التطبيق لم يوصلني الى نتيجه

[الشبري]

السلام عليكم ورحمة الله وبركاته


كيف حالكم


كما يقولون وتقولون


طبق الدروس وستتعلم

طبقات دروس كثيره

لم اجد ما اريده

:shy: الي اريده هو تصميم واجهة موقع ليس ممتازه على الاقل متواضعه


هنا الكثير يصمم باستخدام الفوتوشوب


بس ما لقينى احد شرح

فالذي افضل ان يساعدنيبالشرح هو احد هذولا الاشخاص
albanner
b happy
دليل العرب



ماندري عليهم اذا يبون يشرحون


لان كثر المواضيع والدروس لهم

وانتو شنو رايكم

[b happy]

السلام عليكم

اخوي الشبري طيب نقول انك طبقت دروس كثير و ما استفدت هذي مالها إلا جواب واحد اي انك مع احترامي (و ياريت تفهمني صح) كنت تطبق الكلام دون أن تلاحظ كل اداة وش سوت كل فلتر شو عمل هنا يكمن سر التعلم اقلك يا سيدي انت مفكر اني مو قاعد اشرح شي انا قاعد ادور برنامج للشرح بالفيديو بصمم لكم واجه موقع بالفيديو كامله يمكن نص ساعة او اكثر و لكن لم اجد حتى الآن البرنامج المناسب كل البرامج تسبب بطء شديد يمنعني من اني اتقن عملي بالفوتوشوب و هذا هو سبب تأخري في الشرح و احد الشباب قال مافي برنامج ما يبطء الجهاز و هذي أحد العقبات و لكن لو عندك شي محدد اسأل و انا حاضر للشرح الوافي

بالتوفيق أخوي و السموحة على التقصير

[Templates]

b happy
جرب برنامج robodemo
و ياريت احد الشباب يحطه لنا اهو البرنامج يعرض الدرس على الفلاش بلاير و يمتاز بسهولته و أحسن شي
إنك تسوي الدرس و تخليه winzip علشان الواحد لما يسحب يعرضه ما يقطع و اهو يعرض

[b happy]

و الله أخوي Templates

جربته هذا مصيبه مو تعليق بس هذا يسوي تشجنج في الجهاز و غير هيك طلع فيه تضارب في الريجستري بينه و بين ال PC Suit للنوكيا 7610 يعني يالبرنامج يا موبايلي و كل ما تفتح الويندوز الف شاشة خطأ بسبب التضارب و ما قدرت احلها و كلمت شركة مايكروسوفت عطوني بعض الحلول ما نفعت آخر شي قالوا لي فرمت مالك إلا الفورمات و حلفت ما استخدمه بعد اليوم لأنه غير نافع جدا و يسبب بطء شديد جدا جدا شكرا لك أخوي لإهتمامك

بالتوفيق

[الشبري]

مرحبا

مشكوررررين على المتابعه


من طيب اصلك يالغالي




لكن لو عندك شي محدد اسأل و انا حاضر للشرح الوافي

بس اخاف تتعب معاي


ابي طريقه اني اسوي خط مائل

واسف

تراى بتتعب معاي

[الشبري]

اسف

اذا امكن

ماهي الفلاتر الي استخدمتها في صنع هذا البنر

او اذا امكن شرح طريقة التصميم

ليس مثله بالضبط

بس وااحد حلوه وبطريقه سهله


واسف

[b happy]

هلا أخوي بالنسبة للسؤال الأول فقمت بشرحه في موضوعين الخط المائل الأول راح في المواضيع القديمه و بالتريقتين

هذي الأولى
http://www.swalif.net/softs/showthre...threadid=73847

و الثانية تلاقيها

هنا و هذا شرح صغير
http://www.swalif.net/softs/showthre...threadid=81472

و هنا
http://www.swalif.net/softs/showthre...threadid=80800

اما بالنسبة للبنر ففيه شغل كثير بالنسبة للفلاتر فهم 2 و من الفلاتر الأصليه للفوتوشوب هذا بالنبسة للشكل المعدني الي من الطرف و الأسفل اما الخطوط الي انت شايفها ما يبيلها شي إلا انك تتخيل كيف تبي التصميم مثلا ترسم دائرة و تحذفها و تخلي بيكسل واحد يصير عندك الخط الي انت شايفه الي او كملته يطلع معاك دائرة مادري إذا فهمتني ولا لأ و لكن راح احاول اشرحها لأني وعدت شباب بشرح اشياء اخرى و لكن وقتي دييق جدا بسبب امور الجامعة و اللخمة الي انا فيها و بالنسبة لموضوع التعب بلاش منه كلنا اخوان انا ساعدتك اليوم بكرا انت تساعدني كلنا لبعض لو انا ما بصبر عليك مين بيصبر علينا انا المسلمين

بالتوفيق أخوي

[الشبري]

مشكورررر بس الفيديوماهومرفوع كامل

ومايشتغل

واسمح لي

[b happy]

أخوي حملت الفيديو و هو كامل ما فيه اي اخطاء جرب حمله من جديد

بالتوفييق

[الشبري]

هلا اخي

علشان لا تقول اني اكذب شوف بعينك صورت لك الشاشه كامل

[b happy]

أهلين أخوي والله فهمتني غلط شو اكذب ما اكذب و الله مو القصد و لكن شوف الموضوع الأساسي في ناس حملوه و عطاهم خطأ و عاودوا التحميل و ظبط و لكن لعيونك حبيبي هذا هو الملف مرفق يالطيب

لا تنسى يالطيب تغيير اسم الملف و تحذف منه

.txt

عشان يشتغل

[الشبري]

مسامحه خوي هم نفس الشي

[الشبري]

مشكوررررررررررررر وماتقصر

واسمح لي على ازعاجك معاي شوي

واخيرا قربت واني اخلص من الواجهه

وبارك الله فيك والكل يسمح لي على المضايقه


ما اعرف شلون اشكرك

معا اني تابعتك دروس عن طريق البحث

وسابقا انت في اوز لحد علمي وشفت هم دروس
ماشاءالله عليك مو مقصر بشي والله يزيدك اكثر من هذا

وانا اتبعت دروس والحمدالله شويقربت الى ان اقدر احصل على افكار جديده للموقع



بس يمكن احتاج اني ازعجك شوي واعذرني

[b happy]

العفو أخوي الشبري و الحمد لله انك استفدت و برضو انا لسة على كلامي اي سؤال أو استفسار انا جاهز و لكن حط سؤالك في سوالف عشان الكل يستفيد في انتظار الأفكار الجديدة الي قاعدة تطبقها و بالفعل انا كنت في أوز زمااااااان و لكن تركته لبعض الأسباب بالتوفيق أخوي الشبري

مع السلامة

[الشبري]

هلا

اقدر لك متابعتك لي كل رد في الموضوع

وهذا الشي الي يأيدني الى اني اكثر اتحمس واحاول
اكثر


ويارب يكثر من امثالك