شلون اخذ قاعدة بيانات المنتدى واحطها بمنتدى ثاني مع وجود الاعضاء

[كويتاوي]

السلام عليكم
عندي منتدىىىى وفييه اعضااااااء
باخذ القاعدة البيانات اللي في المنتدى
وانقلها في منتدىىىى ثاني جديد لي انا
مع وجووود الاعضااااااء بالمنتدى
والسؤال هو كيف اقوم بأخذ القاعدة من المنتدى اللي فيه اعضاء ؟
وكيف اركب القاعدة في المنتدى اللي ابي اضيف فيها الاعضااء
وجزاكم الله خير

[كويتاوي]

للرفـــــــــــــــــــــــــ ـــــــــــــــــــــــع

[Se7T]

خذ كوبي للقاعدة من الكنترول بنل

خذ كوبي لمجلد ال vb حق المنتدى القديم

حط القاعدة داخله

ارفعهم للمنتدى الجديد

وسو قاعدة بيانات للمنتدى
وعدل على ملف الكوفينج وحط اسم القاعدة والباسورد اللي سويتهم

بعد ماتخلص ارفع هاك الرهيب الى داخل مجلد الفي بي وشغله

راح يكون كلشي تمام

[كويتاوي]

يعطيك العافيه على المسااعده
لكن والله مافهمت شي
ياريت تجيب شرح لي بالصوور

[q8up]

السلام عليكم
اول شي اخوي تسوي تحميل للملف مال المنتدى
فرضنا منتداك اسم الملف vb
يعني عنوان المنتدى مالك
http://www.sq8s.com/vb
تسوي للملف vb داون لود يعني تحمله لجهازك بعدين تصعد الملف هذا للموقع الثاني الي تبي تستظيف عليه المنتدى
اول خطوه
الخطواه الثانية
راح تلقة ملف اسمه
config.php تحصل الملف هذا في مجلد admin
0000000000000000000000000000000000000000
افتح الملف هذا من خلال برنامج النت باد الموجود في الوندز

تحصل فيه المعلومات هذي
---------------------------------------------------------------------------
<?php
/////////////////////////////////////////////////////////////
// Please note that if you get any errors when connecting, //
// that you will need to email your host as we cannot tell //
// you what your specific values are supposed to be //
/////////////////////////////////////////////////////////////

// type of database running
// (only mysql is supported at the moment)
$dbservertype="mysql";

// hostname or ip of server
$servername="localhost";

// username and password to log onto db server
$اليوزر نيم مال الداتا بيز اهني="";
$الباسوورد مال الداتا بيز اهني="";

// name of database
$dbname="اسم الداتا بيز اهني";

// technical email address - any error messages will be emailed here
$technicalemail = "ايميل الآدمنت مال المنتدى اهني";

// use persistant connections to the database
// 0 = don't use
// 1 = use
$usepconnect = 0;

// which users are allowed to view the admin log
// separate each userid with a comma
$canviewadminlog = "1";

// which users are allowed to prune the admin log
// separate each userid with a comma
$canpruneadminlog = "";

?>
--------------------------------------------------------------------
تحط معلوماتك بنفس المكان الي حاطه لك بالعربي وتصعد الملف بنفس المكان بالسيرفر
------------------------------------------------------------------------

تروح الحين لوحت التحكم الخاصة بالموقع مالك

http://www.sq8s.com/cpanel

بعدين تروح تضغط على
MySQL Databases

تفتحلك صفحة


تلقة مربع فاضي تحط فيه اسم الداتا بيز نفس الاسم الي حطيته في ملف الكونفقت الي شرحته من قبل شوي
المربع الفاضي مكتوب جدامه Database
-----------------------------------------------------
بعدين تروح لمربعين فاضيين مكتوب كل واحد جدامه
Username:
Password

تحط اليوزر نيم والباسوورد نفس الي حطيتهم في ملف القونفقت

ولمه تخلص تروح تلقة مكتوووب
add users to Data Base
وفوقهم سهمين كل سهم مكتوب جدامه
User: Database
-----------------------------------------------------
تحدد اسم الداتا بيز واسم قاعدة البيانات وتضغط على المربع او الكلمه هذي

add users to Data Base



وبعدها نكون خلصنا من كل شي وربطنا المنتدى والقاعدة بالسيرفر
يبقا عليك آخر خطوه علشان ترد المواضيع والاعضاء من موقعك القديم إلا موقعك الجديد

طبعا كل الشرح هذا تسويه في موقعك الجديد الي تبي تحط فيه منتداك واعضائك
بعدها تروح للوحت التحك مالت موقعك القديم
-----------------------------------------------------------------
مثلا اسم موقعك القديم
http://www.sq8s.com/cpanel

تدخل على لوحة
بعدين تروح تضغط على
للزر الي اسمه
MySQL Databases

بعدين تنزل بأسفل الصفحة وتضغط على

Click here to access phpMyAdmin.
راح تفتحلك صفحة جديده وموجود فيها على اليسار لسته يعني سهم وفيه اسم القواعد مالتك راح تلقة قاعدة منتداك موجوده بالسهم الي على اليسار فوووق
اضغط عليها
تفتحلك صفحة جديده وراح تلقة كلمات باللون الازرق فوووق
تروح ختاار كلمة
Export


وتحط على كلمة Save as file صح يعني علامت صح
--------------------------------------------------------------------------
وتضغط كلمة Go
ينزل ملف داون لوود على جهازك طبعا لاتنسا تحدد ملفك وين تبي تخزنه بالجهاااز

وتنطر لمه ينزل المف على جهازك
هذا الملف يسمونه السكيو ال الي موجود فيه الاعضاء والمتدى والاقسام وكل شي والمشاركات بعد كل كل كل شي

لمكه تخلص من تحميل السكيو ال مال المنتدى مالك تروووح للموقع الجديد
وتفتح لوحت التحكم مالت الموقع الي اهي
طبعا موقعك الجديد الي تبي تركب عليه الاعضااااء


http://www.sq8s.com/cpanel


وتضغط على كلمت

MySQL Databases


بعدين تفتحلك صفحة جديده وتضغط على كلمة
Click here to access phpMyAdmin.
------------------------------------------------------
راح تفتحلك صفحة جديد وراح تشوف على اليسار فووق سحم تضغط على القاعدة الفاضية يعني اسم المنتدى بس بدون جداول ومافيه شي فاضي اضغط عليه وبس لاتسألني ليش

تفتحلك صفحة جديده وختار كلمة
SQL
بعدين تفتحلك صفحة تضغط علي كلمة

Browse


راح تفتح نافذة تسألك وين الملف الي تبي تصعدة طبعا تصعد الملف الي نزلته من موقعك مو المنتدى لااا قصدي ملف السكيو ال الي فيه اعضاااااائك
من بعدا راح تصكر لوحت التحكم وترووح تريح شوية وتشرب شاي وتاكل خبزه وجبنه وتفتح منتدااك راح تلقه منتداك واعضائك ومواضيعك نفسهم الي في منتداك القديم ولا ينقصة شي ابدا ابدا ابدا

تحياتي لكم اخووووووووووكم الوزييييييييييييييييييييير

www.sq8s.com
لاتنسون تزورون موقعنا تلقون فيه شغل عدل مدل
تحياتي لكم اي اي اي اي شي متعقدين فيه او معصلق معاكم ارسلولي على الايميل التالي وانا اسويه لكم
sq8s@sq8s.com
ونفسة ماسنجري بعد
sq8s@sq8s.com

وتحياتي لكم ارجو تثبيت الموضوع علشان يستفيدون منه الناااس
هذي الطريقة الي الواحد ينقل منتداه من موقع لموقع جديد واعضائة واغراضة معااااه هذا الطريقة الصحيحه امية بالامية

:funny: :funny:

[UAE]

أخي الفاضل
أولاً ادخل الى هذا الرابط حيث ستجد شرح لبرنامج يعمل نسخ للملفات أو المجلد من و الى موقعك
أي يكون النسخ داخل الموقع
http://www.swalif.net/softs/showthre...hlight=net2ftp

ثم اليك هدا الملف وهو ملف الرهيب الذي ينقل قاعدة البيانات الى السيرفر خلال أقل من دقيقة