كيف يتم ربط السيرفر بالدومين نيم؟

[THE X FILES]

السلام عليكم و رحمه الله و بركاته
انا عندى جهاز و عملته سيرفر و السرعه عندى عاليه جدا و حجزت دومين نيم عشان يبقى موقع عادى
لكن المشكله ازاى بيحصل الربط بين السيرفر و الدومين نيم؟؟
ياريت حد يفيدنا فى الموضوع ده و جزاه الله خيرا

وازاي ممكن اربط السيرفر بالكمبيوتر نيم او الأيبي على اساس ان يمككني عمل موقع داخل كافيه او شركه عن طريق نت وورك
local network

ولكم جزيل الشكر

[MOF NET]

فيه مواقع كتير بتديلك خدمه free DNS لو دخت جوجل وعملت سيرش
هتلاقي كتير ، انا جربت اسجل مع موقع سهل جدا ومش معقد
على الرابط
http://www.zoneedit.com
وهتلاقي معلومات أكتر عن الخدمه دي المجانيه على الرابط
http://www.zoneedit.com/doc/dynamic.html?
بعد ماتسجل بايميل صحيح طبعا هتوصلك رساله فيها
اسم المستخدم وكلمة المرور .
ادخل على لوحة التحكم هتلاقي مجانا ليك 5 زون ZONE
يعني 5 مرات تستعمل فيهم الخدمه .
أنا جربت وضفت دومين ليا ملكي .
اداني البيانات التاليه :

Nameserver 1: ns14.zoneedit.com (209.126.159.80)
Nameserver 2: ns15.zoneedit.com (69.10.134.195) 

وطبعا دي معلومات النيم سيرفر اللي هتحطها في لوحة التحكم
الخاصه بالدومين اللي انت مشتريه قبل كده .
دي معلومات كده بسرعه ، عموما ادخل بنفسك وجرب
انا اصلي مكملتش لسبب اني ديل اب ، يعني ال IP متغير
مع كل دخول على النت .
فيه برامج بتثبت الاي بي بس بصراحه انا دلوقت بدلك على
الطريق بسرعه وانت كمل وانا معاك
بس الموضوع اكيد سهل لو اي بي ثابت زيك .
عموما جرب وهتعرف النتيجه بعد 24 ساعه لما الدومين
يتفعل مع النيم سيرفر اللي هتاخده من الموقع السابق .
جرب وياريت ترد عليا .
تحياتي ليك .
MOFY

[MOF NET]

افتكرت صحيح
البرنامج الكبير العملاق dynsite كان مشروح
من زمان في بوابه العرب .
استناني شويه وانا اجيبلك قراره
MOFY