السلام عليكم
أولاً اخوي فوقا ..
بحكم انه مراقب هذا المنتدى صحيح لك الحق في قفل المواضيع التي تسبب اي مشاحنات بين الاعضاء وماشابه .. لكن موضوعي هذا
http://www.swalif.net/softs/showthre...threadid=75552
انت قلت فيه
عزيزي اعتقد انت ماركزت على الموضوع ولا قرأته زين .. ولو تركز معاي الحين شوي يمكن تفهم المغزى من الموضوعأخي lebanon : تقدر تضيفه بالماسنجر وتكلمه وهو ما راح يردك خايب
طبعا انا اتكلم بالنسبة للبرامج اللي من موقعك اللي هو سحب روابطها
ما اعتقد بحوري بيقولك ما ني حاذفهم
خلونا نبتعد عن مواضيع التشهيير
انا ذكرت في الموضوع اني دخلت مركز البرامج الخاص بالاخ بحوري وأكتشفت ان روابط ملفات السويش وبرامج اخرى مرتبطه في موقعي ومواقع المشاغب وغيره من المواقع التي تعتبر ضحيه ..
لكن انا ماأتهمت الاخ بحوري بأي شي لان قاعدة البيانات المقصوده تم طرحها من قبل العضو كويت سيرف ... ومش الاخ بحوري اللي ركبها فقط .. كثير مواقع اللي ركبت نفس القاعده والمفروض منكم كأدارة منتدى ان تمنعوا هذا الشي ...
وانا اذكر انه سبق وتم طرح اعلان في جميع المنتديات يمنع اي موضوع يتعلق بطرح برنامج ( الكلك ) لانه غير مجاني وماشابه
وين العدل ووين الحقوق عند طرح قاعدة البيانات من قبل العضو كويت سيرف ... لماذا لم يتم فحص القاعده من قبل الادارة والنظر في محتوياتها ؟؟؟؟؟
يعني لو انا ماأكتشفت هذا الشي راح يتم استهلاك ترافيك رهيب من موقعي دون ادنى حق ودون علمي وسوف ادفع انا التكاليف لحساب الغير ..
طبعاً المواقع الي ركبت قاعدة البيانات هذي الي شفتها انا الى الان أكثر من 7 مواقع ... تخيل لو كان عدد المواقع 20 موقع وعليها ضغط من قبل الزوار .. كم تتوقع سيستهلك موقعي من الترافيك ؟؟
اعتقد هذي مسؤلية المنتدى انه يتدارك هذا الغلط .. ويتكرم بوضع تنويه على الاقل ربما يقرأه بعض اصحاب هذه المواقع ويقوموا بتعديل الروابط .. أو على الاقل وضع وصلة للموقع المستضيف للملف أو البرنامج
هذا اللي عندي أخوي فوقا واتمنى تتقبل الموضوع بصدر رحب وتفهمه أكثر
===============
رساله للأخ بحوري
أخوي انا وضعت عنوان موقعك في الموضوع كمثال .. ومش انت اللي ركبت قاعدة البيانات لحالك .. بالعكس كثير مواقع ركبت نفس القاعده
ولو ركزت في الموضوع شوي وبتمعن كان قرأت هذا
بعدين تذكرت هذا الموضوع واللي قام الأخ كويت سيرف Q8serv بطرح قاعدة بيانات برامج تحتوي على 5306
http://www.swalif.net/softs/showthr...&threadid=75047
هل يجوز هذا الشيء ياأخوان ؟؟؟؟؟؟؟؟؟؟؟
يعني انا وغيري نتعب وبكل بساطه يستفيد اصحاب مواقع اخرى بوضع مكتبة برامج تستهلك ترافك مواقع اخرى بغير حق ؟؟؟
وانا بهذا الموضوع لاأقصد موقع بحوري فقط ... بل جميع المواقع التي قامت بتركيب هذه القاعدة لمكتبة البرامج وهي كثيرة جداً وكثير من اعضاء سوالف قاموا بتنزيل هذه القاعدة ليستفيدوا منها في عمل مكتبات للبرامج
يعني انا وضحت ان القاعدة تم توزيعها عن طريق المنتدى ... وانت مالك اي علاقه .. ولكن وضعت مركز البرامج كمثال ولا بيني وبينك اي شي علشان اخصك انت بالموضوع ....
ولو ركزت في ردي الثاني كان فهمت أكثر
quote:
--------------------------------------------------------------------------------
رد مقتبس من .................
أخواننا الدعوات على الحرامي باهوري !!!!
--------------------------------------------------------------------------------
عزيزي omar alzaabi انا لاأتهم بحوري بانه حرامي .. لانه قام بتركيب القاعده مثله مثل غيره .. والسموحه منك ياليت تعدل ردك وتحذف الجمله هذي علشان مايقلب الموضوع الى مشاحنات بين الاعضاء ولا نستفيد
وانت قلت في ردك ...
عزيزي اي سمعه اللي تكلمت عنها انا ؟؟؟ انا قلت لك وضعت موقعك كمثال .. وبنفس الوقت لو تركز أكثر ... ولو راجعت القاعدة أول كان فكرت عدل وركزت شوي .. وحطيت في بالك لو هذي المواقع مثلاً الغت جميع الروابط .. كيف بتتصرف بعدين ؟؟لو كنت راسلتني مايحتاج انك تقول كلام هنا وتقول سوي وسوي
هذه سمعة ومو من حقك انك تنشر الكلام هنا
لكن من الذوق والبرستيج انك لو راسلتني راسله والله ماردك لو كانت فيها رقاب
لكن بعد مانشرت الكلام هنا
الله يكون في عونك ويسامحك اذا قلت شي عني
وابشر باللي يرضيك
وانا راح احمل الملفات على موقعي والغي روابط موقعك
هذا اضعف الايمان .. وثاني شي لو فكرت اكثر وأكثر كان قلت في بالك ( وش ذنب هذي المواقع اخلي الروابط مرتبطه فيها وهي مالها ذنب )
ولو فكرت أكثر وأكثر وتعمقت في التفكير ( كان جيت هنا لسوالف وكتبت موضوع توضح فيه انك ركبت القاعده وانها مرتبطه في مواقع ثانيه ) كتنبيه
والمشكله انك كتبت
عزيزي الترافيك والفلوس اللي تتكلم عنها هذي وصخ دنيا ... ولا تهم كثر مايهمني علاقاتي بالناس .. وانا بعمري من عرفت الانترنت ماغلطت ولا شوهت سمعة أحد .. لدرجة اني اطالب ناس كثير في سوالف ( بعظهم بمبالغ ماديه ) لكن لم اتكلم عنهم ولا اريد ان اتكلم عنهم لاني الحمدلله أحب اني اكون في حالي ونظرة الناس لي ( لو يقولون هذا ماله ولا عليه ولا يهش ولا ينش ) افضل من يقولون ( هذا فيه وفيه )لو تبغى فلوووس حقت الترافك حقك لمدة 10 سنوات قدام والله العظيم انا جاهز بس من ستر على مؤمن ستر الله علية يوم القيامة
وبالنسبه للستر ....... الستر من الله .. وانا والله يشهد علي اني ماقصدي في الموضوع الا اني ابي الجميع يعلم ان قاعدة البيانات اللتي تم طرحها تحتوي على روابط لمواقع اخرى وكل من قام بتركيبها سوف يظلم غيره ( ربما بدون علمه )
وبالاخير اتمنى انك ماتآخذ بخاطرك وانا اعتبر نفسي هنا بين اخواني واقول اللي في خاطري وأسمع اللي في خاطرهم ... واذا في خاطرك شي كل الي تبيه تحت امرك بس اهم شي على الاقل نكون اخوة في الاسلام وتحت راية لااله الا الله محمد رسول الله ...
واتمنى ماأكون طولت عليكم في موضوعي .. واذا المراقبين يشوفون انه يستاهل الاغلاق او الحذف هذا شي راجع لهم .. لاني فقط اردت ابراء ذمتي وتوضيح القصد من الموضوع الأول ...
تمنياتي للجميع بالتوفيق
خــــــالد
