النتائج 1 إلى 12 من 12

الموضوع: الجزء الثاني:أحلام,مع وقف التنفيذ؟؟؟؟

  1. #1


    السلام عليكم ورحمة الله وبركاته.....

    هذا انا من جديد أعود لكم لأكمال موضوعي او قصتي .....نبدأ على طول بدون اية مقدمات....


    بعد ماكان خوينا ابو صورايخ اللي قاعد بجنبي عازم بيل كلينتون على كبسة بخاري في مطعم بالجهراء.......المهم بعد ما فتشوا الطياره وبالأخص الدرجه الأولى,مالقوا أحد من اللي يبونه,المهم جو يسئلون خويي اللي بجنبي وكل ماقالوا له شي اقوم انا من الذل واقول انا معاه وكل ما قوموه قلت انا معاه لأنه يقول المثل " من خاف سلم "...المهم قالي قوم ارفع أيديك فوق وانا ماغير اقوله أبشر...قالي: شنو أسمك الثلاثي..واقوم وانا واعطيه اسمي التوساعي...ولو انه معي شجرة العايله كان عطيته اياها بجذورها...المهم بعد الخطف بخمس دقايق,أنحشرنا من ريحه غريبه اول مره اشمهافي الطياره وعلى طول بحكم اني ذكي وفطين وشجاع فديت نفسي محلاي عرفت انها خلاطه جديده أنتجوها المسافرين...وعرفت ان الوضع بدأ يزداد سوء والحاله تعيسه والمصيبه انهم يوم جو صوبوا الرشاش على خوينا اللي بجنبي,قام الولد مذعور وقال: تكفى لاترميني..انا حامل.. ضيع الرجال جنسه مايعرف هو مره ولا رجال...وبحكم انه كل ماقال شي قلت انا معاه بس هالمره قلت انا اشهد والله...ويوم أقبلوا عليه المسكين واشوف خوينا لحيته طالت متر,وجسمه هزل وبنطلونه كل أشوي ينزل والبلل مغطي معظم البنطلون,والكرفته انكمشت من الذل صارت مثل أشاره ممنوع الدوران للخلف,وقعدت أتهزء فيه بصوت واطي وأقوله: انت بأي شهر... بحكم انه حامل.. " ضحكة عنزه بالمسلخ "..وماوقفت اهنيه,طحت فيه أستهزاء وأقوله وين ناوي تولد ,أنصحك بمستشفى الحفر ولا تدري احسن لك مستشفى الجهراء حلوووو حيييل.. ..واقوله: ارجوك لاتحاول ترهق نفسك من اهنيه لما الله ينتعك بالسلامه" مودك والله من يكفخك بصينيه الكنافه.ياشين هالوجهه "ذال المسكين ماتحمل الوضع أشوي,وكل أشوي ماغير يبكي وانا اهون عليه واقوله لاتخاف انا معاك واقول بقلبي بكيت خشتك يا الدجاجه على طول خقيت وخفت....المهم الخاطفين الظاهر ماعجبهم اني قاعد أضحك واتهزء بخويي عقب جاء صوبي.وقال: انت شنو تقول,قلت انا:ماقلت شيء هاها..." ضحكه مخنوقه "..ورد قال:طيب أشفيك اتكهكه.قلت:انا شفت فلم كان فيه واحد دايم يضحك والثاني خايف ,قاموا الخاطفين وأخذوا الخايف وأذبحوه ,ونجا اللي كان يضحك...ردلي وقال: طيب وشرايك اني هالمره راح يكون العكس "وجهه انصدم "..وعلى طول أتسع بنطلوني وطالت لحيتي وانكمشت كرفتتي والبلل غطا على كل الحضور.....لالالا...أقصد البنطلون
    ...وقمت أبعبع ماني عارف أتكلم قال:هااا.شفيك خفت..قلت:لا بس في مثل يقول
    يا نافخاً صدرك بتيوب مردهم يفشونك بنيوب.. "والله مدري منين جبت هالمثل "..
    المهم تعاطف الخاطف معاي وتركني وقمت وسحت على الكرسي ماني مصدق انه تركني...حسبي الله على خويي اللي بجنبي بغا يجيب لي العيد ومن عقبها وانا ساكت...المهم بعد ساعه من طيرانا قال الطيار ألزموا الكراسي ترى القير خربان وما راح نقدر انزل التواير" الأطارات "..قلت بصوت خافت اكيد:وراك ماتروح لكراج المسعري عندهم قير ياباني مجدد ماغير بمية دينار" واحد ينكت ويبيله دبغه محترمه "...المهم سمعني واحد من الخاطفين وجاني متضايق,وقالي:انت حضرتك تنكت ....وردت لي الأعراض الجانبيه اتسع بنطلوني وطالت لحيتي وتبلل الملوي اقصد البنطلون,ويوم شافني اشوي واموت..تركني,ولاعاد سولفت مره وحده.ويوم قرروا انهم يذبحون الرهاين قالوا انهم يبون يبدون برجال الأعمال..نط واحد منهم وقال: من فيكم رجل اعمال...ولا احد رد...ويعيد نفس الشيء...ولا احد يردمن الذل وخاصة الجبان اللي بجنبي "واحد نسى نفسه " ...وقال الخاطف:يعني مافيكم ولا واحد رجل اعمال...راح وقام يشير...وطاحت التشييره علي..وقال : قم انت...قلت:سم..قال :انت وين تشتغل...قلت:راعي غنم..قال:يعني رجل اعمال...قلت :لالالا...لاطال عمرك انا شاوي اعمال..قال:يعني شنو شاوي ..قلت:شاوي يعني راعي غنم..قال:طيب انت اجلس..قلت :ان شاءالله..قام وقال لخويي اللي بجنبي:انت قوووم على حيلك...وقام وانا ماغير انشف مكانه" واحد خبل ماهو حاس بالمسؤلييه موليييه "
    المهم قال لخوينا: انت وين تشتغل..قال:راعي دجاج..قاله يعني :رجل اعمال...وقال خوينا:لاوالله طال عمرك كلهم اربع دجاجات وقام يستخف دمه..قال:الخاطف:يعني انت دجاج اعمال ..قال خوينا:لاوالله الا بياض اعمال والله اني كل يوم ابيض وحده بس معاكم انتوا دخلت في طبق البيض الثاني...ويم جا الخاطف ضحك وضحكنا كلنا .
    ويوم شديت اشوي بالضحك,قومني المظيف من النوم وقال:قم..قم...هذا وانت رايح عرعر وتنام وشلون لو رايح لندن شنو تبي اتسوي.....حسبي الله عليه المظيف ما خلالالاني أحرر الرهاين وانقذ الطياره....خلاص بس انهد حيلي وانا أكتب


    ويعطيكم العافيه على قرائتكم لهالموضوع اللي يغث ويجيب الحموضه...لكن ان شاءالله يكون موضوعي نال على رضاكم ....وتحياتي لكم جميعاً..

    ------------------
    لعيونك السود جيتك رافعا شاني....شيخا خذا ثار خاله من ولد عمه






    أحساس غير متواجد حالياً


  2. #2


    افا عليك احساس !

    عاد هذا يجيب الحموضه ..

    اتصدق بالله اني احتري الجزء الثاني ( الي كتبته الحين ) من حوالي 4 ايام !

    واليوم الحموضه والغثيان من بعد السحور ماسكه عيت تروح !

    لما جيت انت حبيب الصباح ...

    وكتبت الموضوع ..

    راحت الحموضه وقالت :

    الى اللقاء الى يوم ثاني .. عندما لايكتب ....

    احساس .. موضوع ثاني ..

    الرجاء منك اخ احساس ان تستمر على كتابة المواضيع الي مثل هذه ...

    لانها بصراحه جميله جدا ...

    وبالاخص دواء للحموضه والغثيان !!!

    لوووووووووول!

    مع الف شكر ...


    ------------------
    النازي الى الابد





    البرنس ناز غير متواجد حالياً

  3. #3

    حبييب قلبي والله البرنس ناز



    هلالالالا فيك يالغالي....صراحه أحرجتني حييييل.....:)


    وانا شاكر لك هذا التجاوب الطيب منك اخووي .:)

    وبعدين والله اني شكيت بالموضوع في بداية الأمر لأنه يجيب الحموضه..ولكن بعد ردك لي راااح اخلي الحموضه تصير دوخه:):):)

    ولك مني خالص الحب والتقدير





    __________________
    لعيونك السود جيتك رافعا شاني....شيخا خذا ثار خاله من ولد عمه
    أحساس غير متواجد حالياً

  4. #4
    عضو نشيط جدا
    تاريخ التسجيل
    Apr 2000
    المشاركات
    400


    حلوووووووو

    وايد


    والله فطست من الضحك







    __________________
    من الجميل أن تبتسم للآخرين ولكن من الأجمل أن تجعل الآخرين يبتسمون

    booom غير متواجد حالياً

  5. #5


    مرحبا..
    booom

    انا شاكر لك عل هذا الرد الذي يحسسني انها مقاله حلوووه وخفيفه بعض الشيء..

    ولك مني كل الحب والتقدير





    __________________
    لعيونك السود جيتك رافعا شاني....شيخا خذا ثار خاله من ولد عمه
    أحساس غير متواجد حالياً

  6. #6


    الله يعطيك الف عافيه .....
    الصراحه القصه وايد حلوه.......بس انا زعلانه لانها خلصت اتمنى انك ماتنقطع عن كتابه هذي القصص الحلوه.....بس انتو اشفيكم على الحموضه ترى مافي احلى منها يعني مثل قصتك.
    ومشكووووووووووووور





    __________________
    أحب الليل *** لأنك قمرته وضيه
    وأحب النور *** لأنك نور هالدنيا
    ليمونه غير متواجد حالياً

  7. #7


    هلالالالالالالالالا فيج ليمونه.....

    هذا من ذوقج وذوق بنات الجهراء

    على العموم انا راح اتواصل مع نفس المواضيع

    تحياتي لج





    __________________
    لعيونك السود جيتك رافعا شاني....شيخا خذا ثار خاله من ولد عمه
    أحساس غير متواجد حالياً

  8. #8



    احساااااااااااس وينك ترى الح...........رجعت ؟؟

    استعجل !!!!!!!!

    لووول!







    __________________
    اذكر الله
    البرنس ناز غير متواجد حالياً

  9. #9


    مشكوووووووووووور احساس......بس من قالك اني جهراويه.....ولا وحده بوحده يعني؟؟؟؟؟؟؟ههههههه
    واتمنى لك التوفيق في المواضيع الجديده





    __________________
    أحب الليل *** لأنك قمرته وضيه
    وأحب النور *** لأنك نور هالدنيا
    ليمونه غير متواجد حالياً

  10. #10


    هلالالالالالالاوغلالالالالالالالا.بعطر الكويت..

    ليمونه مشكوره حيييل على قرائتك لموضوعي وانا كلي شرف بمعرفتج يالغاليه

    تحياتي لج





    __________________
    لعيونك السود جيتك رافعا شاني....شيخا خذا ثار خاله من ولد عمه
    أحساس غير متواجد حالياً

  11. #11
    عضو فعال
    تاريخ التسجيل
    Mar 2000
    المشاركات
    1,395

    :)



    هلا الغالي إحساس

    صراحة مواضيعك بحارة كل من إيدو إلو مواضيع خفيفة وممتعه
    وتدري كتابتها بشهر رمضان أعطتها رونق ثاني
    أنا أتابع طاش ماطاش بالتلفزيون
    وبالنت أتابع مواضيعك
    طبعا وجه الشبه بينهم أنهم كلهم خفيفات وممتعات وفيهن مضمون
    ياريت تستمر في كتابة المواضيع هذي
    وتأكد أننا دايما متابعين لك



    تحياتي لك الغالي







    __________________
    أحب الصدق وأعمل به كسبته وكنت أنا الخسران ** ولو صدقي يخسرنى تشرفني خساراتي
    ROMANCY25 غير متواجد حالياً

  12. #12


    احساااااس where are you

    الحموووضه في ال....... ؟





    __________________
    اذكر الله
    البرنس ناز غير متواجد حالياً





ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أضف موقعك هنا| اخبار السيارات | حراج | شقق للايجار في الكويت | بيوت للبيع في الكويت | دليل الكويت العقاري | مقروء | شركة كشف تسربات المياه | شركة عزل اسطح بالرياض | عزل فوم بالرياض| عزل اسطح بالرياض | كشف تسربات المياة بالرياض | شركة عزل اسطح بالرياض