السلام عليكم .. كيف الحال اخواني الأعزاء .. كل عام وانتم بخير بمناسبة الشهر الكريم ..
الموضوع ومافيه هو الآتي ::
حاليا أنا عملت تصميم بالفوتوشباشب .. وقسمته وكله تمام وظبطته في الفرونت بيج .. وبعدين خليت جزء من التصميم كفريم - بمعنى فرغت مكان جزء من التصميم وخليته كفريم - .. لغاية دلوقت كله تمام
طبعا أنا عامل أماكن داخل التصميم كلينكات وظبطتها عن طريق الفرونت بيج .. طيب لو عايز الوصلات دي تتفتح داخل الفريم اللي سبق ذكره فقط والتصميم مايتحركش منه أي شيء غير بس صفحة الفريم ..
أنا ممكن أعمل أكتر من فريم لاحتواء الصفحات لكن ده بيؤدي إن التصميم كله بينعاد تحميله من جديد داخل المتصفح .. لكن لأ .. أنا مش عايز كده .. أنا عايز التصميم كله يكون ثابت وفقط اللي يتغير الفريم اللي عملته بالصفحة اللي تكون فيها
مثال زي موقع www.lobbyhost.com :: عفوا بدر لتمثيل موقعك لكن الغرض هو التعلم لا أكثر ولا أقل وكلنا بنستفيد ..
لو لاحظتم في موقع LobbyHost هاتلاقوا ان لما مثلا يضغط على أي لينك مثل "الاستضافة" أو "شروط الاستخدام" .. إلخ هانلاقي بس ان في جزء من التصميم بتاع الموقع هو اللي بيتغير لكن باقي أجزاء التصميم ثابته وده لتسهيل التصفح ولإضافة رونق على الموقع
فهل يا ترى حد منكم يعرف الطريقة أو بعد إذنك يا بدر يا ريت تقولنا الطريقة ازاي ..
خالص تحياتي للجميـــــع :: رمضـــــــــــــان كريـــــــــــــم ..
