الى صاحب قروب ابونواف او اي واحد يدير قروب

[الغالـــي]

السلام عليكم ورحمة الله وبركاته

كيف الحال ان شاء الله بخير


لقد تمكن ولله الحمدلله من انشاء القروب

ولكن واجهتني مشكلة ابيه مثل قروب ابونواف المتميز بأنه

ماتوصل الرسالة الى الاعضاء الا لما اوافق انا


وابي اعرف كيف اوافق على الرسائل واخليها توصل للأعضاء

ياليت الجميع يشاركنا او صاحب قروب ابونواف

ويعطيكم ربي الف عافية

[AbOoDi]

والله انا من زمان ما دخلت صفحة ادارة قروب بس على ما اذكر فيه في صفحة الخيارات خيار اللي هو عدم تمرير الرسائل الا بعد موافقة المشرف

[الغالـــي]

طيب ممكن بلانجليز وجزاك الله خير

[AbOoDi]

روح هنا اول من القائمة اللي على اليسار

Management >> Posting and Archives [ Edit ] >>Group
Settings>>Moderated

من جدول الخيارات العمود الثاني من اليسار

ان شاء الله تكون واضحة

[Abu Nawaf]

أهلين أخوي lowly

تابع الشرح التالي


ادخل مجموعتك كونك أونر

تروح للقائمة اللي على اليسار وتحصل قسم أسمه
Management
اللي هو الادارة

وبعدين تحصل في اليمين في خانة Group Settings

رابط اسمه
Messages
اضغط عليه

راح تحصل عنده أكثر من قسم شوف القسم اللي اسمه
Posting and Archives [ Edit ]
أضغط على ايدت Edit

هنا طريقة الرسائل تكون مراقبه من قبل المشرف
سو خياراتك مثل الصوره هذي




وبعدها راح تكون الرسائل مراقبه من قبل المشرف على القروب
وراح تحصلها على اليمين في قائمة مكتوب
XX Messages
كمثال

تحياتي لك

[الغالـــي]

AbOoDi ماقصرت يالغالي

Abu Nawaf


الله يوفقك ويخليك يارب وعز الله انك ماقصرت ونجحت الطريقة وان شاء امون من منافسينك >>>> شخص يتحلم

[درب العنا]

ابو نواف اذا تكرمت
انا ابغى أسالك سؤال
وان شاء الله القى الحل
اولا : قروبك هل هوا من الياهو او لا؟
تاني شي : لمن توصل لنا رسائل من قروب أبو نواف بنلاقي
ان صفحات الرسائل كانها موقع فيها بنر وفيها خدمة الاعلانات
كيف ممكن اخلي قروبي مثلك ؟


تحياتي لك

[ابو جبل]

يعطيكم العافيه
ليتكم بعطوني نسخه من البرنامج

[بوعابد]

أرحب والله إن تـرحب يابونـواف

حي ذا الشـوف

أثاريك تشارك في سوالف

لله درك وربي من عرفتك وأنت راعي فزعه

ياخوك أنا صار لي أربع سنوات على النت

ومعجب في شخصيتين إعجاب لاحدود له

معجب طبعاً في تميزهم في مثابرتهم

معجب في إصرارهم وثباتهم على القمه

هذا أنت يابونواف

وهذا صائد الطرائد


وربي ماشفت مثلكم

لاإله إلا الله الله لايضركم

وعين الحسود فيها عووود


كل واحد منكم معه معاون من الدرجه الأولى

أنت على يمناك سوالف القايله " الله لايفرقكم"

وصائد على يمناه "لازوردي"



لو كل أصحاب المواقع يحذون حذووكم

كان المواقع العربيه مالها مثيل


عموماً هذي سوالف آخـر ليل وحبيت أقولها لك

وأهدي لك باااقه سلامي يابونواف

وهذي بوسه على خشمك يالأطخم <-- شاف صورتك في الجريده وسطل قدام الصوره ربع ساعه


على فكره يابونواف

والله ويمين بالله

إني أحبك في الله

[بوعابد]

درب العنا

الزخارف اللي تشوفها في أبونواف وباقي القروبات

هذي سلمك الله يزبطونها عن طريق الفرونت بيج

تضبط الشي اللي يطري على بالك في الفرونت بيج

وبعدها تاخذ نسخه من الأكواد

وتلصقها في بداية الرسايل اللي توصل لك على القروب

وإذا تبي البنرات تطلع في آخر الرساله

ألصق الكود في آخـر الرساله

تسألني وتقول وش لون أطلع الأكواد

أقولك أول ماتفتح الرساله

راح تحصل كلمة إديت إضغط عليها وراح تشوف الأكواد




هذي الطريقه اللي أنا أعرفها

يمكن أبونواف عن طريقه ثانيه الله وأعلم

بس حبيت أخدمك وأقولك المعلومه اللي عندي

وسامحني على اللقافه



==

أبوجبل

هذا وأنا أخوك مهوب برنامج

هذا سلمك الله قبيلة يقال لها قبيلة " الياهو "

تقدر تسجل عندهم ويصير عندك عائله "قروب"

وتصير من قبيلة الياهو المعروفين


وأبونواف هذا سلمك الله أحد أمراء الياهو

تراااه واسطه ويقدر يضبط لك اللي تبي

بس لاتكثر عليه

[Abu Nawaf]

هلا أخوي lowly الله يسلمك ويشرفني تكون بيننا منافسة

أخوي درب العنا بو عابد ماترك لي شي أشرحه بس راح أرد بالصور علشان توضح الصوره

بالنسبه لسؤالك الاول هذا القروب من قروبات الياهو بس التصميم تصميم كود HTML
وهذي الطريقة بالصور

أولا تفتح الرسايل الواردة من الاعضاء عن طريق الضغط على رابط
Pending
أسفل كلمة
Messages
في القائمة اليسرى

أو تجد عدد الرسائل على اليمين وبرابط
Messages

راح تشوف الرسائل افتح أحد الرسائل وراح تكون بالشكل التالي :


اضغط على تحرير الرساله عن طريق
Edit Message

وتفتح معك الصفحة التالية :


راح تلاحظ مكان لوضع كود HTML بالاسفل
يجب عليك بالبداية تصمم تصميم خاص فيك عن طريق الفرونت بيج وتضبطه بالشكل اللي أنت تبغاه وبعدين تنسخ الكود مع محتوى الرساله وتنقلها داخل البوكس

وبعدين تضغط على زر
Update

وبمجرد ارسالها راح تظهر بالشكل اللي انت بغيته

وأي استفسار انا حاضر

أهلين أخوي بوعابد
هلا والله ومسهلا فيك ياخوي تراك أحرجتني بكلامك وتراني ماأستاهل كل ذا الكلام :shy:
يعطيك العافيه
وأحبك الله الذي أحببتني فيه
والله يرفع مقدارك ان شاء الله

[درب العنا]

مشكور اخوي ابو نواف وبو عابد
وبجرب الطريقه

تحياتي لكم

[NSAYEM]

يا شباب المشكله لما تجي تضغط على Edit Message

تظهر لك الرساله ولكن الكود يختلف مش هتمل يظهر كود ثاني textحاجه ثانيه مش هتمل والله ما اذكرها

هل من مجيب

[alwoolf]

السلام عليكم

صحيح كلامك أخ NSAYEM

انا عملت قروب وجربت الطريقة كل شي ضبط معى إلا الارسال بالأتش تي مي ال

لو شفنا الصورة عدل

[text/html]

واللي موجود عندي بالقروب [text/plain]

كيف أخليها تقبل كود اتش تي مي ال ؟

وشكراً

[Abu Nawaf]

أهلين أخوي NSAYEM ومرحبا فيك اخوي alwoolf

بالنسبه للرسائل ان بعضها مايدعم الكود
هذا يعتمد على رسالة الشخص المرسل
يعني لو المرسل أرسل من الهوتميل وهو مفعل الكتابة بالتنسيق أو مايسمى Rich-Text Editor راح يقبل الكود
واذا ماكان مفعله راح يظهر معك انه تكست ولا يقبل الكود

جرب أرسل من الهوتميل وأنت مفعل الخاصية هذي على بريدك وشيك عليها وراح تظهر معك
ونفس الشي في بريد الياهو

وشكرا للجميع