النتائج 1 إلى 13 من 13

الموضوع: ولأول مره نفضت اغبرت هالقصيده..

  1. #1
    عضو نشيط جدا
    تاريخ التسجيل
    Mar 2000
    المشاركات
    301


    هذي القصيده كتبتها وخبيتها بين اروراقي سنين لين غبرت ما قريتها مخلوق..لكن حرام ماتنسمع هالابيات!!

    جيتك بلا موعد ولا للموعد اسباب@@لابيننا صحبه ولا شي نحكي به
    جيتك سحاب أرويك بقطرة سراب@@جيتك حكايه تحرق القلب وتذيبه
    جيت الربوع اطوي مسافات العذاب@@جيت أبوصلي أرحامن قريبه
    جيت ابوصلها ديار أحباب واقراب@@واحيان يكون الوصل اكبر مصيبه
    ذبحتني والحق تذبح لي اعراب@@والضيف له حقن لياصرت تدري به
    وان كنت ماتدري بسر العذاب@@ان كنت ماتدري ياكبر المصيبه
    ليه انثر العبرات من خلف النقاب@@ان كنت ماتسمع بكا القلب ونحيبه
    وان كنت ماتقرى الحزن وسط الاهداب @@ظلمت حظي والظلايم صعيبه
    قالوا لي صمتي من ذهب واثره تراب@@ينهل على قلبن تزايد نحيبه
    لووه تجمد في الشتا عاري الثياب@@لو يحترق بالقيظ محدن دري به
    توي شباب ومفرق الراس قد شاب@@من المخاوف والظنون الرهيبه
    ......
    فماتعاهدني على شد الاطناب@@واعيش في قربك كريمه مهيبه
    ولاتوكل عادنا احباب واقراب@@لابينناصحبه ولاشي انحكي به
    وسلامتكم





    أريج غير متواجد حالياً


  2. #2
    عضو نشيط جدا
    تاريخ التسجيل
    Mar 2000
    المشاركات
    339


    السلام عليكم , جميل الكلام الي في القصيده وله معاني كبيره ويحتاج الواحد ان يقرها عدة مرات لان فيها معاني حلوه وانا اتكلم بجد مش لشي معين وقصيده أكثر من رائعه مشكوره





    ظبياني غير متواجد حالياً

  3. #3
    عضو فعال جدا
    تاريخ التسجيل
    Apr 2000
    المشاركات
    2,473


    فعلا قصيده اكثر من رائعه ....

    الى الامام واصلي ....

    نريد المزيد من هالكلمات الرائعه والرقيقه...

    ------------------
    احبك لو تحب غيري..وتنساني وتبقى بعيد
    عشان قلبي بيتمنى..يشوفك كل لحظه سعيد






    سلطان نجد غير متواجد حالياً

  4. #4
    عضو فعال
    تاريخ التسجيل
    Mar 2000
    المشاركات
    1,395


    الغالى وليد

    حلوه القصيده واعجبتنى واجد

    حبيت ارد عليها


    يامرحبا باللى لها القلب مرقاب ‌‌‌‌‌‌** مره تصون القلب ومره تغدى به
    يامرحبا بك عد ماسالت شعـــاب ** من أقصى شمال العز لأقصى جنوبه
    أرسلتلك مرسول حاير ومرتـــاب ** وصرت أرتجي منك شى أقتدى بــه
    ياخايفه من فضح دمع الاهـــداب ** أكبر شرف دمع الحبيب لحبيبــــه
    إنتى بينتى بيننا حدود وأبــواب ** بعض الحواجز بين الاحباب عيبــه
    هذا وأنا مثلك مفرقى شـــــاب ** وشلون ماشفتى جروحن عطيبــــه
    إنتى غديتى بدنيتى كل الاحبــــاب ** دايم أردد إسمك ودايم أجيبــــه
    وياما سهرت بليلتن بها القمر غاب ** أرجى من الله بوصل القريبــــه

    وفيه بيتين مانى قايلهن
    بكيفى

    بس اكرر لالحين زعلان منك ولييييييييييد



    ------------------
    أحب الصدق وأعمل به كسبته وكنت أنا الخسران ** ولو صدقي يخسرنى تشرفني خساراتي





    ROMANCY25 غير متواجد حالياً

  5. #5
    عضو فعال جدا
    تاريخ التسجيل
    Jan 2000
    المشاركات
    2,799




    أريج ...إسم بنت ولا ولد ؟؟

    وليد ؟؟؟







    LoOoOoL غير متواجد حالياً

  6. #6
    عضو نشيط جدا
    تاريخ التسجيل
    Apr 2000
    المشاركات
    315




    قوه


    كلمات كلها روعه وجمال
    صحيح يخونها الوزن
    ولكن معانيها جميله ورائعه


    بس حيرتونا

    منهو وليد؟؟؟؟

    اريج والا وليد قال الابيات ؟؟؟؟؟

    ------------------
    مرحباكثرماهل وبل المطر
    ياشوق ياموق يابعدالنظر





    جمانه_وبس غير متواجد حالياً

  7. #7
    عضو نشيط جدا
    تاريخ التسجيل
    Mar 2000
    المشاركات
    301


    ظبياني..
    حلت دنياك واخرتك ..والله انك رفعت معنوياتي وجبرت بخاطري الله يجبر بخاطرك

    سلطان نجد..
    تامر من عيوني الاثنتين..مثلك تلبى مطاليبه..

    لووول..
    والله أريج بنت ..ووليد هذا الباس وورد بيني وبين رومانسي
    جمانه..
    يا هلا فيك ورايك على العين والراس..

    رومانسي25..
    اولا:رضاك عندنا بالدنيا واللي فيها..افا عليك ..انت بس قوللي وش مزعلك

    ثانيا:صدمتني بردك على القصيده بصراحه ماتوقعته..بس حلو حلو واسعدني بشكل
    وله معاني كنت فعلاابي اسمعهاوانت فاهمني طبعا
    بس تكفى وش البيتين اللي ما قلتهم..ولا يعني وحده بوحده والبادي اظلم
    اخوك:وليد







    أريج غير متواجد حالياً

  8. #8


    اريج

    رائعه جدا كلماتك ومؤثره والله ..

    ------------------
    ابجمع اوراق السنين***وودعك

    دام الفراق اللي تبين***الله معك







    مجموعة انسان غير متواجد حالياً

  9. #9
    عضو نشيط جدا
    تاريخ التسجيل
    Apr 2000
    المشاركات
    396


    سلااااااااامي
    قصيده اقل مايقال عنها جميله....تشع منها معاني قويه تحكي عن صدق احساس ..عتاب ..شوق.. الم ..مكونات اي قصيده رائعه

    ------------------
    --= كنت الدفا صار الشتى منك ادفى==وكنت الوفا ولاذ الوفا منك بهجوع
    كنت الامان اللي به الخوف يطفى==واليوم حرف اسمك يسبب لي الروع=--





    بدر غير متواجد حالياً

  10. #10


    انا رايح المستودع
    ذكرتيني !

    ،،،،،،،،، اوه على فكره القصيده حلوه
    تسلمين ,,,,

    [b]<small><small>[ تم تعديل الموضوع بواسطة &nbsp; قوس الحب &nbsp; يوم &nbsp; 18-06-2000]





    قوس الحب غير متواجد حالياً

  11. #11
    عضو سوبر نشيط
    تاريخ التسجيل
    Apr 2000
    المشاركات
    837


    القصيدة حلوه ..
    رومانسي .. قولي كم عضو تعرف هنا؟؟





    عادي غير متواجد حالياً

  12. #12
    عضو فعال
    تاريخ التسجيل
    Mar 2000
    المشاركات
    1,395


    العزيزه اريج
    كنت دائما كثيرة الغياب لفترات زمنيه طويله ولم اعرف سببا لذلك
    خفت ان اضع نفسى فى موقف محرج اذا سألت

    على العموم الف حمدالله على سلامتك وماتشوفين شر
    وفعلا عودتك أفرحتنى كثيرا وكنت أسعد عضو بعودتك
    بالنسبه للبيتين ماقدر اقولهم
    وخليها وحده بوحده احسن



    ------------------
    أحب الصدق وأعمل به كسبته وكنت أنا الخسران ** ولو صدقي يخسرنى تشرفني خساراتي





    ROMANCY25 غير متواجد حالياً

  13. #13
    عضو فعال
    تاريخ التسجيل
    Mar 2000
    المشاركات
    1,395


    هلا اختى عادى

    بالنسبه للاعضاء أعرف الكثير منهم ولاتنسى بأنك أحد الاعضاء الذين أتشرف بمعرفتهم

    لك تحياتى الاخويه


    ------------------
    أحب الصدق وأعمل به كسبته وكنت أنا الخسران ** ولو صدقي يخسرنى تشرفني خساراتي





    ROMANCY25 غير متواجد حالياً





ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أضف موقعك هنا| اخبار السيارات | حراج | شقق للايجار في الكويت | بيوت للبيع في الكويت | دليل الكويت العقاري | مقروء | شركة كشف تسربات المياه | شركة عزل اسطح بالرياض | عزل فوم بالرياض| عزل اسطح بالرياض | كشف تسربات المياة بالرياض | شركة عزل اسطح بالرياض