 |
الى جميع اعضاء سوالف
ما تشعرون انكم تفتقدون ريانة ؟
ما تدرون وين راحت ؟؟؟
انا بقولكم ريانة تركت المنتدى وانتقلت لمنتدى أخر , وهي عتبانه على الكل لأن محد سأل عليها ولا تذكرها حتى
قالت لي ابلغكم السلام وانها مشتاقة لكم وايد.
وأنا من جهتي ارجو منها ان تتراجع عن رأيها وتعود كما كانت ريانة في حديقة سوالف الرائعة.
هلا والله
صراحه ما اتوقع ريانه تترك سوالف قول غيرها ....
بعدين كثير الي فاقدينهم بسوالف اذكر منهم :
لوووول احساس عيون المها وسهام الحب هايل قوس الحب وغيرهم كثير اتمنى يرجعون ...
وسلم لي على ريانه وقلها تعقل وترجع
------------------
انا مو اول ولا اخر حبيب .. في النهايه مع حبيبه يفترق
من متى صابت معي حتى تخيب .. البخت وياي عمره ما صدق
هلا عزيزي بوووم
بصراحه أنا مستغرب !!!!!!!!
ريانه كانت في الفتره اللي طافت موجوده ... بس في سوالف للجميع
وكنت أمر هناك واشوف ردودها موجوده !!!!
مع العلم بأنها كانت متواصله معانا ومعاي بالذات في آخر موضوع لها
اللي كان عن الأمثال الشعبيه .... يعني كانت موجوده في نفس المنتدى !!
وفجأه أختفت !!!
ليش تركتنا في البدايه وركزت وجودها في سوالف الأصدقاء ؟؟؟؟
شنو سبب إنسحابها من سوالف عامه قبل ما تترك المنتدى بشكل عام ؟؟؟
السؤال أهني لازم إحنا اللي نطرحه ليش هي تركتنا من غير أي سبب ؟؟؟
عمومأ هي أخت وعزيزه وغاليه ونتمنى ترد لنا من جديد
ولو كان في نفسها أي شي من ناحيتنا أحسن شي المواجهه
وأنا أعتقد بأن القلوب صافيه إن شاء الله
وتحياتي لك يابووووم ولريانه ووصّل لها كثير السلام
وقول لها مكانك أخضر ياريانه
------------------
والله شرايكم
هلا اخوي سلطان نجد وبحريني اقرأو نص الرسالة اللي ارسلتلي اياها ريانة قبل يومين بعد ما أرسلتلها انا رساله اسألها عن سر غيابها المفاجئ.
---------------------------------
وعليكم السلام ورحمة الله وبركاته
اسعدني كثييراً سؤالك...ماهي غريبة عليك..من طيب اصلك
اللي خلاني ابتعد شعوري بالإحباط...ناديت وطلبت وصرخت وترجيت ...بدون فائدة تذكر...ومع مرور الأيام اضطررت للإنقطاع لضروف ...توقعت من اهلي واخواني بالمنتدى السؤال....وانا اللي كنت اسأل عنهم
مع الأسف اصبح من الواضح نوع العلاقة التي تربط اعضاء منتدى سوالف للجميع
ما اكذب عليك انتقلت لسوالف الأصدقاء واصبحت اكتب بشكل دوري
حتى بروز مشكلة حلت ببعض الأصدقاء(الأعضاء)واللي استقبلوني كأخت عزيزة وغالية
وطبعا كرد لمشاعرهم كان لازم اوقف بجانبهم خصوصا ان وحدة منهم اختي الصغيرة
وللعم فقد انتقلت على منتدى ثاني
وانا في شوق كبيييير لأهلي الأوليين(سوالف العامة)
وحشوني وحشتني سواليفهم..ضحكهم ومزحهم
ما اقدر انسى الكثير منهم ساهر بحريني هايل(متيم) المرشد لووول جمانة (بووو) عادي والكثيييييير منهم
اعذرني طولت عليك بالكلام...بس من فرحتي
وبلغ احر تحياتي لأخواني وخواتي وقلهم تراكم وحشتووووني
كلكم بدون استثناء
مع اني مني من هذا المنتدى بس تراني في نفس الحاره
انا لما كنت امر على المنتدى العام كنت اشوف مشاركاتها وماشاءاله عليها
بس اتمنى انها ترجع لكم وخذ ثاني مره ارمي وجهي عندكم ومعليش على الازعاج
اخوكم من منتدى البيرل والسي جي آي
Mr.2000
------------------
Mr.2000
مساء الخير يالغالين.......
يسعدني سؤالكم عني وبالأخص بووووم
والاكيد انا مدينة لكم بتفسير وتستحقون اني ارد على استفساراتكم(لمكانتكم عندي)
بالنسبة لموضوع انسحابي انا منسحبة من طرح اي موضوع او تسجيل اردود ...بس على قلوبكم كل يوم امر واشوف الجديد عندكم
كنت متواصلة مع اخوي بحريني واللي حسيت لفترة ان مافي غيري انا وياه بالمنتدى......وين الباقين؟؟؟؟
ناديت كثير وصرخت بأعلى صوتي ياناس ارجعو اكتبو....على الأقل ردو على المواضيع...وين الغايبين....بدون اي ردمع الأسف
مرت ايام اضطرتني للتحديد من دخولي على النت بشكل عام...توقعت بعدها السؤال عني ولو بمجرد كلمة في احد الردود المسجلة لأي موضوع....
ماعلينا....المهم انتو غالين عندي وهذا الاكيد
تمر ايام ويمكن اسبوع كامل والفحة الرئيسية مافيها اي تغير او اي تحرك...صارت اشبة بالبيت المهجور اللي تسكنه الأشباح...وانا احمل اكبر جزئ من المسؤليه للأخ سوالف الله يهدية ... اهمل كثير بالمنتدى...بعد الكثير من الوعود..واللي وصل الاعضاء إلى الشعور بالإحباط والملل من زيارة المنتدى....شوي شوي تبدأ عملية الإحتضار والموت
عن تسجيلي بسوالف الأصدقاء الكل عارف اني سجلت عندهم وكنت مستمرة اتواصل بين البيتين بدون تفرقة....لاكن الفرق واضح في ردت الفعل بين البيتين!!!!
استقبالهم وتعاملهم مع كل قادم وضيف ...اكثر من رائع وتواصلهم والاخوة اللي يتعاملون فيها اروع
مرة زوبعة حاقدة على المنتدى(مع الأسف) وهذي الزوبعة مست اقرب الناس لي(أختي الصغيرة) ضمن الاعضاء في سوالف الأصدقاء
نهاية الزوبعة انتقال الاعضاء لمنتدى ثاني ولشعوري بالإنتماء لهم انتقلت معهم(لايعني اني اترك سوالف العامة لنفس السبب)
اذا سبب انتقالي وتركي للمنتدى هو شعوري بالإحبااااااط وعدم التواصل بين الاعضاء...مع مين اتكلم؟؟؟
لمين اطرح موضوع؟؟؟
ومين يرد على موضوعي؟؟؟
واذا نزل موضوع جديد ورديت عليه ..ياترى صاحب الموضوع بيقرأ الرد ويرد على ردي؟؟؟؟
وكثييييير من التساؤلات اللي مالها آخر.......!!
اعذروني اذا طولت الكلام عليكم ... يهمني تعرفون سبب تركي للمنتدى ومثل ماقلت في البداية بضل اتابع المنتدى واتمنى التحسن اللي سوالف مستمر يوعدكم فيه
واخيراً اتمنى تتقبلون تحياتي
اختكم اللي مكانها اخضر......ريانة
هلا والله بريانة سوالف
شلونج وشخبارج ؟؟
الحمدلله طمنتينا عليج ...وبصراحه يهمنا تكونين مرتاحه سواء معانا أو في أي منتدى ثاني الأهم إن القلوب صافيه إن شاء الله ومافي أي زعل علينا
وترى مثل ماقلت أنا من قبل مكانج أخضر يعني نبي نشوفج معانا مو تقاطعين
ولو إنج قلتي كلمه بصراحه حزت في نفسي وهي إنج كنتي
مستمرة التواصل بين البيتين بدون تفرقة....لكن الفرق واضح في ردت الفعل بين البيتين!!!!
يعلم الله كم كنت أعتبرك أخت وعزيزه وغاليه وكان يسعدني وجودك وتجاوبك معاي ومع باقي الآعضاء إن وجدو
في النهايه عزيزتي ما أقول الا الله يوفق الجميع ويعدل الحال
وأتمنى لج التوفيق في بيتك الجديد
وحياج الله بيننا حتى لو كنتي مستمعه فقط
[b]<small><small>[ تم تعديل الموضوع بواسطة bahraini يوم 08-11-2000]
ضوابط المشاركة
