دورة php الكويت معهد انفو سنتر

[hamood1]

السلام عليكم و رحمة الله و بركاته ،،،

حاولت أحصل معهد لتعليم ال php هنا في الكويت

رحت لمعهد انفو سنتر و سجلوا اسمي و قالوا لازم يكتمل العدد علشان نقدر نسوي هذي الدورة ...

إلي عليكم يا شباب الكويت انكم تروحون المعهد و تسجلون اسمكم عندهم علشان يسووون الدورة

و السلام عليكم

[adel007]

جم واحد يبون وبجم ؟

[hamood1]

أظن انه إلي يبونه أكثر من خمسه

و العسر قريبا 300 دينار

[My Bader]

شنو يعلمونا برمجة او اي شي يخص الــphp

ياليت عنوانهم

[Q8uS]

اخوي عطنا عنوان وارقامهم

ويبون جم واحد

وجم فلوسهم بالضبط

وشكرا لك

[MR_PHP]

في معهد ثاني بالكويت اسمة swtop على ما اعتقد بالديره .. يعطيك دوره تطلع بعدها محترف php و الدروس خصوصيه يعني انت بروحك بس شغل عدل عدل عدل و يقولك شرط لمن تتخرج تبرمج اى سكربت و مده خلال شهر الى شهرين حسب ذكائك و استيعابك بس الدوره غاليه عندهم 680 دينار كاش . و مايصير مجموعات الدوره فرديه و الوقت انت تحدده و مفتوحه المده يعني لين تصير محترف او بمستوي متقدم على الاقل و الدراسه على احدث الاجهزة و المعهد كشخه .. و هذا الى عندي و انا بمر انفوسنتر و اشوف دورتهم .

[adel007]

رد مقتبس من MR_PHP
في معهد ثاني بالكويت اسمة swtop على ما اعتقد بالديره .. يعطيك دوره تطلع بعدها محترف php و الدروس خصوصيه يعني انت بروحك بس شغل عدل عدل عدل و يقولك شرط لمن تتخرج تبرمج اى سكربت و مده خلال شهر الى شهرين حسب ذكائك و استيعابك بس الدوره غاليه عندهم 680 دينار كاش . و مايصير مجموعات الدوره فرديه و الوقت انت تحدده و مفتوحه المده يعني لين تصير محترف او بمستوي متقدم على الاقل و الدراسه على احدث الاجهزة و المعهد كشخه .. و هذا الى عندي و انا بمر انفوسنتر و اشوف دورتهم .

عطنا عنوانهم يالغالي

[adel007]

عطنا عنوانهم يالغالي

[Loacker]

ممكن تلفون معهد swtop وعنوانه
وفيه معاهد ثانيه ؟

[Q8uS]

يا اخوان

هذا عنوان موقعهم

http://www.topws.com

وهذا اللي اقدر افيدكم فيه

والاخ شكله من زمان ما دخل سوالف

وشكرا

[اى شئ]

اخى الكريم
دورة معد انفو سنتر اشتركت فيها قبل سنتين وكانت لمدة 4 ايام بمبلغ 150 دينار ..
وكان المحاضر امرأة لكن الشرح كان سريع وينفع للى عندهم خلفيه فى الفيجول بيسك
اما بالنسبه لى اللى ما عندى اى خلفية برمجية كنت حاضر متفرج :shy:
يمكن ما تعلمت هالاربع ايام إلا سطر
ونسيته بعد الدورة باسبوع ..

الخلاصة هالمعهد ما ينفعك بتعلم ال php مادرى عن المواد الاخرى ..
ولهذا وجب على نصيحتك لما جربته معهم ..
والحمد لله على كل حال ..

[مرعوب]

احلا دورة في جامعة الكويت عجيبة جدا وغير محدد العدد انشاله لو واحد يسجل

المبلغ 275 دينار والمدة 3 ايام فقط

انا اللى كرهني فيها المدة مقارنه بالسعر

ولكن اللى فيها

سيفرات لاينكس
سيفرات وندز

الحماية لسيفرات بانواعها

الهكرز وكيفية الدخول والاختراق والحماية تطبيق على الواقع

الامن في جميع لغات البرمجة بما فيها php وغيرها

بصراحة الدورة غنية بالمعلومات بس اقول المدة موكافية

واللى يحاظر فيها دكتور كويتي بجامعة الكويت متخصص في امن الشبكات على اعلا مستوي دراسي

وفتكر انها في شهر 9 الدورة على حسب علمي

جامعة الكويت

[BitSurFer]

شي غير معقول
وش الاسعار هاذي
بيخلونكم تخترعون قنبله نوويه والا ايش

يااخوان راسلوا احد العباقره اللى هنا واضمن لكم يدرسونكم بربع المبلغ ولمدة شهر بعد

[Loacker]

على يدك يامشرف
رشح لنا واحد من العباقره
للاسف الكويت مافيها معاهد مضمونه وكلام الاخوان يدل على ذلك
ياليت يسوون مجموعة php تكون بداية انطلاقه لهالغه عندنا

بانتظاركم

[اى شئ]

انا اعرف ان المبرمج على العنزى واهو عضو فى سوالف ينظم دورات خاصة
وهو يعتبر افضل مبرمج php على مستوى الكويت حاليا
و تقريبا يدعم اغلب المواقع الاسلامية الكبيرة على شبكة الانتر نت
نسأل الله ان ينفع به ويحفظه

لو فيه مجال تكلمونه يسوى لنا دورة ولو كان المبلغ عالى بس على الاقل نستفيد ..