 |
السلام عليكم و رحمة الله و بركاته
كيف الحال أخوي بي هابي متأسف على العنوان و لكن عرفت انك في الامارات و انا في الأمارات فقلت استفيد منك بسؤال بسيط ممكن اسألك في اي معهد دارس التصميم ولا كيف تعلمته لأني ما شفت ولا معهد قوي في الأمارات تقريبا كلهم فيهم نوع من الفشل فياريت تقلي طريقة اتعلم بيها و ما اسم المعهد لو انك دارس بمعهد لأني سألت كل الناس الي يعرفوك ما لقيت جواب الي يقلي مو داخل معهد والي يقلي مادري و الي يقلي تعلم لوحده فيارات تعطيني جواب يثلج صدري و يفيدني
و آسف اخذت من وقتك دقايق
__________________
لا اله إلا الله محمدً رسول الله
اسف للمداخلة
لكن اعتقد اخونا بي هابي 90% معتمد على نفسه + الله اعطاه موهبة والله يزيده ويوفقه
واسمح لي اخوي
اقلك التصميم يعتمد علىالموهبة وليس التعلم ..!!
انا دخلت دورة هنا بالرياض 4 شهور وتعلمت كل اساسيات الفوتوشوب الاساسية لكن نسبة فائدتي من هذه الدورة لا تتجاوز 20%
وهذه نسبة قليلة جدا اذا ما قارنتها بالمجهود اللي بذلته في الدورة + المبلغ المالي اللي دفعته لهم ...!!!
طبعا اخوي هذه مجرد معلومة حبيت افيدك بها رغم اني اعرف شباب من الامارات مبدعين جدا في برامج الجرافكس وكنت يتصور لب انه يوجد معاهد جيده عندكم ...افضل من اللي عندنا
لكن الان اعتقد السالفة كلها تعتمد على الموهبة
اعذرني اخوي على لقافتي
__________________
@@@اللهم إن (الملــك فــهـد ) في ذمتك وحبل جوارك فقه فتنة القبر وعذاب النار وأنت أهل الوفاء بالحق فاغفرله وأرحمه إنك أنت الغفور الرحيم @@@
مرحبا
أخوي الغالي عاشق التصميم ما راح يرد عليك الأخ بي هابي لأنه مثل ما قالي مشغول في ترتيب اموره للذهاب للجامعة في كندا و اظن انه متغييب عن سوالف من عدة ايام و لكن لما سألته نفس سؤالك كان الجواب
نفس كلام الأخ جلال و لكن قلي تبي تتعلم خبص كنت يومها سألته عن تصميم الستايل و كيف اقدر اصمم ستايل جاوبني قلي صعب اشرح لك قلي روح و افتح القوالب و ابدأ في تمبليت قلي اسمه اظن forumhome و قلي عدل و رجعه و شوف تعديلك شو جاب و وين عدلت و خليك على هالحال 4 ايام لا غير قالي إذا ما طلعت استايل في اقل من 10 ايام تعال قابلني بس انا تكاسلت و الله و لكن هو يقلي انه تعلم من تخبيصه و اجتهاده و هو ما شاء الله عليه ذكي مو قليل و انصحك تسوي مثل ما قالي يمكن انت تفلح
مع السلامة
__________________
www.vb-style.com
ضوابط المشاركة
