وينك يا serversplus.com ليش ما ترد علي ؟؟

[design4host]

يا جماعه الريال لا مطنش ولا شي الريال الحين مشغول وياهم والله امس محول فلوس علشان يشترون قطع للسيرفر ويصلحونه وان شاء الله يا رب يرجع مثل اول واحسن باذن الله

يا جماعة الخير اتمني انه محد يفكر في الاخ سيرفر بلس تفكير التطنيش . .. الكل يكلمنه ويشكي لكن بيكلم العملاء ولا بيتابع المشكله على العموم اي واحد متضرر من هالموضوع
هذي ايميلاتي :
design4host @ design4host.com
design4host @hotmail.com
كلها مسنجر ... واي واحد عنده باك اب يراجعني اعطيه لين ما يرجع السيرفر باذن الله ...

[uaechat]

يا ليل ما اطولك

[الضاري]

بداية انا ما اعرف الطرفين - لا صاحب السيرفر ولا العملاء

لكن نصيحه وهمسه للاخ serversplus ولكل الاخوه اصحاب شركات الاستضافه

اخواني نعرف والكل يعرف هناك امور خارجه عن الاراده قد تحدث بالسيرفر ويتعطل لايام وقد تكون مشغول لايام لتصليحه واعادته كما كان 0
يا اخواني اصحاب شركات الاستضافه المطلوب منكم :-

1 - موضوع صغير جدا هنا بسوالف توضح ما حصل بالسيرفر كي يعرف جميع عملائك ولا يكونون ضائعين ويكتبون 100 موضوع للاستفسار عنك ,, ناهيك عن الفئه الضاله اللي مالها الا الشماته وانتي في غني عن كل هذه الامور 0

2 - رساله لبريد جميع العملاء تعتذر عن التاخير وتوضح الاضرار اللي معك 0 وما اعتقد هالامرين يتطلبون وقت كثير من عندك 0

ثق جميع العملاء سوف يتفهمون موقفك وتكون بصوره حسنة امامهم 0

مع تمنياتنا للجميع بالتوفيق

[design4host]

رجع السيرفر ولله الحمد ..

[uaechat]

صحيح ان رد السيرفر

لكن رد ثلاث شهور او اربع شهور للخلف

وثاني شي

السي بنل ما نقدر ندخل عليه

وين صاحب الاستضافه ليش ما يستقبل رسائلنا

ولا يرد علينا

[webserver]

مستضيف يترك زبائنه بدون ما يعلمهم ولا يكلمهم ولا حتى يرد على رسايلهم او تلفوناتهم !!
صراحة شي غريب ما يحدث مع بعض المستضيفين لكن الغلط على المستخدمين ، كان المفروض يروحون لم شركات موثوقة ولهم اسم او على الأقل خدمتهم راقية

ونفس الشي صاير مع مستضيفي ..

وارجو ان مااحد يختلق أعذار .. كيف مستضيف يترك زباينه يومين ثلاثة اسبوع بدون ايميل ولا شي !! يعني اذا عطاهم خبر راح يتأخر في مفاهماته مع الشركة !؟؟ سبحان الله .. والمشكلة الحين يرجع نسخة قديمة من شهور ولا في أمل يعطيك تعويض

بس اذا توقفت عن الدفع يوم واحد تلقاه يدور كل وسائل الاتصال فيك عشان ياخذ المقسوم!!!

[NETSCARE]

شو السيرفر رجع .. مافي أي شيء اطلاقا ..

[Ad For Host]

مبروك عليكم

رجعت المواقع

[osama.ae]

يا جماعة الموقع رجع بس.... ملفات شهر 8 و 9 كلها راحت.. و مو قادر أدخل للوحة التحكم..

حد عنده فكرة عن الموضوع؟

و ما زلت أنتظر إيميل من راعي الشركة.. و لكن لاحياة لمن تنادي!!

[uaechat]

?????????????? نبا حل لهذي المشكله ؟؟؟

[Ad For Host]

انتظروا عليه اشوي
دام ان المواقع رجعت..اكيد الرجال ما طار!!!

يعني بيرد لكم ان شاء الله