يا ونتي منها ظلوعي حطاما
على عشير بالهوى مات مغبون
شالوه من دار الحيا للعداما
ومن الحصا وتراب قاموا يكبّون
من عقب ما لفّوه بقماش خاما
قاموا على بيض النصايب ينصون
مات الحبيب ولا لحق له مراما
وبالله ياللي تدفنونه على الهون
حطوا نفق له عن سود الظلاما
ودي ازوره مثل ناس يزورون
وعايده نهار عيد الصياما
واقابله وارضي عيون يحنّون
عسى اليا سلّمت رد السلاما
واهل الهوى والحب لازم يردون
ابي اتطوّىعند قبره اعواما
وش عاد لو قال الملا صار مجنون
شبيه خلي فوق كف النشاما
حر من اللي بالمقانص يهدون
جنسه قليل وغير خلي حراما
ولا علهم عقب الحبيب يولون
من اول اكتم حزين الهياما
واليوم باح السد ياللي تعذلون
ويلاه كيف الدود يمحي العظاما
ياكل جسد مضنون عيني وترضون
ارموا بجسمي مع وفي الغراما
هذا العزا ياللي بموته تعزون
ياراحل لدار الرضا والكراما
قله عشاشيقك من البعد يبكون
قل له عيون صويحبك ما تناما
يسهر وخلق الله بقربه ينامون
اما حياة في هنا ولتئاما
والا ممات اثنين بالعهد يوفون
هيّض عذابي نايحات الحماما
ظني لهم خل بفقده ينوحون
حياتنا غطى عليها الغماما
واجد اليا عشنا مع اللي يعيشون
لا واحسافه غاب بدر التماما
تحت التراب احبيّب الروح مدفون
؟؟؟؟؟؟؟؟؟؟؟؟؟؟؟؟؟؟؟؟
------------------
مرحباكثرماهل وبل المطر
ياشوق ياموق يابعدالنظر
