السـلام عليكم ورحمة الله وبركاته
مرحبا شباب .. كيف حالكم جميعا .. الموضوع اللي بتكلم فيه اليوم الصراحة مهم جدا ومحتاج وقفه
طبعا زي مانتوا ملاحظين، كل يوم بتلاقوا شخص جديد وقام بفتح شركة إستضافة وتصميم على الإنترنت
وقام بوضع خطط ممتازة بمواصفات عالية جدا ولكن بسعر منخفض أو بسعر أقل من سعر السوق الحالي
أو أن يقوم شخص بوضع أسعار بسيطة للتصاميم أو ماشابه
وفجأة نجد الكثير من الشباب يهاجمون هذا الشخص وشركته بالنصب والإحتيال .. فعلى أي أساس تقررون؟
أنا يمكن آخد الموضوع من الناحية الإيجابية من إنخفاض الأسعار ومصداقية الشخص صاحب الشركة
إحنا ليه مانضعش فاعتبارنا إن الشخص اللي فتح الشركة دة صادق فعلا
ليه مش عايزين نقول إنه عايز يكون عملاء وزبائن لشركته
ليه مش عايزين نقول إن مثلا الشخص دة مقتدر وعايز يساعد الشباب
ليه بنحكم على الشخص إنه لسه مبتدأ في عالم الإستضافة بوضعه مثل تلك الخطط والأسعار
ليه مش بنقول عليه إنه محترف مادام إنه إستطاع فعلا إنه يعمل موقع ويصمم ويضع الخطط وعايز يكسب ولو مكسب بسيط
ليه الكل أول ما حد يقولهم إن الشخص دة عايز يكسب مكسب بسيط يقول اللي يشتري سيرفر عايز يحقق أكبر مكسب ممكن عشان يعوض
ممكن يكون على حق .. لكن إنتو - يا أصحاب شركات الإستضافة و يا أصحاب السيرفرات المدارة -، لو حسبتوا قيمة المبلغ اللي ممكن تكسبوه هاتلاقوه أضعاف أضعاف مضاعفة من ثمن السيرفر الحقيقي
ممكن أصحاب شركات الإستضافة الجداد دول عايزين يكسبوا مكسب بسيط .. حتى لو يعوضوا فقط قيمة ثمن السيرفر نفسه زي مانا قلت ليكونوا زبائن أو ماشابه
على الأقل كسبوا ثواب وأفادوا الشعب اللي حواليهم
ها ..
فكروا معايا .. ليه دايما بنفكر إن أي صاحب إستضافة جديدة بأسعاره القليلة نصاب أو محتال
قضية مهمة ومحتاجين كلنا نذكر أسبابنا ونناقشها بطريقة إجتماعية ديموقراطية ومن دون إستخدام أي ألفاظ جارحة
بانتظار ردكم .. تحياتي للجميع ..
.. أتاريه منور بصحاب الموضوع نفسه .. 
لحد يزعل من الإخوان لردي 
