تبي تبيع موقعك بخمسين الف ريال وفوق؟ ادخل

[Ten]

بعملكم طريقه طايحين فيها هالناس هاليومين


المقادير :-

1- اسم دومين (( بس حاول انه يكون حرف ورقم او اربع حروف )) يكلفك عشرين دولار اعتقد

-2 استضافه ماتكلفك شهريا عشرين دولار

-3 حط لك دردشه ومنتدى ودليل بالكثير يكلفونك = 100 دولار او ميتين دولار

-4 سو اعلان في موقع غنائي او مواقع للترشيح حيل ادفع له شهرين الف دولار حاول تاخذ التقفيله

-5 سجل نك لك في منتدى سوالف وتعرف على الاعضاء على انك مشهور بينهم قط وجهك غصب

==============
اول ماتشوف ترتيب موقعك في اليكسا بعد شهرين وصل خمسين الف من هالاعلانات

وعدد زوارك ميه ميه ادخل منتدى سوالف طبعا خلال شهرين تكون تعرفت عليهم


اكتب موضوع للبيع موقع قوي جدا ترتيبه في اليكسا مثلا خمسين الف وعدد زواره كذا وكذا

الموقع مسيوم بأربعين الف ريال وتكون انت لك اثنين شريطيه يرفعون بالسعر ويجيك واحد ملقوف

يقولك : 50 الف

=========================


بصراحه مو هذي طريقة اغلب المواقع؟؟

والدليل شوفو تاريخ تسجيل الدومين تلقونه قبل كم شهر

ترى المسئله كلها ماكلفته الف وخمسمية دولار ويبيع بالالاف الدولارات!!


===========


ارجو من المشرف عدم حذف الموضوع عشان الناس تفهم شوي وتستفيد وتتعلم

[Rwabi.com]

شوف والله يالغالي انا سمعت بهالسوالف وبهالطريقه وسمعت عن مواقع انباعت بشكل خيالي

يعني هذي تهون نقول يعني الي مامعه عقل يتحصلها


انا اذكر واحد من ربعي سواله واحد موقع


24000 ريال تدري وش في الموقع


منتدى

عشرين بطاقه متحركه نص حركه ههههههه يعني مافيه ابداعات

مجلة نيوك كلها ثغرات

شات خمسين يوزر كل يوم طافي السيرفر حقه

واجههه كلها قلوب يقول انها رومنسيه والالوان والله في جههه والرمنسيه في جههه

يعني شوفوا فعلا فيه ناس تجهل هالشي وتبي الربح لاكن اذا طاح الفاس بالراس ورط


لاكن ماعندي اي تعليق ثاني مابي الحق احد لان الي تكلمت عنه قبل اشوي رفيقي اعرفه زين حتى انا زعلت عليه

ومشكور

[زائر..... بحر الشوق]

بس اعطيك 2000 دولار وتبيعة بـــــــــــ50


ياخي الكريم جهد وتعب وتقولي 1500 دولار وينباع 50 الف


تحياتي لك


اخي انا اعمل على موقع 13 ساعة يوميا



ودفع شهريا مايقارب 1000 ريال



واشتري اوقات سكربتات او برنامج بمبلغ وتقولي 1500 دولار




وعمل اعلان واضع روابط هنا وهناك وتقولي 1500 دولار



اخي كل موقع يصل الي 50000 الف لابد ان سبق هذا المبلغ جهد وتعب وسنوات من العمل



ولا يمنع يكون هناك بعض المواقع فعل كما تقول .



تحياتي لك


وربي يوفقك

[Ten]

بحر الشوق

والله العظيم هذا اللي حاصل في اغب المواقع

انت يمكن عشان تتشغل في ضمير

شوف موضوعي فوق وافهم كلامي عدل

[ABOSALEH]

مو مشكلة الطريقة هذي
اخاف اشتري بـ50 الف ويقعد كم اسبوع وبعدين ما يزوره غيري
واكيد راعي الموقع الأاولي هو الي يقدر يدير الموقع زين

[ABOSALEH]

محذوف

[Ten]

الشباب شكلهم يقرون راس الموضوع ويردون؟؟


اقول لحد يطير ويستعجل

انا كاتب موضوع عن الناس اللي تبيع مواقعها وهي ماتسوى


وشلون خلو مواقعهم بالمراتب الاولى فهمت يا ابو مخ نظيف

ابو صالح مدري ابو سالح

[robanuae]

لا والقهر لما يبيعون يقولون عدد اعضاء المنتدى 10 الاف
يركز على الاعضاء
ولما تدخل منتداه تحصله مغلق عن الزوار

[الامارات]

اخي Ten كلامك صحيح وايد صارت هذه الحركة وفي ناس باعو فوق خمسين الف ريال يعني ماكان يهمه نجاح الموقع او لا المهم يحصل فلوس منه فوق العاده التي خسرها ونرى كثير يعرضون مواقعهم للبيع وخاصة الذين يفتحون مواقع جديده ويعملون اعلانات لها وخلال شهرين يعرضه للبيع وهذا حصل على العموم تسلم اخي

[alwoolf]

السلام عليكم

انا عندي موضوع مشابه لمواضيعكم

www.kuw25.com

هذا عبارة عن اندكست عادي على شكل مجلة بس حيل حيل متواضع

+

منتدى ستايل مجاني بس بدل صورة وحده فقط بالتحديد صورة البار مال المنتديات

وسألت صاحبة ليش ماتدفع له شوي اتضبط تصاميمك ؟

قالي انا توني دافع 160 دينار (500 دولار تقريباً) على المنتدى والمجلة وتصاميم خاصة قلت حلو متى اتركبهم قال هذولي اهم .. قلت ماشوف مجلة وستايل المنتدى مجاني وش سوى لك ؟ قالي هذي مجلة وانت ماتعرف شي قلتله هين واعطيه امثله وأحاول اقنعه بس موراضي

والشخص هذا اعرفة بس مادري كلامه صحيح او غير صحيح ولكن هذا اللي وصلني من راسه شخصياً

واقتنعت انه رزق الـ ... على ....

وتحياتي لكم

[Ten]

اخوي الامارات


انا كتب هذا الموضوع عشان محد ينغش

ويعرف حقيقة هالمواقع



ملاحظه : واحد قلت له ياخي موقعك ليش بمية الف قال شوف ترتيبته بأليكسا جم

لووول قلت له زين الموقع فاضي مافيه شي بس دردشه كتابيه ومافيه اي محتوى

رد مره ثانيه قالي ترتيبه بأليكسا

مالت عليك وعلى اليكسا فوقك

[المتواضع]

كلامك صحيح مية المية

[ArabsHome]

رد مقتبس من ..... بحر الشوق
بس اعطيك 2000 دولار وتبيعة بـــــــــــ50


ياخي الكريم جهد وتعب وتقولي 1500 دولار وينباع 50 الف


تحياتي لك


اخي انا اعمل على موقع 13 ساعة يوميا



ودفع شهريا مايقارب 1000 ريال



واشتري اوقات سكربتات او برنامج بمبلغ وتقولي 1500 دولار




وعمل اعلان واضع روابط هنا وهناك وتقولي 1500 دولار



اخي كل موقع يصل الي 50000 الف لابد ان سبق هذا المبلغ جهد وتعب وسنوات من العمل



ولا يمنع يكون هناك بعض المواقع فعل كما تقول .



تحياتي لك


وربي يوفقك

بعد اذنك اخي بحر الشوق,,

[شبكة بوابة اليمن]

ماشاء الله افكار خياليه


قويه هذي الفكره

ولما اكتب موضوع اقول محتاج افكاركم محد يرضي يدلني بفكره حلوه مثل هذي


علي العموم مايهم اللي يسوي مثل هذي الحركات الا المكسب السريع

هنالك اشخاص عملوا مواقع لانها كانت في يوم من الايام احلام تراودهم ان يكون لديهم موقع مشهور ولا بأس من اشهار مواقعهم بأي طريقه لانجاحها

اما من اجل بيعها بعد عدة اشهر

وبأسعار مثل هذي

اقول مافيش حد مغفل ممكن ينضحك عليه بهذا الاسلوب

واحلي تحيه

[Ten]