النتائج 1 إلى 7 من 7

الموضوع: فاقد الشئ لايعطيه!!!!!

  1. #1
    عضو فعال
    تاريخ التسجيل
    Apr 2000
    المشاركات
    1,362


    السلام عليكم ورحمة الله وبركاته

    في هالموضوع حبّيت أوضح ياجماعه أن في كثير من الناس اللي نعيش معاهم
    ونتواصل معاهم بصوره مباشره أو غير مباشره يكون لهم بعض التصرفات الغريبه اللي تخليك تستغرب وتآخذ موقف منهم

    فمثلأ الناس اللي ينهون عن الشي وهم يأتون بمثله !!!!
    وبصراحه أشوفهم كثييييرين

    ومن أشهر الأبيات اللي ذكرت في هذا الخصوص قول ( أبو الأسود الدؤلي )
    حين قال:
    يا أيها الرجل المعلم غيره*** هلا لنفسك ذا التعليم
    لاتنه عن خلق وتأتي مثـــله***عار عليك إذا فعلت عظيم

    للأسف كثير مانشوف وهذا أبسط مثال الأب ينهي ولده عن التدخين وتلاقيه يدخن في اليوم علبه سجاير كامله !!!!!!

    الأم تنهي بنتها عن التبرج وهي من النوع اللي ماتقدر تعيش بدون مكياج !!!

    الأخ الكبير ينهي أخوه عن السهر والتسكع في الشوارع والمغازل وتلاقيه
    كل يوم يلف في السوق ويرقم فلانه وعلانه ويشوف المحصول آخر الليل !!!!!!

    الأب ينهي عن الكذب وتلاقيه لما يتصل فيه أحد يقول : قول ماني موجود!!!

    زميلك ينهيك ويقول لك إبتعد عن النفاق ومسح الجوخ مع المدير في الشغل لأنها ماراح توصلك للمنصب وفجأه تلاقيه وصل وصار أعلى منك بالرغم من عدم توفر المؤهلات المطلوبه فيه !!!!

    و ... و ...و شنو رايكم أكيد مر عليكم قصة واحدمن هالنوع من الناس ؟

    ------------------
    والله شرايكم


    [b]<small><small>[ تم تعديل الموضوع بواسطة &nbsp; bahraini &nbsp; يوم &nbsp; 06-10-2000]





    bahraini غير متواجد حالياً


  2. #2
    عضو سوبر نشيط
    تاريخ التسجيل
    Apr 2000
    المشاركات
    663


    يااااااااااه ...قلبت المواجع علينا

    في كل خرابة وكل نكشة دبوس تلقاهم....ومع الأسف امثالهم كثير

    وفي النهاية يوصولون....لأعلى المناصب....او التقدير على الأقل

    يعني اللي يحترم نفسة ويحفظ ماء وجهه.....مكانك سر

    واذا بغيت توصل....هين نفسك وانسى كرامتك

    طبعا غير اللي يلجأ لطرق الله يستر عليه منها....والله انها تعيب....كيف يسمحون

    لنفسهم يلجؤون لها؟؟؟؟







    ريانة غير متواجد حالياً

  3. #3
    عضو فعال
    تاريخ التسجيل
    Apr 2000
    المشاركات
    1,362


    هلا والله ياريانه
    إذا على المواجع هي متقلبه متقلبه في كل لحظه نعيشها
    الله كريم وفرجه قريب
    مشكوره على المشاركه عزيزتي

    ------------------
    والله شرايكم






    bahraini غير متواجد حالياً

  4. #4
    عضو فعال جدا
    تاريخ التسجيل
    Dec 1999
    المشاركات
    2,235


    هلا بحريني ..

    اخبار البحرين ؟؟ وحشتنيييييييييييييييييي


    مادري شقول عن موضوعك بس فعلا هالشي صاير ..









    بويوسف غير متواجد حالياً

  5. #5
    عضو فعال
    تاريخ التسجيل
    Apr 2000
    المشاركات
    1,362


    هلا فيك بويوسف

    البحرين بألف خير وعافيه ولله الحمد
    وإن شاء الله ماتشوووووووف وحشششششش يابويوسف

    وبخصوص الموضوع لاتقول شي
    كافي تواجدك ومشاركتك عزيزي


    ------------------
    والله شرايكم






    bahraini غير متواجد حالياً

  6. #6
    عضو فعال
    تاريخ التسجيل
    Mar 2000
    المشاركات
    1,395


    مرحبا بحريني

    عندي وجهة نظر يمكن تكون شوي غريبه

    بالنسبه للناس اللى تنصحك أنك ماتسوي الغلط وهم يسوون هذا الغلط أعتقد فيه أكثر من وجهة نظر

    فيه وجهة النظر اللى ذكرتها انت

    وفيه وجه ثاني ودّى أقوله لأني قاعد أعيشه

    تخيّل بحريني أنك تدخن
    وحاولت تقطع التدخين وماقدرت
    وفى يوم من الايام لقيت أخوك الصغير يدخّن
    أكيد إنك بتزعل ويمكن تضربه وراح تنصحه
    كل هذا علشان مايطيح بالغلط اللى انت طحت فيه
    ولأنه بأول المشوار ويمكن يتلافى الخطأ اللى إنت طحت فيه


    الواحد مايتمنى أى شى يصيب أخوانه أو أفراد عائلته فتلقاه لازم ينصحهم وعلشان مايطيحون بنفس أخطائه

    أحس إني لخبطت
    والله خايف تكون مافهمت وش أقصد
    بحرينى
    تسمعني

    وش اللخبطه اللى كتبتها



    ------------------
    أحب الصدق وأعمل به كسبته وكنت أنا الخسران ** ولو صدقي يخسرنى تشرفني خساراتي





    ROMANCY25 غير متواجد حالياً

  7. #7
    عضو فعال
    تاريخ التسجيل
    Apr 2000
    المشاركات
    1,362


    هلا والله رومانسي
    كيف الحال عزيزي

    وبخصوص وجهة نظرك فهي سليمه وكل شخص له وجهة نظر معينه

    بسسسسسس...
    لو كان الموضوع ياخذ مجرى النصيحه مع علم الشخص المنصوح بالغلطه الكبيره اللي وقع فيها الشخص الناصح كانت الأمور تيسرت وتسهلت وماصار فاقد الشي لايعطيه

    المصيبه إنها تجيك على شكل هجوم وتقليل من الشأن ومع إحساسك بأنك تبي
    تصوّر قتيل على قولة إخواننا المصريين ههههههههه

    رومانسي تسمعني زين أنا اسمعك بوضوح

    بديت أخور وأنجب ( مثل بحريني ) يعني عكّيت بالمصري

    ------------------
    والله شرايكم


    [b]<small><small>[ تم تعديل الموضوع بواسطة &nbsp; bahraini &nbsp; يوم &nbsp; 17-10-2000]





    bahraini غير متواجد حالياً





ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أضف موقعك هنا| اخبار السيارات | حراج | شقق للايجار في الكويت | بيوت للبيع في الكويت | دليل الكويت العقاري | مقروء | شركة كشف تسربات المياه | شركة عزل اسطح بالرياض | عزل فوم بالرياض| عزل اسطح بالرياض | كشف تسربات المياة بالرياض | شركة عزل اسطح بالرياض