النتائج 1 إلى 10 من 10

الموضوع: أبي أسألكم ياشباب عن خدمة الدي إس أل

  1. #1
    عضو سوبر نشيط
    تاريخ التسجيل
    Nov 2003
    المشاركات
    808

    أبي أسألكم ياشباب عن خدمة الدي إس أل



    السلام عليكم ياأعلام في كل مقام <-- أتحداكم تفهمونها

    ياجماعة الأخيار والأفاضل الأبرار

    ودي أسألكم أنتم ياللي تستخدمون هذه الخدمه

    وش أفضل شركة تقدمها ..؟؟

    وهل فعلاً أستطيع أن أستخدم الصفر وأكلم أي جوال وبرضوا أكلم دولي ..

    وكل ماأدفعه فـقط 2040 كل ست شهـور

    الشغله هذي ماخشت مزاجي رغم إنهم أكدوا لي الشي هذا

    وهو إنك فعلاً تستطيع أن تتحدث بالهااتف وتخليه شغاال 24 ساعه

    وماراح يؤخذ منك إلا المبلغ الذي حددته لك الشركه

    طبعاً مع 120 اللي تروح لشركة الإختلاسات

    إلا هالحين وأنا متمسك برايي وأن هذا لايحدث

    وأبيكم تأكدون لي الشي هذا

    هل فعلاً الكلام صـحيح ..؟؟

    لأن خبركم بعض البدو محتجريين وإظاهر إني من هالنوعية

    كلامي كله ياأخوان مهوب عن الإنتر نت <-- حطوه عليها مكيااااج

    أنا أتكلم عن الهاتف الثااابت ...

    أفيدونا أفااادكم الله وأدامكم بعـزه وفضــلـه الذي لاينقطع عن عباده الصالحين



    دم
    تم





    __________________
    أنت تريد وأنا أريد والله يفعل مايريد
    ::<:: للفائدة ::>::
    في الوقت الذي ينظر فيه البعض للزوايا الضَيّقة المظلمة
    أنظر بشموخ للأفق الواسع النير
    بوعابد غير متواجد حالياً


  2. #2
    مشرف قسم اسماء النطاقات
    تاريخ التسجيل
    May 2004
    المشاركات
    2,791


    ايه يابو عابد تقدر تستخدم الهاتف الثابت زي العاده وتتصل على اللي تبي في وجود خدمة الدي اس ال وتكون شغاله وتتصفح وبنفس الوقت تستخدم التلفون لاتصالاتك .. وكل المطلوب منك هو انك تشتري قطعة صغيره اسمها " سبلتر " ( وظيفته هي فصل البيانات عن التلفون - وقيمته حوالي 50 - 80 ريال على حسب النوع ) تشبكها بخط التلفون ويتفرع منها سلكين واحد للتلفون والثاني للمودم .. زي ماتشوف بالصوره المرفقه

    وطبعاً حساب الدي اس ال اللي تدفعه يكون مبلغ ثابت .. ويضاف عليها قيمة المكالمات

    ان شاء الله اكون افدتك .. واذا عندك اسئله حاضرين





    __________________
    تبي تقنص نطاق؟ شراء نطاق من سيدو؟ حجز أو تجديد؟ نقل نطاق بين شركتين؟ استشاره أو نصيحه؟
    خدمات النطاقات بشكل عام.. راسلني و ابشر!

    لمراسلتي
    Domain غير متواجد حالياً

  3. #3
    مشرف قسم اسماء النطاقات
    تاريخ التسجيل
    May 2004
    المشاركات
    2,791


    عذراً نسيت الصوره





    الصور المرفقة الصور المرفقة  
    __________________
    تبي تقنص نطاق؟ شراء نطاق من سيدو؟ حجز أو تجديد؟ نقل نطاق بين شركتين؟ استشاره أو نصيحه؟
    خدمات النطاقات بشكل عام.. راسلني و ابشر!

    لمراسلتي
    Domain غير متواجد حالياً

  4. #4
    عضو نشيط جدا
    تاريخ التسجيل
    Nov 2003
    المشاركات
    376


    السلام عليكم


    صحيح يا بوعابد

    تقدر تستخدم خط التيلفون عادي وماكو مشاكل

    والطريقة كالتالي :-

    مقدم الخدمة يربط تيلفونك مع الشركة الرئيسية عن طريق المقسم الخاص في المنطقة

    ويكون اتصالك بالنت متواصل

    وطريقة الشبك بلحظة يشبك

    ومثل ما تفضل الأخ وراك صورة فيها فتحتين الأولي لخط التيلفون والثانية للدي أس أل

    وإذا بتشغل التيلفون عادي فيه وصله غير هذي ثلاث فتحات :-

    فتحة لخط التيلفون الرئيسي
    فتحة لربط الخط بالمودم
    فتحه لربط تيلفون البيت وأستخدامه

    وتقدر اثناء استخدامك خدمة الدي أي أل تشبك على الخط نفسة إذا كان عندك جهازين او تربطهم في بعض اتسوي شبكة يعني مثل الكافيهات

    وهذا اللي اعرفة





    alwoolf غير متواجد حالياً

  5. #5
    مشرف قسم اسماء النطاقات
    تاريخ التسجيل
    May 2004
    المشاركات
    2,791


    8
    8

    احس انك عقدتها ..

    على فكره .. وش هالقطعه اللي تقول فيها 3 فتحات ؟ أول مره اسمع بـ سبلتر 3 فتحات ؟
    المعروف هو انه يجي فتحه للداخل وفتحتين للخارج ويشغّل التلفون عادي .. وهو نفس اللي انا ذكرته
    فـ ياليت توضيح للي تكلمت عنه انت ..

    وكذلك بالنسبه لاستخدام أكثر من جهاز حسب كلامك فـ مافهمت كيف تشبك على الخط نفسه وتربطهم في بعض وتسوي شبكه .. ربط الأجهزه لاستخدام الـDSL يكون باستخدام راوتر "قسّام" ويجي نوعين شي مدمج مع المودم ويسمى راوتر داخلي ويكون في نفس المودم وتشوف فيه 4 فتحات لتوصيل أسلاك الشبكه مثل Alcatel SpeedTouch 510 v4 وهو النوع الأكثر انتشاراً وسعره من الوكيل هنا 850 ريال .. وفيه النوع الثاني اللي هو باستخدام راوتر او قسّام خارجي وهذا تستخدمه اذا كان المودم اللي عندك لجهاز واحد ومافيه الا منفذ واحد لسلك الشبكه فـ تستخدمه حتى تقدر توصّل الأجهزه بالنت مثل مودم Alcatel SpeedTouch usb 330 وسعره يتراوح بين 400 - 450 ريال + راوتر من نوعيه ممتازه D-Link Router سعره حوالي 400 ريال ..

    هذا توضيح بشكل مختصر شوي للقطع المهمه قبل التركيب .. واذا بغيت زيادة معلومات عندك هالموقع يعتبر الأفضل في مجاله ومتخصص بكل شي يخص الـDSL في العالم العربي بشكل عام والسعودية بشكل خاص وبتحصل فيه ان شاء الله كل اللي تبيه يابوعابد
    www.ADSLgate.com


    وبالنسبه لـ سؤالك عن أحسن شركة فـ انا انصحك بـ سعودي نـت ووبس
    سرعة ممتازه وثابته + انقطاعات قليلة وشبه معدومه واذا انقطع ماياخذ دقايق ويرجع + تحميل غير محدووود مو زي الشركات الثانيه اللي تقولك غير محدود وبعدين اذا شافوك ضغطت الخط هددوك تدفع زياده والا قطعوه عنك + دعم فني ممتاز حتى لو انتهى اشتراكك وانقطع بالليل او بالفجر تكلمهم ويشغلونه لك لين الصباح حتى يمديك تشتري اشتراك وتجدد
    وكلامي هذا مو دعايه ولاشي .. هذا من تجربتي معهم لمدة 8 شهور ومستمر معهم والحمد لله

    بالتوفيق .. ولاتنسى تدعيلنا





    __________________
    تبي تقنص نطاق؟ شراء نطاق من سيدو؟ حجز أو تجديد؟ نقل نطاق بين شركتين؟ استشاره أو نصيحه؟
    خدمات النطاقات بشكل عام.. راسلني و ابشر!

    لمراسلتي
    Domain غير متواجد حالياً

  6. #6
    عضو سوبر نشيط
    تاريخ التسجيل
    Nov 2003
    المشاركات
    808


    الله يعطيك العافيه ياكبتن على المعلوماات القيمة

    وربي يكثر من أمثااالك

    كل اللي قلته راح أحتاااجه وأعود له أول ماأقرر أركب هذه الخدمه الرائعه

    بس الآن أنت قلت

    وطبعاً حساب الدي اس ال اللي تدفعه يكون مبلغ ثابت .. ويضاف عليها قيمة المكالمات
    تقول يضاف عليه قيمة المكالمات

    هل معنى كلامك أن أي إتصااال أقوم به

    عن طريق الهاتف الثابت تحسب علي قيمته

    أم أنك تقصد ال 120 ريال اللي بتروح للإختلاسات


    وأشكرك لأنك برضوا نصحتني بسعودي نت

    مع أنهم يقولون أول نت هو الأفضل

    والله هو الأعلم



    وشكراً يامدااار على النصح والتوجييه

    وربنا مايحرمنااش منك


    إلا أقول يابعدي ياDomain

    ياخوك في حاجه مدقره لي ولاعبتني فيني

    يقولون خدمة الدي إس إل ماتوصل للحي اللي أنا ساكن فيه

    بس من حسن حظي إني أقدر أركبه في المزرعه <-- ناوي يسنتر فيها

    اللي ودي أسألك عنه

    هل هناك طريقه أجعلهم يسمحون فيها بهذه الخدمه في حارتنا

    يعني لو كتبت عنهم في الجرايد

    وحشرتهم في ذيك الزوايا <-- حقت عبدالمجيد عبدالله

    هل سوف تنفع محاولاتي معهم

    ولا أمسك أرضي أبرك لي

    وعلى مايقولون آل مره ( بــريك ياحمــد )





    __________________
    أنت تريد وأنا أريد والله يفعل مايريد
    ::<:: للفائدة ::>::
    في الوقت الذي ينظر فيه البعض للزوايا الضَيّقة المظلمة
    أنظر بشموخ للأفق الواسع النير
    بوعابد غير متواجد حالياً

  7. #7
    مشرف قسم اسماء النطاقات
    تاريخ التسجيل
    May 2004
    المشاركات
    2,791


    تقول يضاف عليه قيمة المكالمات

    هل معنى كلامك أن أي إتصااال أقوم به

    عن طريق الهاتف الثابت تحسب علي قيمته

    أم أنك تقصد ال 120 ريال اللي بتروح للإختلاسات
    اجل تبي تكلم جوالات وداخلي ودولي ببلاش ؟؟

    الفرق بين الـDSL والاتصال العادي ان اول شي التلفون مارح ينشغل وقت ماتكون شابك النت وممكن تتصل , وثاني شي هو انك بدال ماتدفع 3 ريال على الدقيقه الوحده للاتصالات بتدفع مبلغ شهري ثابت اللي هو 120 مهما كان استخدامك للنت حتى لو تشبك 24 ساعه ماتتغير القيمه .. اما مكالماتك واتصالاتك فـ مالها علاقه بالموضوع لأن تسعيرتها مختلفه عن تسعيرة الـDSL
    يعني انت بيصير عليك تدفع شهري 120 للاتصالات + 220 مثلاً قيمة الاشتراك الشهري من سعودي نت او غيرها + قيمة اي مكالمه تقوم فيها جوال او دولي او اي شي ..


    إلا أقول يابعدي ياDomain

    ياخوك في حاجه مدقره لي ولاعبتني فيني

    يقولون خدمة الدي إس إل ماتوصل للحي اللي أنا ساكن فيه

    بس من حسن حظي إني أقدر أركبه في المزرعه <-- ناوي يسنتر فيها

    اللي ودي أسألك عنه

    هل هناك طريقه أجعلهم يسمحون فيها بهذه الخدمه في حارتنا

    يعني لو كتبت عنهم في الجرايد

    وحشرتهم في ذيك الزوايا <-- حقت عبدالمجيد عبدالله

    هل سوف تنفع محاولاتي معهم

    ولا أمسك أرضي أبرك لي

    وعلى مايقولون آل مره ( بــريك ياحمــد )
    اذا الحي اللي انت فيه ماتشغلت فيه الخدمه فـ ممكن تنتظر فتره وانت وحضك حتى تتشغل لأنهم في تطوير دائم وكل فترة يشغلون قسّامات جديده ويضيفون احياء جديده وممكن تنتظر اسبوعين ممكن شهرين ممكن سنه ..:funny:

    اذا بتحشرهم ما اظن يفيد لأن اكيد فيه غيرك مقدمين قبلك وردو عليهم نفس الشي وحاولوا ولا حصلوا نتيجه وكذلك احياء ثانيه انتظروا بالسنه والسنتين لين تشغّل عندهم.. لكن ممكن تسأل متى بتتشغل بحيكم لأن هم عندهم خطه لشتغيلها بكل المملكه ويتطورون شوي شوي .. اذا ودك تكلمهم وتحاول فيهم وواثق من قدرات لسانك فـ جرب ممكن يحطون حيّكم بأول اللسته

    اذا المزرعه مهيب بعيده ولا حولها بيوت كثيره وقريبة من القسّام حق الحي اللي هي فيه فـ انا اقول خلهم يشغولنه لك هناك عشان تبعد عن زحمة الأحياء وبنفس الوقت يكون خطك سريييع واقل مشاكل وضغط ..

    موفـّـق





    __________________
    تبي تقنص نطاق؟ شراء نطاق من سيدو؟ حجز أو تجديد؟ نقل نطاق بين شركتين؟ استشاره أو نصيحه؟
    خدمات النطاقات بشكل عام.. راسلني و ابشر!

    لمراسلتي
    Domain غير متواجد حالياً

  8. #8
    عضو سوبر نشيط
    تاريخ التسجيل
    Nov 2003
    المشاركات
    808


    ياااخوك وش أقول وش أخـلي

    شرحك وااافي وقلبك صاافي

    الله يجمعني ويااك في جنة الفردووس

    وجعل زواجي وزواجك في ليلتن وحده

    ماقصرت يالسنااافي وكلامك على عيني وراااسي

    راح يكون لي ردي آخــر وإستشاارات آخـرى

    بعد ماأركب الخدمه المذكووره





    __________________
    أنت تريد وأنا أريد والله يفعل مايريد
    ::<:: للفائدة ::>::
    في الوقت الذي ينظر فيه البعض للزوايا الضَيّقة المظلمة
    أنظر بشموخ للأفق الواسع النير
    بوعابد غير متواجد حالياً

  9. #9
    عضو نشيط
    تاريخ التسجيل
    Mar 2002
    المشاركات
    235


    يا حبكم للتعقيد ،، ببساطة

    ال DSL توفر عليك دخول الانترنت بدال ما يحسبون عليك 3ريال كل ساعة يصيرون يحسبونها عليك 120 كل شهر
    يعني مالها دخل في تكلفة الاتصالات لها دخل في تكلفة الاتصال بالانترنت

    من مميزاتها انك تقدر تستخدم خط واحد للانترنت وللمكالمات في وقت واحد





    Dream Man غير متواجد حالياً

  10. #10
    عضو سوبر نشيط
    تاريخ التسجيل
    Nov 2003
    المشاركات
    808


    يا حبكم للتعقيد
    تعقيد ولا تخميس

    هههههههه


    هلابك يادريم مااان

    ياااخي وربي إنك أختصرت وأجدت


    بس برضوا سوالف دوماين ماينمل منها

    وقسم بالله إني أستفدت منه معلوماات كثيره

    بعكس ردك المختصر جداً :shy:

    يعني أخونا في الله

    عطـــاني معــلومه وإجاابه

    وأنت عطيتني إجـابه فقط





    عموماً شكراً لك على مداخلتك





    __________________
    أنت تريد وأنا أريد والله يفعل مايريد
    ::<:: للفائدة ::>::
    في الوقت الذي ينظر فيه البعض للزوايا الضَيّقة المظلمة
    أنظر بشموخ للأفق الواسع النير
    بوعابد غير متواجد حالياً





ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أضف موقعك هنا| اخبار السيارات | حراج | شقق للايجار في الكويت | بيوت للبيع في الكويت | دليل الكويت العقاري | مقروء | شركة كشف تسربات المياه | شركة عزل اسطح بالرياض | عزل فوم بالرياض| عزل اسطح بالرياض | كشف تسربات المياة بالرياض | شركة عزل اسطح بالرياض