سوالف ... ................تأثر عليك ؟

[LoOoOoL]

سؤالي واضح

هل تأثر عليك سوالف ؟

يعني تأثر على وقتك ؟
علاقاتك مع الأهل و الأصدقاء؟
مزاجك ؟

إلى أي مدى وصل تأثير سوالف عليك؟

[LoOoOoL]

.


[b]<small><small>[ تم تعديل الموضوع بواسطة &nbsp; LoOoOoL &nbsp; يوم &nbsp; 27-07-2000]

[قوس الحب]

نعم فقد اعادت لي اعز انسانه على قلبي
وهي بمثابة الروح
فكيف لا اتأثر بسوالف ؟

[فروله]

هممم.. صراحه بالنسبه لي تأثرت وايد..صح ماخذ مني وقت..بس استفدت
أشياء وايد..ماشاء الله عليكم..إنتوا تزودونا بالمعلومات 1لمفيده.

[كوكو]

والله يا لووول سؤال ماعرفت أجاوبه
؟؟
بس مادري
انا بصراحه ما أدش النت عشان سوالف بس إذا انا قاعد على النت اكثر من عشر دقايق غصب علي ادش هني
؟؟
تعودت
وأنشالله في آخر شهر ثمانيه راح اودعكم راح ادش كليه عسكريه اهي كليه علي الصباح والله يوفقني وأرد وأصير ضابط سوالف
تصدقون مادري شلون بترك النت بالكليه

يمكن بستأذنهم ادخل الجهاز معاي
والله قوي ادخل الجهاز معاي


------------------
مدام النفس من داخل مذبوح الأمل فيها
واعز الناس مو سائل عن دمعات اداريها

[المرشد]

والله من ناحية الفايدة استفدت وايد..
التعامل مع الناس و غير هذا... استفدت ...صداقات كثيرة حلوة اعتز فيها..

مواضيع حلوة...
قوة ترابط الاعضاء مع بعضهم...


والله انا توقيتي من عقب صلاة العصر لين العشاء تقريبا على الانترنت ...
افتح صفحة لسوالف ... و سبع ثمان صفحات ثانية مختلفة...

لو غيرتي السؤال الي كيف غيرتني الانترنت .... بقولج بعدين...


------------------
الصلاة الصلاة

ســــــــبـــــــــحـــــــــــان مـــــــــغــــــــيــــــــــــــر
الاحــــــــــــوال


جدد التوبة فانك لاتدري متى النوبة
القي نظرة على
http://www.geocities.com/almurshedm

[bahraini]

لوووووووووووول شلونج ؟

تبين الصج أنا أدخل مواقع وااايد
بس الموقع الوحيد اللي ارتاح فيه هو منتدى سوالف

وبصراحه أنا أحاول أدخل لما أكون فاضي يعني أتفرغ تمامأ للنت
وكل شي عندي له وقت يعني مستحيل يكون وقت النت على حساب وقت شي ثاني
مهما صار
يعني وقت الصلاه قبل كل شي بعدين الاهل و الاصدقاء وأصدقاء سوالف

وتقدرين تقولين بأن سوالف لها تأثير كبير على مزاجي
يعني لما أكون متضايق ازور سوالف حتى لو ما أشارك بشي بس أحس إنها تريح أعصابي حتى لو المواضيع اللي اقراها توتر الأعصاب


هذا بشكل خاص أما بشكل عام فلقيت في سوالف المعلومه الحلوه والمفيده والصحبه الرائعه


يعني يقولون
الكتاب خير رفيق ..... أنا أقول أن سوالف خير رفيق
لانها كتاب ملئ بالمعلومات والمواضيع الحلوه وفي نفس مليئه بصداقات حلوه

وسلامتج



------------------
والله شرايكم

[سلطان نجد]

ايوالله يالووول تاثر علي كثير وبكل شي ....