يعلم وكانوا حابين يسوونها لك مفاجأه وانت ماودك بالبنت هذى.

    شو بتعمل ؟؟؟؟ (واحد سورى)


    افرض مثلا كنت جالس بالكلاس وسرحان ولا انت مع شرح الدكتور,وفجأه يجيك كوع من اللى جنبك بالكرسى ويقولك الدكتور يكلمك,وتلقا الدكتور يقولك:Answer the question وانت ماتدرى شنو السؤال.

    ماذا تفعل؟؟؟ (واحد يدرس لغه عربيه)


    افرض مثلا كنت تذاكر ماده لمده اسبوع كامل وكان روميتك(زميلك بالغرفه)عنده نفس الماده وماذاكرها ,وجيت انت وشرحت له الماده قبل الاختبار بيوم,ويوم تطلع النتايج تلقا درجات روميتك اعلا من درجاتك.

    ماذا تسوى؟؟؟؟ (واحد بدوى يحسب نفسه متعلم)




    ------------------
    لاتطرد المقفى ولاتعتنى فيه**اصبر فلابد الليالى تجيبه






    ROMANCY25 غير متواجد حالياً


  2. #2
    عضو فعال جدا
    تاريخ التسجيل
    Mar 2000
    المشاركات
    2,183


    بصلح الخطأ طبعا..

    بنصحها في البدايه واذا مافهمت بقولها عن اللقافه وبسكر على ويهه التلفون..

    بطنش..

    بعتذر من الناس..ونلغي الخطوبه..

    بقوله can you repead the question plzzz

    بفرحله..

    ------------------
    أعتذار..ودمعك..والندم ماكفاك؟؟ أجرحوني..ولكن..انتهينا خلاص..







    بنت_البحر غير متواجد حالياً

  3. #3
    عضو فعال
    تاريخ التسجيل
    Mar 2000
    المشاركات
    1,328


    الأسألة حلوة و ظحكت وانا اقراها ولا اريد اخربها بأجابة..

    ------------------
    اتمنى ان ابقى في ذاكرة كل من احب .. شمعة لا تنطفىء....







    i7ssas غير متواجد حالياً

  4. #4
    عضو فعال
    تاريخ التسجيل
    Mar 2000
    المشاركات
    1,395


    اختى بنت البحر
    لايكون تغشين بالاختبارات

    وبعدين ردودج ترى واجد صعبه
    بالنسبه للاعتذار صعب لانى باحرج اهلى وبحرج اهل البنت
    بالنسبه للدكتور اكيد بيقول : are u with me mr flan
    بالنسبه للبنت احترامى لخويى يمنعنى انى اخذ واعطى معاها فشلون تبينى انصحها تدرين شنو سويت والله ماتصدقين
    مانى قايلك
    بالنسبه لروميتى والله فرحتله بس انقهرت

    اختى احساس
    صدقينى اجاباتك بتزيد موضوعى حلاوه







    ROMANCY25 غير متواجد حالياً

  5. #5
    عضو فعال جدا
    تاريخ التسجيل
    Mar 2000
    المشاركات
    2,183


    احم احم يعني مافيها شي لو اصلح الخطأ انت شو بتسوي بتستمر في الخطأ
    بس تعرف ان هالمواقف وايد استوت وياي وكل مره عيني بالصدفه على ورقة البنت واشوف ايجابتي غيراقول لا هي الخطأ مو انا واخر شي يطلع انا الخطأ فاقلت ثاني مره بصلح الخطأ خلاص اونه خذيت الموعضه في الامتحان الثاني نفس الموقف استوالي
    بس غيرت الاجابه وطلع أخر شي ان اجابتي كانت صح وانا نقلت منها الاجابه الخطأ ..يعني انا وين ارميها ماتصيب..
    لا مافي اي احراج لان هذا زواج مو لعبه انا اضيع
    حياتي بس لاني استحي اعتذر..
    اذا انا مكانك كنت بسوي هالكلام وماعليه من ربيعتي
    لان ربيعتي بتعرف ان معايه حق...صدقني عادي ليش اوهم البنت
    لازم اوقفها من البدايه وله السالفه بتكبر وبعدين انت بتكون
    مخلص لربيعك لان هو عطاك الرقمه مو علشان تكلم اخواته هذا شي بعد
    يمكن انت نسيته..ففرض اختك مكانها منو بتحط اللوم عليه اكثر شي اختك وله ربيعك ألي فتحالها المجال..رومانسي مافي والله انا ماأقدر انت تقدر بس ماتريد..
    عن الاستاذ مابيقولي هالكلام وانا عارفه لان نحن في كليه مو في مدرسه علشان
    يرد عليه شذي..
    هاي معاك حق فيها لان هذا شعور طبيعي اي حد يحس فيه مكانك..

    ارجو اني ما غلست الجو ..

    ------------------
    أعتذار..ودمعك..والندم ماكفاك؟؟ أجرحوني..ولكن..انتهينا خلاص..







    بنت_البحر غير متواجد حالياً

  6. #6
    عضو فعال جدا
    تاريخ التسجيل
    Dec 1999
    المشاركات
    3,841



    خلوني اجاوب...

    شو بعد ... براجع السؤال .. اذا شفت حله منطقي.. بغيره... يعني اصيح على ليلاي بعد الامتحان؟؟؟

    هممم ... اعطيها رقم الدكان .. على انه رقمي... و هو يتصرف معاها...

    الهدية وصلتلي.. انا مالي خص في غيري...

    اتزووووووووووووووووووووجها على طوووول..... لا لحظة انت قلت مايبييها ...
    اهدد اهلي باني بشرب ديتول...


    بقول حق الدكتور.... ماعرف

    عن سالفة الامتحان والمذاكرة... هذا شي عادي...
    بس القهر انك لما تمتحن ... و تغشش من واحد غبي.. و الغبي تكون علامته اعلى منك ... هني القهر...

    ------------------
    الصلاة الصلاة

    ســــــــبـــــــــحـــــــــــان مـــــــــغــــــــيــــــــــــــر
    الاحــــــــــــوال






    المرشد غير متواجد حالياً

  7. #7
    عضو نشيط جدا
    تاريخ التسجيل
    Mar 2000
    المشاركات
    301


    أفرض مثلا ان واحد في سوالف صايره عليه طلعات حلوه وانت مانت قادر اتجاريه
    what would you do? بالانجليزي
    *اما الامتحان والله يعني وبصراحه ومن غير لف ودوران بسوي سوات المرشد باعيد النظر في الاجابه،يعني اعادة نظر مو غش طبعا انت فاهمني
    *اما هذيك الرقله اللي دشت دغرى اعجاب وحبه،والله بصراحه بلشه بس موقفك يجبرك انك تنصحها نصيحه جدا جدا مختصره وبالصميم ،والشي الثاني ماعاد اتدق على خويك بالبيت خير شر.
    *اما البنت اللي اخطبوها اهلك توكل على الله وتزوجها والله منت رومانسي ناوي تعلقها وتروح ،لكن اذا كلش كلش مالك نفس عليها خذبنصيحة بنت البحر.
    *اما اخر سالفتين وكل الله يا كثر ما صارت وبتصير وسع خاطرك وtake it easy.
    تحيات:وليد

    ------------------






    أريج غير متواجد حالياً

  8. #8
    عضو فعال
    تاريخ التسجيل
    Mar 2000
    المشاركات
    1,395


    اختى بنت البحر

    لاتفهمينى غلط بموضوع اخت خويي والله سويت شى ماراح تتوقعينه
    وبعدين شنو هالحظ اللى عليج

    روحى لمطوع يقرا عليج


    اخوى المرشد
    والله وانا اقرها ردودك ماسك بطنى من الضحك

    سالفة الديتول

    ردودك غير شكل



    اختى اريج

    تدرين والله منحرج من سالفة وليد
    ياكلمه ردى محلك


    بس لاحظت ان عيونكم دايما على اوراق جيرانكم

    مااقول غشاشين

    لكن الاوراق تبلاكم بشرها

    صح





    ------------------
    لاتطرد المقفى ولاتعتنى فيه**اصبر فلابد الليالى تجيبه






    ROMANCY25 غير متواجد حالياً

  9. #9
    عضو نشيط
    تاريخ التسجيل
    Feb 2000
    المشاركات
    48


    سوال لك يا رومانسي انت من البترول؟؟؟؟؟





    C.D. غير متواجد حالياً

  10. #10
    عضو سوبر نشيط
    تاريخ التسجيل
    Apr 2000
    المشاركات
    837


    مليت ما فيه مواضيع ..
    عجبني الموضوع قلت أطلعه من قبره ..
    1- إذا كنت واثقة من إجاباتي .. ما أغيرها يمكن ما ذاكرزين
    اللي يمي .. وإذا مو واثقة أسوي الحركة المعروفة دائماً وأبداً أحط حرف
    عطف ( واو ) وأكمل وهيه تختار ..
    2- أقفل في وجهها السماعة لأنها لا تخجل ولا تعرف الحياء ..
    3- أحمل أخاك على سبعين محمل خير .. يمكن شبها ؟؟
    4- مل شيء بالخناء إلا الجواز يالأتفاء
    5- عشان (( تكسر )) علاماتي .. و (( يفتح )) لسان الدكتور و (( أسكن في مكاني )) و (( أضم )) شفتي لبعض .. و أنظر إلى(( جمع المؤنث السالم )) ,, عسى أن ينقذني منهم أحد .. وأخيراً أهتف له .. أنا طالبة لغة عربية مو إنجليزية .. وعلى قولهم ( ثقافة أبوي عربي ).
    6- ولا شيء .. لأن هذا ما يصير !






    عادي غير متواجد حالياً

  11. #11
    عضو فعال جدا
    تاريخ التسجيل
    Jan 2000
    المشاركات
    2,799





    1/ بكمل حل الأسئله .... براجع الورقه على الطاير بس بركز شويه على السؤال إذا مسويه كل الستبس ... خلااااص .. بسلم الورقه و بطلع من الإمتحان

    2/ بطلب الشخص إلي أريده مره ثانيه.... و إذا ماشي فايده بسكر على ويهه

    3/عااااادي .. ما بسوي شي .. حلال عليه

    4/ هم أهلي على عيني و راسي بس هذا مستقبلي .. بفهمهم هالشي .. مابتسرع
    بطلب تأجيل الزواج .. بفكر بالوضع على روائه

    5/ ببتسم ..ببين له إني واثقه من نفسي ..و بقوله sorry sir can u repeat the question

    6/ ببارك له بس مش من الخاطر و بقوله شوها ؟؟ ما يوز أنا درست أكثر
    و بسب نفسي على غبائي و بحسده على ذكائه و بقوله مره ثانيه إنت درسني







    LoOoOoL غير متواجد حالياً

  12. #12
    عضو فعال
    تاريخ التسجيل
    Apr 2000
    المشاركات
    1,362


    رومانسي هلا نسيت تكتب افرض مثلأ ان موضوعك حلو والكل راح يشارك فيه

    شتسوي؟؟ ( واحد بحريني )

    بخصوص الاجابه ماراح اغير ولا شي لاني مذاكر زين ومتأكد من اجابتي


    بخصوص البنت راح اسمع منها وفي نفس الوقت راح انصحها وانهي الموضوع
    حار بحار


    اما الهديه فعادي الناس اذواق والسوق مو لي بروحي


    بخصوص الزواج راح احتج احتجاج مريع يبا هذا زواج مو اكل ترمس
    يعني راح احاول انهي الموضوع بطريقه ماتجرح البنت ولاتأثر عليها

    بخصوص الدكتور راح اختلق عذر فوري يعني راح اقول sorry sir i'm not with you عندي صداع خفيف


    بخصوص زميلي صارت معاي والله واكون كذاب لو قلت اني ماانقهرت بس اراجع
    مع الدكتور يجوز في خطأ




    ------------------
    والله شرايكم





    bahraini غير متواجد حالياً

  13. #13
    عضو سوبر نشيط
    تاريخ التسجيل
    Jan 2000
    المشاركات
    861




    على حسب البنت .... يمكن شاطره ويمكن مب شاطره .... أروح أغش منها وتطلعلي وحده ما تفهم شيء وأدبس فيها انا في الأخر ... وبعدين ليش أغش منها وأنا واثقه من إيجابتي ....


    بقولها وين أبوج ...أبا أكلمه في موضوع شوي ....وبعدين بتخاف وبتسكر التيلفون بس مب على وجهي ...

    هديه من هديه تودي صاحبها الجنه .......


    أكيـــــــــد برفض ....هذي حياتي ومستقبلي مب لعبه

    بقوله أسف أستاذ ممكن تعيد السؤال مافهمت .....

    هذا بيطلع غباء مني ..... وبباركله ...وما بدرس مره ثانيه ...








    ------------------

    لئن عظمت فيك المراثي
    وذكرها....
    لقد عظمت من قبل فيك
    المدائح....
    وهذه الدار لا تبقى على
    أحد....
    ولا يدوم على حال لها
    شـــان ....






    mouzan غير متواجد حالياً

  14. #14
    عضو نشيط جدا
    تاريخ التسجيل
    Apr 2000
    المشاركات
    315




    مرحبا

    هاهاهاها
    يجب ان اكون واقعيه
    وحازمه
    وشي من الرومانسيه

    لكن افرض مثلا مثلا مثلا في يوم حبيت

    قصدي افرض مثلا
    ذاكرت مادة ليلة الامتحان وسهرت عليها ثلاث ليالي
    الاربعا والخميس والجمعه
    ويجي يوم الامتحان وتشوف زملائك معاهم ماده ثانيه
    يراجعونها00
    وش بتسوي؟؟؟؟؟؟

    افرض مثلا مثلا مثلا
    المدرس اعطاك ورقة الامتحان ناقصه ورقه من ثلاث اوراق
    وما دريت الا بعد ما طلعت من الامتحان؟؟

    افرض مثلا
    عمك بيسافر الاجازه لهوليود وتارك اولاده الصغار
    عندك ويوصيك عليهم الين يرجع من السفر
    الاستجمام000وخاصه انك ما ترد لعمك اي طلب وغالي عليك ويمون عليك؟
    افرض مثلا
    خلاص تعبت




    ------------------
    مرحباكثرماهل وبل المطر
    ياشوق ياموق يابعدالنظر





    جمانه_وبس غير متواجد حالياً

  15. #15
    عضو سوبر نشيط
    تاريخ التسجيل
    Apr 2000
    المشاركات
    837


    وينك رومانسي؟؟





    عادي غير متواجد حالياً





ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أضف موقعك هنا| اخبار السيارات | حراج | شقق للايجار في الكويت | بيوت للبيع في الكويت | دليل الكويت العقاري | مقروء | شركة كشف تسربات المياه | شركة عزل اسطح بالرياض | عزل فوم بالرياض| عزل اسطح بالرياض | كشف تسربات المياة بالرياض | شركة عزل اسطح بالرياض