النتائج 1 إلى 8 من 8

الموضوع: مغامرات صحفي فاشل (( أول سبق صحفي لي مع أحداث ليلة البارحة ))

  1. #1
    عضو نشيط جدا
    تاريخ التسجيل
    Jul 2003
    المشاركات
    439

    مغامرات صحفي فاشل (( أول سبق صحفي لي مع أحداث ليلة البارحة ))



    [align=right]حياهلا ..

    يالله يوم صعب ومليئ بالبرابيس <<<< والله من زين الحتسي


    ففي فجر اليوم سمعنا في حارتنا المبجلة صوت أطلاق نار وقنابل ودبابات وغواصات <<<<<بداء التسذب :mf_hassid

    قمت على صوت بنتي تصيح من الخوف كانت نايمة .. :crybaby:

    رقيت لم السطح قلت ياولد وش الهرجة .. :gun2:

    أثاري الدنيا مولعة وكنك بالعيد تبادل أطلاق النار بين رجال الأمن والفئة الضالة ..
    :Jawdrop:

    قلت ياولد أرجع نم والصباح رباح وبتسمع كل شي بالأخبار .

    قمت الصبح ورحت للمكتب وفتحت الإنترنت قلت بلقى أخبار سنعة وصور وحركات وأدور وأدور مالقيت شي ،،

    من هنا أنقدحت الفكره <<< أستر عليه أنقدحت .. :hmm:

    اللهم قلت ياواد ياحابد ورى ما تسوي سبق صحفي على مستوى وتصير السباق لنشر الخبر مصور <<<< ناوي يفتح قناة :lol1:

    وفعلاً يوم جاء الظهر لقطت الكميرا حقتي ورحت للموقع الي هو عند بيتنا وقبل ما ادخل المربع حق حارتنا الي صار فيه تباد إطلاق النار قلت ياواد ياحابد إبداء السلسة من أولها صور المحاصره عن بعد ..










    لفيت رجعت ويوم جيت أدخل الحارة لقيتهم مسكرين الدخول قلت لك حجه يا واد انت من أهل الحاره فتحك الدريشه وقلت للعسكر انا ساكن هنا ممكن أدخل ..

    ماقصروا دخلوني بس الآن كسرت الحاجز الأول قلت ياولد خليك مأدب وأسأل راعي الدورية وقله مسموح التصوير ولا لا ..

    وقفت سياراتي عندهم وسالتهم وقالوا مافيها شي خذ راحتك ..

    وأطقهم بصوره رجال الأمن الله يحفظهم .. :gunsmilie













    المهم بدأت أقترب من موقع الحدث وأبتديت بسيارة مصوبة الكفرات حقتها أظنها للمطلوبين حسب تصريحاتي الشخصية <<<< ياصبر الأرض
















    وبعدين أتجهت للبيت الي تبادل إطلاق النار بين الأرهابيين ورجال الأمن وألقى قدامي مصور قناة الأخبارية بذيك الكميرا الي كبر راسه وسياره القناة الرسمية وحركات ..



    وأنا ياحول كميرتي كبر ايدي وحالة أمها حالة ..

    قلت ياولد لا تحقر عمرك يمكن تصير صحفي أد الدنيا ..

    المهم قمت أقلده بالحركات يسوي مقابلة ويسأل أهل ألحي ..

    وأنا اسوي مقابلة وأسال مثلة ..

    أي جهة يصورها أصورها انا ..

    وهو يناظرني بتعجب ..

    مسك واحد وقالة رح وقف عند الجدار وأشر على الطلقات ،،

    جيت أنا مسكت واحد وقلتة رح أشر على الطلقات ..





    الرجال يناظرني يحسبني من قناة ولا شي ما يدري ان ماعندي إلا الدجة ..

    المهم قمت أصور أطراف المنزل من يمين ويسار والاحقه بكل مكان ..





    شوي جاءت فرقة من الدوريات وقف عندي قالي وش تسوي ..

    قلت شوفت عينك أصور ..

    قال معك تصريح قلت له لا ..

    قال أركب ..

    وهنا بداء العرق يتصبصب ..
    ياأبن الحلال ماله داعي تفرق بينا كميرا <<<<مسوي صديقي

    قال أركب بس وراعي قناة الإخبارية يناظرني وفيه الضحكة ..

    على العموم ما يهم هذي بدايات الصحفي الناجح <<<< مسوي فيها

    المهم ودوني للشرطة ومن 1ونص الين الساعه أربعه وانا بالقسم انا وكمرتي وسين وجيم ..

    وانت تابع لمين ..

    قلتهم أنا تابع لشبكة القمم .. قال الضابط اكتب العنوان وكتبته <<< ياوليكم رحتوا فيها ..

    المهم سوو إستفسار عني وطلعت براءه الحمد لله قلت والله ما تخرب حلاوه التصوير هالمواقف البايخه ..

    بدال ما يشكروني يقومون يوفقوني والله حالة ..

    لا ومن زين الخشه بعد أقول للضابط تراك طيرت علي سبق صحفي وانت تتحمل المسئولية <<<<< دنتا مسخره


    المشكله اذا الدولة ما تشتغل هذي المواهب وش نسوي <<<<<ورى ما تسكت والي يرحم والديك ..


    وهذي هي القصة بالتفصيل ..

    تحياتي لكم
    [/align]






    __________________
    مؤسســـــة واو التقنيــة
    الإدارة- ساري سليمان
    wawtec.com.sa
    manager(@)wawtec.com.sa
    2489706-9661 تحويله (101)
    2787551-9661 فاكس
    حابد غير متواجد حالياً


  2. #2
    عضو نشيط
    تاريخ التسجيل
    Apr 2004
    المشاركات
    199


    :funny:
    ذكرتني بمره كنت مع صديق رايحين مشوار اخر الليل الا نشوف زحمه امامنا
    واطلع من فتحت السياره التنده (السقف)
    واشوف تريلة بنزين منقلبه واصور حدود عشرين صوة بعد ما تعدينا الحادث الا الدورية تطرد ورانا ويحدنا حتى طلعنا على التراب وكأننا مجرمين (لابارك الله فيه هو ومن عينه)
    وينزل ذاك الجندي الدب تشوفه تقول انه عميد من كذر النعمه :funny:

    ويفتح الباب الخلفي (افرض فيه حريم)عاد لو فيه حريم لأطلع الرشاش في خشته
    المهم فتح وقال وينه وينه(انا قلت لا يصير خاطفين بنت ولا شي :funny: :funny: )
    اثاري الرجال يسال عن الكامره:funny: :funny:
    انا مدري كيف قزني وانا اصور مع انها صغيييره اخذه وبغا يصبخ بها الارض الا قلت له (( لا..لا لا تفعل))
    هون وفتح مكان البطارية .. الضعيف يدور الفلم يحسبنا في القرون الوسطى
    ودار بنننا الحاور التالي
    انا: يبوي هذي دجتال
    هو: وشنهي دجتل
    انا:يعني بدون فلم على الجهاز الكبميوتر
    هو:اها اجل نروح القسم ننزل الصور
    انا: ياااااااخي انا مصور بنات لا قدر الله ؟؟ مصور حادث وش صار يعني(كنت في انفعال شديد وكدت افقد الصيطره على الموقف
    هو: هذا ممنوع الأنظمه والقرارارارارارات تمنع التصوير في الأماكن العامه
    قلت له خير خلاص ما راح اصور اخذت الكامره ورحت سالما غانما
    عاد يوم نزلت الصور ولا صورة طلعت واضحه:funny:
    عاد بعد سنة صورت صوره اخرى داخل الحرم المكي الشريف وبجوار الكعبه
    الا وراري وراي هالعسكري ويمسك الكامره وانا اوصور ولا حسيت الا والكامره بين يديه
    لابارك الله فيهم
    في كل شي ممنوع ...........:anger2:





    __________________
    حسبنا الله ونعم الوكيل
    ahm_151 hotmail
    Aljazeera غير متواجد حالياً

  3. #3


    اخوي حابد ..

    بصراحه خوش سبق صحفي ..
    احس بكره بتقول عزلت التصميم واشتغلت بجريدة الرياض

    والله البيت راح فيها من الرصاص ..
    شي يقهر الله ياخذهم قل آمين ..

    والله يحفظ لنا بلادنا سالمه غانمه ..



    الف شكر لك ..





    __________________
    ::- يستخدم العضويه اكثر من شخص -::
    احساس ريماز غير متواجد حالياً

  4. #4
    عضو سوبر نشيط
    تاريخ التسجيل
    Oct 2003
    المشاركات
    613




    ما شاء الله عليك

    الله يعطيك الف عافيه

    صراحه سبق صحفي % 10000

    والصور روعه ... مصور محترف






    __________________
    أول موقع عماني بثلاث لغات
    +-+ بوابة مسقط +-+
    http://www.mctgate.net

    ------------
    أول موقع عربي متخصص
    بجوالات سوني اريكسون
    +-+ عرب سوني إريكسون +-+
    http://www.arabsonyericsson.com
    Accountant غير متواجد حالياً

  5. #5
    عضو فعال
    تاريخ التسجيل
    Sep 2002
    المشاركات
    1,057


    حابد الله يهديك


    وش لك بالتصوير


    لا وبعد مصور موقع المداهمة :funny:


    خلك وانا اخوك على الإستايلات



    قل الحمد لله ما احكموا عليك بسنتين سجن


    صدقني تلقى المباحث الحين مراقبينك


    مايسوى عليك التصوير :funny:



    وعساك على القوة على هيك تصوير





    __________________
    دليل غصون
    http://www.sss5.net
    http://www.sss5.com
    http://www.sss5.org
    http://www.ss5.info
    شيبان84 غير متواجد حالياً

  6. #6
    عضو فعال جدا
    تاريخ التسجيل
    Jun 2004
    المشاركات
    3,528


    مين كفلك :funny: :funny: :funny:

    وبعدين يالغلا هاذي تعليمات من المديريه العامه .. ولا هم مالهم الا التنفيذ

    ولا تزعل ...





    __________________


    oO(الباسل)oO غير متواجد حالياً

  7. #7
    عضو نشيط
    تاريخ التسجيل
    Oct 2003
    المشاركات
    124


    هذه الصورة
    ----------------------

    ----------------------
    محترفه جدا , يعني يا انها حظ مبتدئين او انك محترف فعلا .





    __________________
    ================================================
    هـــل يـوجـد شـركـة إستـضـافـة عـربيـة حقـيـقـيـة و تـقـدر شـيء
    أسـمـــة عـمـيـل و هــذا الـتـقـديــر يـسـتـمـــر الـى نـهـايـة مــدة
    الإســـــــــــــــــــــتــــــــــــــــــضـــــ ـــــــــــافــــــــــــــــــــة
    ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟
    ================================================

    ================================================
    بانتيوم غير متواجد حالياً

  8. #8
    عضو نشيط
    تاريخ التسجيل
    Feb 2003
    المشاركات
    120


    الله يستر عليك اخوي حابد
    هاذي ضريبة الصحافة

    وهالمسيكين اللي مصوره مو حرام عليك تشهر بالآدمي وتنشر صورته بثوب النوم

    والا لايكون اسمه حابد؟؟





    الرقم13 غير متواجد حالياً





ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أضف موقعك هنا| اخبار السيارات | حراج | شقق للايجار في الكويت | بيوت للبيع في الكويت | دليل الكويت العقاري | مقروء | شركة كشف تسربات المياه | شركة عزل اسطح بالرياض | عزل فوم بالرياض| عزل اسطح بالرياض | كشف تسربات المياة بالرياض | شركة عزل اسطح بالرياض