يقول منتداي كل يوم مسروق اسم عضو ؟؟؟

[الدربيل]

الحقيقه ياخوان وبعد السلام


اقول

الله ملاعلم لنا الا ماعلمتنا انك انت العليم الحكيم


احرجني احد الاخوان بهذا السؤال

--------------------------------------------

افزع ياخوك عندي عضو كل يوم داخل باسم عضو اخر ولي الان شهر كل يوم اوقف واحد من كلامه البذيء
-------------------------------------------


الحقيقه ياخوان عيب على الرجال اذا صار مايعرف الحل يتفلسف

ولاكنت متوقع ان كلامه حقيقي لين اطلعت عليه بعيني

ولااقدر افتي بشي مامر علي

والاخ حاول يسجل ولاقدر

فارجو من الاخوان اللي مرت عليهم المشكله يخبروني بالحل اوصله له

لاني انحرجت منه

او رجائي من الاداره فتح باب التسجيل

علما ان منتدى الاخ اصدار vb229 او اذا مني واهم 230

تحياتي لكم


اخوكم الدربيل




ملاحظه

نصحته بتشفير الارقام السريه مخافة ان احد لاطش الكوكيز الخاص بالاعضاء والرجال رفض بسبب ان بعض الاعضاء بريداتهم وهميه ولايقدرون يرجعون الباسوورد الا عقب تعب





اتمنى من الاخوان الفزعه

[Jobran]

يمكن الاي بي متشابه زي اي بيات ارامكو يواجهون مشكله انه يدخل ويرد ويتفاجأ انه رد باسم عضو اخر لانه برضه اشتراك ارامكو والاي بي متشابه

[Ft@ @l7j@z]

يحظر الاي بي حق هالعضو!

وقابلني لو قدر يكتب حرف واحد او يسجل او يسوي اي شي بالمنتدى!

سلام

[شبكة عبير الشوق]

اخوي Ft@ @l7j@z ..

اعرف انه اذا سويت هذي الحركة ممكن تحرم بقيت المشتركين الي بنفس الشركه الي عنده اشتراك فيها من المشاركه

[faisal2002]

الحقيقه ياخوان عيب على الرجال اذا صار مايعرف الحل يتفلسف

هذا الكلام

[Mr. Zak]

يحظر الاي بي حق هالعضو!

وقابلني لو قدر يكتب حرف واحد او يسجل او يسوي اي شي بالمنتدى!

سيظل بامكانه الدخول
ولن يمنعه تماما.. ومن نفس الجهاز ونفس الاشتراك...

[Ft@ @l7j@z]

Mr. Zak

في السعودية فقط!

[رهين]

حصلت معي امس مصيبة أكبر من الكلام البذيء


سرق اسم مراقب وتم حذف اربع اربع اقسام
حذف المواضيع الي داخلها كلللللللها مابقى ولا حرف


عملت له باند على الايبي من اصله وهو برضو تبع ارامكو ، لكن المراقب ماكان تابع لارامكو



ايش المشكلة ياجماعة هل فيه حل؟

مع العلم منتداي ib


مشكورين.

[jawad-x]

اخوي الدربيل انا أعتقد انة حاط ملف تجسس

للأعضاء والأعضاء يحملون وأي عضو حملة يقدر يحصل

على باسوردة ويدخل منة

لان حصلت مع كثير من الأشخاص

انا مرة بالغلط وضعت برنامج خاص للتجسس

مع شرحة في احد المنتديات وللأسف نسيت اني أغير

بيانات الباتش كانت بياناتي موجودة

وتصدق ان اكثر من 200 شخص حمل الباتش لاني

لي اسبوع ماخشيت النت لما خشيت حصلت بريدي

مليان ونبهتهم ووصيتهم انهم يغيرون باسورداتهم احتياط علشان

ماحد يتهمني يعني وش اقولك حتى برامج الحماية

مالها فايدة اذا ماكانت محدثة

تحياتي

[الدربيل]

اشكركم اخواني جميعا على التفاعل واعتذر عن التاخير لاني والله اليومين ذي مع تغيرات الجو مش ولابد

اخواني الايبيات طبعا معروف صعب الحظر بها لان الايبي متجدده دوم

والبريد لو حظر بيغيره

والمصيبه حسب ماوصلني اخيرا من الاخ

ان الرجال يتحداه

يعني والعياذ بالله شغل واحد نجس

واللي زاد استغرابي من الاخ

انه يقول ماقدر يدخل باسم مشرف او مراقب ؟؟؟


والادهى من ذلك انه دخل باسماء ناس لهم اكثر من سنه عن المنتدى مادخلوه




على العموم اشكر لكم تفاعلكم


اخوكم ابو عمر

[العضيلة]

قفل التقويم اذا كان مفتوح

[شبكه مرهف]

رد مقتبس من العضيلة
قفل التقويم اذا كان مفتوح

يا ابو عمر قفل الكلندر وخله يقابلني اذا دخل

وللتاكيد اكثر سوي حمايه على admin and mod