السلام عليكم ورحمة الله وبركاته
والله ماني عارف ايش احط العنوان بس كدا كدا حتخشوه
عندي سؤال يمكن احد يعرف حله وهو انه انا رقيت للنسخة قولد عشان سبب وجيه وهو انه لما اجي ابغا احط موضوع او رد والموضوع فيه صور كثير اني انسخهم واجي اسويلهم لص في النسخة قولد احصلهم نزلوا زي ما هم واذا حطيت ابتسامه تنزل الابتسامه واذا لونت الخط يتلون على طول يعني ما يحطلي اكواد وقرف من هادا الكلام يعني على طول يسوي الشي اما لما سويت ترقيه للنسخة قولد راح الصندوق السحري اقتبس شكل شبيه للصندوق السحري يلي بالنسخة القديمة ولما احط صورة او لون او اي شي يطلعلي كود ما يسويلي الشي على طول يا ريت تقلي كيف اعدلها عشان يصير على طول يطبق الاشياء
وفعلاً حصلت الحل بفضل الله ثم الاخ MANTEK وهو اني اسوي هذا الشي
==============
اول شي اروح لوحة التحكم حق المنتدى
واخش على خيارات الاوبشن
وبعدين اروح لMessage Posting Interface Options
واشوف اول خانة Enable Clickable Message Formatting Controls
واحطها على Enable Standard & WYSIWYG Controls
بعدين اسوي حفظ
واخش على phpMyAdmin وازرع هذا السطر بالقاعدة
كود PHP:
UPDATE user SET
showvbcode=2;
===============
ويصير شغال مع الاعضاء كلهم بحالة ممتازة جدا .
وفعلاً انحلت وكل شي صار عال العال بس موضوعنا مو هذا انا حبيت ابدأ كدا عشان افيد الناس يلي ما فهمت علي او الناس يل يما تعرف كيف تسويها ودحين صار تعرف موضوعنا وهو انه انا رقيت لشخص على النسخة 3.0.3 الجديدة وفعلاً نفس موضوعي عشان كدا رحت سويت نفس الشي وحطيت الكود بقاعدة البيانات بس للاسف ولا شي نجح عشان كدا ابغا احد يفيدني لو يعرف كيف اسويها او الناس يلي سوت ترقيه ونحجت معاهم كيف سووها واكون شاكر لكم .
تقبلوا تحياتي ...